باراتي ماباقتش ناعمة !!!

**hamada_elzayat** · 24-05-2013 03:30 AM

لو العربيه طلعتها بقت بتنتش معاك ولو مشيت على غيار عالى بسرعه واطيه نسبيا برضو ترجرج وتحس انك لازم تحايل دواسه الدبرياج اكتر من الازم ( بالشعره ) ممكن تكون كابلات الكهربا
انا عملت معايا كده وظبطت لما غيرتهم
بس بدل ما تغير عشان غاليين جرب تروح لميكانيكى يجربهملك بكابلات شغاله كويس
انا فتحت الكبوت فى حته ضلمه جداااااااااااا لقيت الكابلات كانت بتشرز وربنا سترها الحمد لله
ابقى طمنا عملت ايه

**reda elgohary** · 24-05-2013 03:39 AM

انا كان عندي نفس المشكلة ف الفورد ،، ممكن تلاقى المشكلة زي ما قال لك العضو الكريم ،أو سلك البنزين أو الزيت بتاع الدواسات أقصد تراجع ميكانيكى ف ضبط الدبرياج بعد تنظيف السلك وتشحيمه .

**amrh** · 24-05-2013 11:11 PM

كتر خيرك والله..
افدتني وان شاء الله بس افضى واعملها بنفسي..
بس تسمحلي .. هوا الـ wd-40 بيتجاب منين ؟؟
من اي محل بتاع عربيات واكسسواراتها ولا ناس معينه..؟؟

**SYD** · 25-05-2013 01:32 AM

المشاركة الأصلية كتبت بواسطة amrh

كتر خيرك والله..
افدتني وان شاء الله بس افضى واعملها بنفسي..
بس تسمحلي .. هوا الـ wd-40 بيتجاب منين ؟؟
من اي محل بتاع عربيات واكسسواراتها ولا ناس معينه..؟؟

بالظبط كدة
من اي حد بتاع اكسسوارات

**amrh** · 02-06-2013 01:25 PM

الحمد لله لقيت عندي وقت ورحت لميكانيكي

مالقاش عندي بوابات بس لقى عندي ححساسات بوابات ونضفه..

وبص على وش الاسبراتير لقاها زي مملحه.. طبعا العربية من 8 سنين هوا اول ميكانيكي يبدأ يبص فيها.. لان العربية استخدامي ليها مش عالي ..2005 ولسه ماكملتش 60 الف كيلو..

هوا قعد يحك في الاربع مسامير الاسبراتير اللي جوا عشان ينضف الملح اللي فيها..

وفهل ممكن يكون بسبب وش الاسبراتير..؟؟

وقالي الاصلي بتاعها بـ 150 جنيه..

مع العلم النتشه قلت بنسبة 30-40 %