مشكلتي مع الثلاثي للزجاج في الحرفيين

**alaaeldin_82** · 23-05-2013 11:28 AM

السلام عليكم
من 5 ايام فجاة الزجاج الخلفي جاله سرطان والعربية بقالها معايا 3 سنين وانا جيبها جديدة من التوكيل
روحت الثلاثي للزجاج في الحرفيين راح مركب " د. جريش " ب 520 جنيه
المهم وهما بينضفوا مكان الزجاج القديم العامل بينضف باهمال وببطء وكل شوية يمشي ويجي يكمل وراحوا جايبين الزجاج الجديد وركبوه ولزقوه ومشيت
تاني يوم سامع صوت زقزقة جاية من الازاز روحتلهم قالي لبيه اللي هناك ده صوت عادي جي من اللزق لما يتشال اللزق الصوت هايروح
ثالت يوم الصوت لسه مستمر حتي بعد ماشيلت الللزق روحتله تاني مرة قاللي صوت عادي هايروح في يوم ولا اتنين اول مالزجاج يمسك علي طول
ولحد دلوقتي وبعد 5 ايام لسه الصوت بتاع الزقزقة ده موجودة واللي عرفته لما سألت كذا حد اني ده معناه اني الزجاج الجديدة مش اتنضف كويس تحته يعني ركبوه علي كسر الزجاج القديم ..
محتاج حد يقولي اتصرف ازاي من اصحاب الخبرة في المواقف دي ؟

**mado83** · 23-05-2013 11:33 AM

حصل معايا نفس القصه فى الزجاج الامامى ولكن لما القديم اتشال بدون كسر واتنضف تحته من السليكون القديم برضو لقيت الزقزقه دى وحسيت انه لسه مامسكش كويس
وبعدين بعدها بيومين تلاته بقى كويس
ولكن احيانا بسمع صوت الزقزقه ده اكنه بيتحرك على خفيف اوى اوى اوى من مكانه وبرضو مش لاقى حل
بس بصراحه مش مركبه عند الثلاثى

**alaaeldin_82** · 23-05-2013 12:35 PM

طب اعمل ايه ؟ اروحلهم النهاردة ولا استني بس خايف لما استني واروح بعد كده يقولولي خلاص مش جيت وقتها ليه ويضيع حقي ؟

**mado83** · 23-05-2013 12:40 PM

المشاركة الأصلية كتبت بواسطة alaaeldin_82

طب اعمل ايه ؟ اروحلهم النهاردة ولا استني بس خايف لما استني واروح بعد كده يقولولي خلاص مش جيت وقتها ليه ويضيع حقي ؟

روح تانى وقولهم ممكن يفكوه تانى ويعيدو على السليكون اللى حاطينو
وممكن يكون الزجاج نفسه مش مظبوط وفيه نسبه مش عدله ومحتاجه تحتها سليكون او الزجاج نفسه يتغير

**alaaeldin_82** · 23-05-2013 12:52 PM

ولو رفضوا يعملوا اي حاجة من الحلول دي . اتصرف بطريقتي صح ؟

**mido_cs7** · 26-05-2013 03:23 AM

انا حصل معايا و جاله سرطان من سنة و اتكسر و ركبته عند ( الحاجه ) للزجاج على الكورنيش مصر القديمة و تمام زي الفل و كان بكله بتركيبه 400 جنيه .. د.جريش بردوا .. روح و شوف و وبخهم طالما معندهومش ضمير