السلام عليكم اخواني الاعزاء الشيراويين......بعد ما رجعت من السفرمن مطروح فجر الخميس كان ضروري اشحن البطاريه لان اللي اللي شغلوا العربيه خلال فترة غيابي شال المفتاح ولما العربيه بطلت اعتقد ان العربيه دائرتها مغلقه ومخدش باله ان لمبة البطاريه منوره في التابلوه ومش عارف ده في كل الشيري ولا لأ ...المهم بعد كده هما حاولو يدورو العربيه بالوصلات معرفوش لكن لعبوا في كل زراير العربيه الفوجات والتكييف وسخان الزجاج وسابوا كل ده شغال وانا مخدتش بالي من اللعب ده...المهم شحنت البطاريه والعربيه دارت من اول مره وطلعت بالعربيه بعدها ب3 دقائق علشان اقابل الباص اللي فيه متعلقاتي الساعه 8 نفس اليوم ولحقته ومشيت بالعربيه حوالي 6كيلو وحطيت بنزين 92 وفي البنزينه شم العمال رائحه واعتقدوا انها رائحة ربع بطاريه وعامل خد باله ان فيه الاشاره الجنب اليمين (الغمازه) منورهمع العلم اني مبطل العربيه ومش منور النور المهم مشيت بعدها بحوالي 200متر فوجئت ان مؤشر الحراره يرتفع وويكاد يصل للنهايه حينها بطلت العربيه في الحال وفتحت الكبوت ولقيت انالمياه في القربه مضبوطه (طبعا من غيرما افتحها) ولقيت ان المروحه شغاله(المروحه امام الموتورعلى يمين السائق) وبعد ما فصلت لقيتها مسريه بتشتغل ضعيف خفت انتظر بالعربيه كتير الاشاره اللي منوره علطول تسحب البطاريه ركبت ودورت لقيت المارش بيعتل المهم (مش عارف هل ده له علاقه الزراير الملعوب فيها ولا لأ اللي مخدتش بالي منها) ودارت العربيه ويادوب 200 متر تانيين وسخنت للاخر وقفها وعملت زي اللي فات وبعد100 متر كنت وصلت لبيتي حيث الجراج بتاعي بعدها خدت بالي من زراير العربيه (التكييف بس) وقفلته ودورت العربيه وهزيت هزه من عند الكنافه اللي عندي تحت التابلوه لقيت الاشاره فصلت معرفش من الهزه ولا صدفه والعربيه ما سخنتش دورتها لاكتر من1/2 ساعه وكمان المغرب اكتشفت بقيت الزراير المفتوحه ودورت العربيه اكتر من 1/2 ساعه برده ما سخنتش....لكن الملاحظ ان الحراره الطبيعيه للسياره ارتفعت عن الطبيعي لما تكون المراوح شغاله حيث كانت اقل من النصف بشرطه او اقل تقريبا اما الان فهي ثابته على النصف وزياده شرطه سواء المروحه شغاله او لأ........الاسئله بعد الحكايه الطويله العريضه الممله (بس كان لازم اقول الاعراض كامله حتى يستطيع المعالج التشخيص) ....
1-...هل كون التكييف شغال يسخن العربيه والمارش يعتل بسببه....
2...هل احتاج لتنضيف الرادياتير ولا يبوظ انا خايف ..من يوم ما جبتها منضفتهوش ولا حطيتله ماء اخضر سايبه ببركته
.3...هل فيه رجلاش لضبط ترموستات الحراره
.4...ليه المروحه التانيه ما بتشتغلش خااااالص وينفع نشغلها تساعد التانيه ولا لا
.5...نفسي حد من احبابنا يصور لي علبة الفيوزات اللي تحت التابلوه واللي على اليمين في الكبوت (6 فيوزات وبتوع ايه والوانهم او ارقامهم) واللي على الشمال ايضا (فيها 3 فيوزات وعلبتين شبه بتوع الكتاوت ) وبتوع ايه ودول بالذات بيتجابوا منين ...طولت عليكم بس من العشم وخصوصا ان في اسكندريه ما فيش حد فهمان في العربيه لا ميكانيكي ولا كهربائي البته او بيدعي انه فاهم فلازم اروح بتقرير علشان ادله بشكل غير مباشر ولو كان عندنا ميكانيكي وكهربائي كنت ريحتكم مني فاستحملونا ربنا ياجركم ان شاء الله
المفضلات