الدركسيون بيتهز جامد لما بدوس فرامل علي سرعة ؟؟
السلام عليكم ورحمة الله وبركاته
زي ماموجود في عنوان الموضوع لما بدوس فرامل جامد شويه
وانا ماشي علي سرعة فوق ال 120 الدرسكيون بيتهز جامد في ايدي !!
انا عارف ان المشكلة بتكون من الطنابير
انا غيرتها قبل كده عشان كان فيها ريجه والهزة راحت .. تمام
دلوقتي بقي روحت التوكيل ( الله يخرب بيتوهم .. وهبقي اشرحلكوا ليه؟ في موضوع تاني )
وقلتلهم ان الهزة رجعت تاني زي الاول واكيد المشكلة من الطنابير
اللي هي مبقالهاش متغيره 8000 كيلو لسه !!
المهم الفني اللي كان شغال في العربيه قالي الطنابير تمام
وقالي ان المشكلة ممكن تكون من ( الزور والبلي )
فهل ده صحيح .. ولو صح ايه اللي بوظ الكلام ده
العربيه هي بيجو 308 هاتشباك عامله دلوقتي 30000
مع العلم ان غيرتلها الطنباير والتيل في ال 20000 بسبب حوار الهزه
ده برده والريجة اللي كانت في الطنابير .
ومع العلم برده ان 3/4 مشاوري سفر طويل مش جوه المدينة
فهل طبيعي ان التيل يتاكل بالسرعه دي لانه دلوقتي هو متغير
مبقلوش 8000 كيلو برده والمهندس بيقلي اتاكل ولازم تغيره قدام وورا ؟
انا عارف ان الموضوع بيختلف من دوسة شخص للتاني علي الفرامل بس زي ماقلتلكوا
معظم مشاوري سفر ودي مبقالهاش غير 8000 بس !!!!
فالمشكلة كده من ايه ؟؟