انا عارف ان الموضوع متكرر بس انا مش لاقى حل للمشكلة دى

طبيعى جدا ان السحب بتاع العربية يتأثر لما اشغل التكييف وخصوصا ان عربيتى 1300 ....

ولكن عندى الموضوع بيبقى بزيادة.....سحب العربية بيقل 30-40 % على اقل تقدير ده غير ان صوت الموتور بيتغير تماما لما بشغل التكييف ويبان صوته كأنه مكتوم مع صوت غريب كده عامل كأن فيه هوا بيطلع

الغريب بقه ان لما اقرص شوية على اى غيار مشكلة السحب دى بتروح خالص واحس كأن العربية بتنط او سرعتها زادت مرة واحدة مع نفس دوسة البنزين ( سامحونى مش عارف اعبر )

الكهربائى قاللى روح لميكانيكى ..... والميكانيكى قاللى هو ده الطبيعى!!!!! بس انا مش مقتنع

حد يقدر يفيدنى ؟؟

شكراً