كيا كارينز 2014 حجزت والاستلام يوم الاحد
السلام عليكم ورحمة الله وبركاته
طبعا بعد قراءة التقارير التي تم عملها عن السيارة وطبعا ده بعد ما نزلت اتفرجت علي العربية عند اوتو سمير ريان اللي عند نادي المقاولين في طريق النصر انا قفلت شوية من اراء الاعضاء وخصوصا من حيث السعر واللي هو حقيقة عالي علي عربية كوري لكن للاسف هما بيلعبوا علي ان مفيش سيارة 7 راكب منافسة (وجهة نظري) اتفرجنا علي التيوتا الافانزا سوري عربية زبالة ما تسواش 100 الف وسالت بالصدفة في الطريق واحد معاه العربية قالي بصراحة ما تشتريهاش والعربية مش ثابتة من الاخر قفلني منها.
فكرت في الجراند تيريوس كتير نصحني بلاش مالهاش سوق وسعر اعادة بيعها سيئ ومش مستقرة علي السرعات العالية المهم مش عارف اجيب ايه؟؟؟؟؟؟؟
انا كنت نازل اتفرج علي الافانزا لقينا نفسنا بنتفق علي الكارينز 2014 لاننا فوجئنا انها 7 راكب وبصراحة جودة الخامات والتقفيل تحفة فئة تانية اتوماتيك 208 الف+900 ج مصاريف ادارية + 7000 تامين
طبعا اتفرجنا علي البيجو 5008 لكن انت عارفين الفرنساوي قطع الغيار ناااار والقشقاي بصراحة تحفة لكن العدد مشكلة .
تنصحوني بايه انا لسه علي البر ؟لكن المشكلة مش لاقي حاجة مناسبة افضل من كده
وعموما لو ربنا اراد واستلمت ايه الحاجات اللي المفروض اشييك عليها وانا باستلم العربية؟