سرعة مروحة التكييف بتأثر على الإستهلاك أو السحب

**exact** · 27-05-2013 02:52 PM

بص يا سيدي
الكومبريسور يا شغال يا فاصل... يعني ملوش سرعات... وهو قلب التكييف النابض وهو اللي بيعمل حمل عالموتور (زي تكييف البيت)

الفرق يأتي منين... اما بتشغل المروحة على 1... اللي بيحصل ان سرعة سريان الهوا بتبقى بطيئه فده بيخللي التلاجة الداخلية (اللي تحت التابلوه) تبرد بسرعه او توصل لدرجة الفصل بسرعه وده بيخللي الحساس بتاع الحرارة اللي راكب يبعت اشارة للكنترول فيفصل الكباس لحد اما تبدأ تدفى تاني يقوم يشغل الكباس تاني... وهكذا

طب لو انت مشغل على سرعة مروحه عالية... كمية الهوا السخن هتبقى كبيرة وده هيخللي التلاجة الداخلية تحتاج وقت اطول وبالتالي هيفضل الكباس شغال لمده اطول

اذن العملية عملية توقيت وليس سرعات للكباس

حاجة تانية حابب أنوه عنها... انك اما بتختار الحرارة من مفتاح درجة الحرارة... فاللي بيحصل ان الجهاز بيخلط هوا بارد مع هوا سخن... والكباس بيفضل شغال نفس المده بتاعه... لذا انصح وبشدة انك تشغل على اقصى برودة وتتحكم في سرعة المروحة

**EslaM_NagY** · 27-05-2013 03:08 PM

المشاركة الأصلية كتبت بواسطة exact

بص يا سيدي
الكومبريسور يا شغال يا فاصل... يعني ملوش سرعات... وهو قلب التكييف النابض وهو اللي بيعمل حمل عالموتور (زي تكييف البيت)

الفرق يأتي منين... اما بتشغل المروحة على 1... اللي بيحصل ان سرعة سريان الهوا بتبقى بطيئه فده بيخللي التلاجة الداخلية (اللي تحت التابلوه) تبرد بسرعه او توصل لدرجة الفصل بسرعه وده بيخللي الحساس بتاع الحرارة اللي راكب يبعت اشارة للكنترول فيفصل الكباس لحد اما تبدأ تدفى تاني يقوم يشغل الكباس تاني... وهكذا

طب لو انت مشغل على سرعة مروحه عالية... كمية الهوا السخن هتبقى كبيرة وده هيخللي التلاجة الداخلية تحتاج وقت اطول وبالتالي هيفضل الكباس شغال لمده اطول

اذن العملية عملية توقيت وليس سرعات للكباس

حاجة تانية حابب أنوه عنها... انك اما بتختار الحرارة من مفتاح درجة الحرارة... فاللي بيحصل ان الجهاز بيخلط هوا بارد مع هوا سخن... والكباس بيفضل شغال نفس المده بتاعه... لذا انصح وبشدة انك تشغل على اقصى برودة وتتحكم في سرعة المروحة

وفرت عليا شرح كتير - روح يا شيخ الله يباركلك

سرعة المروحة 1 2 3 4 ما هى الا سرعة المروحة الداخلية الى فى التابلوه انما الكباس شغال الله ينور ملوش دعوى بالسرعة