الناس بهدلونى.....منهم لله.. وحسبى الله ونعم الوكيل فيهم

**M.Ayman** · 23-05-2013 03:41 PM

معلش ربنا يكرمك بعرفيه احسن الف مره .... و ربنا يجازي الاتنين البهوات اللي عارفين انك جاي من الفيوم علشانهم و الاتنين معملوش خاطر لكده بس التاني ده اللي غريب قوي و مش مفهوم خالص !!!

**Khaled Lanos** · 23-05-2013 03:42 PM

معلش يا باشا متدايقش نفسك واحتسب الأجر عند الله..إن شاء الله ربنا يرزقك بعربية حلوة وبنت حلال بس متستعجلش.
وحسبي الله ونعم الوكيل في الناس قلية الذوق اللي معندهاش دم دي..على الأقل انزل قابل الراجل ياخي اللي جالك من آخر الدنيا مش تبعت لو بنتك!

**hossam_elwani** · 23-05-2013 03:45 PM

ملكش نصيب فيهم

نصيبك جاى لسه الصبر طيب

ولا عزاء للشخصيات دون الاخلاق

**mahmoud_anwar** · 23-05-2013 03:47 PM

متزعلش نفسك انا لغاية ما اشتريت عربيتي خدتها من مشرقها ل مغربها وطلع عيني والله هحكي لك علي قصة ومن بعدها قولت يقطع النت علي النتيتي علي الناس الي عرضة عليه كلهم حرامية ونصبين وحتي الشيوخ منهم
انا اتفرجت علي النت علي عربية بي ام e30 وفتحة سقف وفبريكة دواخل واول مرة ترش من الزيرو قولت ياه هيا دي الي بحلم بيها اتصلت د عليا واحد والكلام ده كان في رمضان المهم انصلت السلام عليكم وعليكم السلام عايز اتفرج علي البي ام مكان حضرتك قالي قباء قولت له طيب ممكن حضرتك تقرب ليه المسافة اول خسر السويس بدل ما ادخل لي الاخر واحنا في رمضان والدنيا زحمة قالي والله اصل انا معتك قولت يابركة دعاكي ياما انا شكلي هقع واقف هجيب عربية بي ام مصر كلها هتكلم عليها المهم قولت له طب هتفرج عليها ازاي قالي اخوية هيفرجك عليها اروح يامعلم واتفرج وبعد مشوار العربية رشة في كل حته بقيت ابص لي الراجل اقولة دي فبريكة يقولي معرفش اقولة اخوك قالي فبريكة كلها قالي هو قالك كده اقولة اه قالي معرفش بقت سعتها احساسي كنت هفطر عليهم

**speed_magnum** · 23-05-2013 03:56 PM

سبحان الله
ربنا لما بيحب عبده ويكون شايله حاجه حلوة
بيختارله الخير والاصلح
فانت ما تزعلش وربنا هيكرمك باذن الله

**kayson** · 23-05-2013 03:58 PM

ياباشا متضايقش نفسك هتشوف من ده كتير استعن بالله و ربنا هيفرجها

**nab!l** · 23-05-2013 03:59 PM

ياباشا كده افضل من انك كنت تتورط لاقدر الله فى عربيه عامله حادثه او مسروقه ..
انت كده تمام اوى
ياريت تحاول تشترى عربيه من حد معرفه حتى لو تاجر او ع الاقل تشتريها من الفيوم بلدك اضمنلك ..