عبقريه حراميه ولا نصب شركات

**احمد نظمي** · 24-05-2013 02:36 PM

حمد لله ع السلامة بس بقا اللي غايظني ازاي العربيات تتسحب علي كساحة وامن البنك موجود وثانيا المرور مش لازم يتاكد من ورق العربيات اللي علي الكساحة ولا هما فالحين بس يدو مخالفات للناس وخلاص

**eng.m7md.ali** · 24-05-2013 02:37 PM

المشاركة الأصلية كتبت بواسطة deshahcoka

مهوا الي بيقول الي بي ام اتسرقت ... بتتسرق على كساحة برضه ...

لا مش كساحة

الراجل لما راح دفع المبلغ المحترم عشان يستلم العربية قالوله السر اللي هو طبعا مقاليش عليه في الاخر

**shshtawy** · 24-05-2013 07:25 PM

العربية دارت متسرقتش على كساحات دا بعقل وعمرنا مسمعنا على عربية اتسرقت على كساحة خالص
العربية دارت والدليل انة كسر الازاز مش علشان المبلغ الكبير الى فيها ولا حاجة لانة لو حوار مبلغ مكان لما كسر الازاز وخد المبلغ هيعرض نفسة ليه للخطر ويشيلها على كساحة
فى حاجة مش مفهومة فى الحوار ده

**yasserk2** · 25-05-2013 12:41 AM

المشاركة الأصلية كتبت بواسطة shshtawy

العربية دارت متسرقتش على كساحات دا بعقل وعمرنا مسمعنا على عربية اتسرقت على كساحة خالص
العربية دارت والدليل انة كسر الازاز مش علشان المبلغ الكبير الى فيها ولا حاجة لانة لو حوار مبلغ مكان لما كسر الازاز وخد المبلغ هيعرض نفسة ليه للخطر ويشيلها على كساحة
فى حاجة مش مفهومة فى الحوار ده

يا باشا موضوع السرقه على كساحات ده بقى احدث صيحه وطيعا لا فيه مرور يقولك رايح فين ولا جاى منين وعلى حسب كلام الراجل ان العربيه ممشيتش خالص بس انت عندك حق الموضوع فيه حاجه مش مفهومه

**Al-Farooq** · 25-05-2013 06:12 AM

موضوع السرقة على كساحة دة اتكرر كثيييير ، مش اول مرة نسمع عليها ولا حاجة.

**Gexo** · 25-05-2013 11:00 AM

المشاركة الأصلية كتبت بواسطة yasserk2

على فكره فيه حاجه نسيت اقولكم عليها ان الراجل ده شارى العربيه من كونتكت كار وكان رايح يدفع القسط الشهرى بتاعها وعلى ما عرفت انه فى حاله التقسبط البنك بيحتفظ بنسخه من المفتاح فى خزينه البنك فهل يمكن ان يكونوا العباقره ( الحراميه ) وصلوا لخزينه البنك

يا استاذ ياسر انا مقسط الجين2 مع كونتكت وفعلا موضوع انهم ياخدوا المفتاح كان موجود قبل كدا من زمان على ما اسمع لكن دلوقتي مفيش الكلام دا وانا المفتاحين معايا..بس فعلا ياريت الراجل اللي اتسرقت منه العربيه ورجعها وقالوله على السر..يتفضل يقوله لان دي ممكن تخلي ناس كتير تتفادى السرقه بعد كدا..ياريت متبخلش بمعلومه.وحمدلله على سلامة عربيتك..تحياتي

**mido_soliman** · 25-05-2013 06:06 PM

المشاركة الأصلية كتبت بواسطة shshtawy

العربية دارت متسرقتش على كساحات دا بعقل وعمرنا مسمعنا على عربية اتسرقت على كساحة خالص
العربية دارت والدليل انة كسر الازاز مش علشان المبلغ الكبير الى فيها ولا حاجة لانة لو حوار مبلغ مكان لما كسر الازاز وخد المبلغ هيعرض نفسة ليه للخطر ويشيلها على كساحة
فى حاجة مش مفهومة فى الحوار ده

العربية مدارتش ومينفعش تدور الا بمفتاحها
الراجل بيقول ان الكيلوات مزادتش وهوة لقاها على الطريق الدولى يبقى ازاى دارت ؟؟
الموضوع مش مفهوم انا معاك وكون انة يلاقيها تانى يوم على طول دى غريبة ومش داخلة دماغى اصلا
يمكن الراجل بيشتغل صاحب الموضوع ولا حاجة الله اعلم
لكن الاكيد ان العربية مش حتدور الا بمفتاحها