الموضوع: ارجوا المساعده من خبراء الاوبل 96

عندى مشكله مع عربيتى اوبل 96 موتور ايكوتيك 2000

عربيتى اوبل 96 اوتوماتيك مسقطه موتور ايكوتيك والعربيه كانت ماشاء الله بشد بيها مع اجدع عربيات فالبلد وعربيات موديل السنه كل دا كان تمام سحب العربيه والحراره و الفتيس وكله تمام لحد قبل شهر ونص فات

من شهر ونص كان يوم حر اوى فموجه الحر الى فاتت كنت واخد مشوار 160 كيلوا من غير مشغل التكييف ولما دخلت وسط البلد فى الزحمه شغلت التكييف لانى بقيت اجيب ميه من كل حته والحراره كانت تمام مكانتش بتزيد عندى عن 90 وتنزل ل 84 المهم اول مشغلت التكييف لقيت العربيه بقت تقيله اوى ومفيش سحب بالمره وخمس دقايق لقيت الحراره رفعت ل 97 والعربيه مكتومه جدا وبقيت عايز اشد بقيت ادوسلها بنزين عالاخر علشان تشد وهى مقتوله
المهم خمس او عشر دقايق لقيت الحراره وصللت 97 انا قلقت من الحراره وبطلت التكييف وبعدها بنص ساعه ركنت من مشوارى ولما ركنت لقيت صوت العربيه متغير و الار بى ام مش ثابت وبيتهز بين 0.8 و 0.5 والعربيه بتكتم وهتبطل وهى واقفه عالباركينج فتحت الكبوت لقيت الموتور بيتهز وصوت تسقيفه ظاهر تك تك وثانيتين كده وتك تك والعربيه كانهاهتبطل المهم انا جريت بطلت العربيه وبصيت عالزيت والميه وزيت الفتيس كله كان تمام جيت ادور تانى نفس الحكايه تشتغل تانى بعد مدور العربيه ب 10 ثوانى كده يعمل نفس الصوت وبطلت سيبتها تبرد ودورت اشتغلت عادى بس العربيه مكتومه
روحت لميكانيكى وانا رايحله فالطريق كان زحمه لقيت العربيه كتمت خالص والطقطقه دى ظهرت تانى ودوست بنزيم جامد علشان بس توصل لجمب الطريق واركن
المهم وصلتله غيرت الفلاتر زيت وبنزيم والبوجيهات ونصف الايدل والبوابه ودارت وقالى ان فيه تسريب زيت من تحت من الموتور من جوان الكرتيره الى تحت والزيت مكنش ناقص كتير كان فحدود المعقول
المهم دوّر العربيه والتسقيفه راحت بس العربيه سحبها قل عن الاول وحاسس انهامتغيره
من بعدها وكل ممشى مشوار او ادخل بزحمه العربيه احس انها مش بتسحب والمطالع او بدايه الحركه تقيله ومكتومه احيانا الفتره الاخيره بقيت احس بصوت خشونه فالدواسات او لوبجرى وبصرب فرامل احس بهزه فالعربيه او تقطيعه كانها هتبطل منى وانا بفرمل واخيرا الحوار دا اتحول انها فعلا اكتر من مره بطلت وانا بهدى واتطور دا لو لسه بدى العربيه الغيار او مارشيدير العربيه تبقى كانها هتبطل او تبطل فعلا اتكرر كتير الموصوع دا وروحت لاكتر من واحد الشيخ هيثم ومركز الصفا ونصفت رشاشات وبوابات والايدل وبرصه الحوار دا بيتكرر كل ممشى بالزحمه
كشفت اكتر من مره كمبيوتر مش يبان اى حاجه غير حساس الشكمان الى بايظ اصلا من زمان من قبل الحوار دا يعنى مش هوالسبب وحد كان قالى ان الدينامو شحنه مش كويس وقاس الفولت كان 13.3 وقالى الدينامومش كويس واحمد عيسى قالى لا كويسواخيرا حد قالى الفيتيش ممكن يكون فيه مشكله

ياريت حد يلاقى حل لمشكلتى او يقدريفيدنى اعمل ايه علشان بجد تعبت جدا انا بقيت كل يوم يحصل معايا الحوار الزفت دا لما اتحنقت من الحكايه دى ياريت تفيدونى
اخوكم المطحون عماد عبدالله

مقدرش افتي ف الاوتوماتيك
كلم استاذ فادي يقدر يفيدك عندي
دور علي رقمه ف المواضيع المثبته واتصل بيه :)