عبقريه حراميه ولا نصب شركات

**yasserk2** · 22-05-2013 07:44 PM

يا جماعه امبارح الساعه 11 الصيح عربيه صحبى البيرسونا 2012 اتسرقت من قدام بنك على البحر فى سيدى بشر ............ المهم ان العربيه كانت راكنه قدام بنك والساعه 11 والناس رايحه وجايه وفيه حراسه امام البنك يعنى اكيد ان العربيه متكسرتش أو اتشالت على كساحه يعنى اكيد اتفتحت بمفتاح ودارت وكله فى التمام ....... يبقى ايه حكايه الايموبليزر وان العربيه لا يمكن تدور الا بمفتاحها والشفره والاشتغالات دى كلها ..... يعنى من الاخر دى عبقريه من الحرامى ولا نصب من الشركات المصنعه ؟؟؟؟؟؟؟؟؟؟ وربنا يبعد عننا كلنا هؤلاء العباقره اجمعبن..

**eng.m7md.ali** · 22-05-2013 07:51 PM

نعم؟؟؟!!!!!!!!!!!!!!!!!!!!!!!!!

ازاي ده بقى ؟؟

العربية فيها ايموبليزر فعلا وشغال فعلا وانا جربته في عربيتي بمفتاح معمول ومدارتش .. اعتقد الفيصل في ال vin code اللي متنيل موجود على التابلوه ده .. زي حوار السيراتو والالنترا !!

بس ان جيت للحق انا اعرف واحد صاحب شركة ساكن قريب مني كان معاه بي ام دبليو 740 I موديل 2008 واتسرقت .. تقولي ازاي اقولك معرفش .. الحرامية عندنا فعلا وصلو لمرحلة متطورة جداً من السرقة واحترفوا المهنة وبقو خبرة فيها

**احمد نظمي** · 22-05-2013 08:08 PM

اللي انا اعرفه ان العربية اللي فيها ايمبولايزر عمرها ماتدور غير بمفتحها الاصلي . يبقا في حد مراقب صاحبك دا واخد رقم المفتاح واكيد ليه حد في التوكيل طلعله المفتاح البديل او العربية مافيهاش ايمبولايزر اصلا

**S O P H O S** · 22-05-2013 08:28 PM

معقول هيحصل كده ف البيرسونا
اي عربية ممكن تتسرق طبعا لكن 2012 بالسهولة دي !

**dr.hazem** · 22-05-2013 08:36 PM

ياجماعه في ناس بتعمل المفاتيح المشفرة دي في ثواني ومفيش علاقة بين ال VIN والسرقة لا من قريب أو بعيد....
تحياتي

Sent from my LT18i using Forum Runner

**hossam_elwani** · 22-05-2013 09:08 PM

ممكن يكون المفتاح وقع من صاحب العربيه حصلت مع واحد جارى فى عربيه اوكتافيا والى الان بخ مرجعتش

والمفتاح وقع منه فيه تخيل ؟؟ فى المرور نفسه وهو بيرخص العربيه وشافها وهيا ماشيه قدام عينه ومش قادر يلحقها

ده التفسير الاقرب الى المنطق

**aymanshebl** · 22-05-2013 10:04 PM

ربنا يستر

**yasserk2** · 22-05-2013 10:06 PM

المشاركة الأصلية كتبت بواسطة eng f3lix

نعم؟؟؟!!!!!!!!!!!!!!!!!!!!!!!!!

ازاي ده بقى ؟؟

العربية فيها ايموبليزر فعلا وشغال فعلا وانا جربته في عربيتي بمفتاح معمول ومدارتش .. اعتقد الفيصل في ال vin code اللي متنيل موجود على التابلوه ده .. زي حوار السيراتو والالنترا !!

بس ان جيت للحق انا اعرف واحد صاحب شركة ساكن قريب مني كان معاه بي ام دبليو 740 i موديل 2008 واتسرقت .. تقولي ازاي اقولك معرفش .. الحرامية عندنا فعلا وصلو لمرحلة متطورة جداً من السرقة واحترفوا المهنة وبقو خبرة فيها

طيب باشا ان كانت البى ام اتسرقت واضربت شفره المفتاح بتاعتها يبقى البروتون ممكن تدور بكارت مينا تل بقى .....

**yasserk2** · 22-05-2013 10:11 PM

المشاركة الأصلية كتبت بواسطة احمد نظمي

اللي انا اعرفه ان العربية اللي فيها ايمبولايزر عمرها ماتدور غير بمفتحها الاصلي . يبقا في حد مراقب صاحبك دا واخد رقم المفتاح واكيد ليه حد في التوكيل طلعله المفتاح البديل او العربية مافيهاش ايمبولايزر اصلا

على فكره فيه حاجه نسيت اقولكم عليها ان الراجل ده شارى العربيه من كونتكت كار وكان رايح يدفع القسط الشهرى بتاعها وعلى ما عرفت انه فى حاله التقسبط البنك بيحتفظ بنسخه من المفتاح فى خزينه البنك فهل يمكن ان يكونوا العباقره ( الحراميه ) وصلوا لخزينه البنك