مشكلة في اوبل استرا كوزمو

**essamsh** · 20-06-2013 05:27 PM

معايا استرا عاملة 850 km من يومين بقت لما ادوس على الفرامل فترة وأنا على d لو في اشارة أو زحمة وآجي ارفع رجلي بالراحة العربية بتتخنق لمدة 5 ثواني كده وبعد كده تطلع فجأه والناهردة وأنا وقف في اشارة وجاي أطلع عملت كده وبعدها اترجت جامد قوي لمدة 30 ثانية وبعد كده ثبتت. أنا مش عارف في آه؟ أنا أدامي شوية على صيانة 5000 فـهل استنه وأشوف هتعمل كده تاني ولا أروح على طول وهل حد حصل معاه كده أو عنده فكرة ده ممكن يبقه آه؟

**Mohyeldin1974** · 20-06-2013 05:42 PM

لا الكلام ده محصلش معايا ولا اعتقد مع غيرى
المهم هل ده حال العربيه على ولا مجرد مره عملتها
لان اغلب شكوانا سببها نوعيه البنزين السيءه
لو متكرره معاك بصفه يوميه روح الصيانه
احنا معظمنا عندنا شكوى من الرجه وحلها فى تحديث السوفتوير مع انى اعتقد اننا بنحط بنزين ٩٢ بس هو اقل من ٩٠ كمان ده السبب الاصلى للمشكله
جرب كده تفويله من محطه محترمه زى وطنيه نص التنك ٩٢ ونص ٩٥ وشوف

**essamsh** · 20-06-2013 06:24 PM

المشاركة الأصلية كتبت بواسطة mohyeldin1974

لا الكلام ده محصلش معايا ولا اعتقد مع غيرى
المهم هل ده حال العربيه على ولا مجرد مره عملتها
لان اغلب شكوانا سببها نوعيه البنزين السيءه
لو متكرره معاك بصفه يوميه روح الصيانه
احنا معظمنا عندنا شكوى من الرجه وحلها فى تحديث السوفتوير مع انى اعتقد اننا بنحط بنزين ٩٢ بس هو اقل من ٩٠ كمان ده السبب الاصلى للمشكله
جرب كده تفويله من محطه محترمه زى وطنيه نص التنك ٩٢ ونص ٩٥ وشوف

هيا الرجه ده محصلتش إلى النهرده الصبح وهشوف لو حصلت تاني . أنا شاكك فعلا في البنزين هستنى كده وأشوف والله المستعان .

**janagabr** · 21-06-2013 11:33 AM

العربية مفيهاش مشاكل
المشكلة في زيت الاكل = قصدي البنزين اللي بنحطه
علي فكرة العربية مصصمة ان يتحطلها بنزين من اول 91
بس البنزين 92 اللي بنحطه ده اصلا اخره 80 او 85
انت فاكر ان بنزين 95 ده اصلا 95 لا طبعا ده اخره 92
ده غير رواسب التانك بتاعت المحطة نفسها
ورواسب تانكات البنزين اللي بيتخزن فيها في المصانع
من الاخر عصير القصب احلي بكتير
عشان تريح نفسك متركزش اوي مع العربية
لان العربية بصراحة جامدة جداااااااااااااا في كل حاجة
بس زبالة بلدنا = قصدي بنزين بلدنا

**احمد فهمى** · 21-06-2013 08:54 PM

هى طبيعى متتحركش على طول ﻷن الفتيس بيكون فاصل لكن الاهتزاز بنزين دائمآ فول واختار محطات جديده زى وطنيه والامارات او اي شركه تكون لسه فاتحه المحطه جديد واوعى تحط منظف او رافع اوكتين ده كلام فاضى وللعربسات القديمه فقط