استفسار هام بخصوص عفشة الالتو

**Amr Axel** · 28-05-2013 12:27 AM

تمام و حتي كنت عامل موضوع بشرح فيه تجربتي و حتي النسور كذلك شاركوا بتجربتهم ممكن تشوفه في قائمة موضوعاتي

بخصوص العفشة ايه اللي محتاج تغيره بالظبط غير المساعدين و ايه اللي فيه مشكلة عندك ؟؟

**Amr Axel** · 29-05-2013 10:39 PM

المشاركة الأصلية كتبت بواسطة oraby88

و انا كمان عندي مشكلة في عربيتي الالتو 2009 800 سي سي
العربية كانت لما يكون طريق مكسر علي سرعة بطيئة بسمع صوت حاجة مفكوكة في العربية من تحت روحت لبتاع عفشة قالي ان التيل الامامي محتاج يتربط عليه . رفع العربية وفك الفردتتين قدام وفك خزنة الفرامل ولزق التيل بسيلكون ومشيت بيها كان الصوت اختفي ومفيش يوم ورجع تاني روحتلواحد تاني عمل زي الولاني وقالي نفس الكلام وزنق علي التيل بقطع صاج صغيرة وبعد مكان الصوت بسيط جدا بقي عندي صوت مع لف الدريكسيون وصوت حكة علي السرعات البطيئة مع صفارة لما اسرع وكرهني في العربية ومش عارف اعمل ايه

اعتقد حاجة من التلاتة ياما التيل خفيف نوعيته سيئة يعني او التيل مش مزنوق بالصاجة اللي بتبقي موجودة بتزنقه من تحت
ياما فيه صاجة رفيعة ورا الطنبورة بتحمي الصرة ممكن تكون مفكوكة و مش مزنوقة كويس و حلها ياما تتزنق ياما تتشال
لكن غالبا من التيل
ايه نوع التيل اللي راكب ؟؟؟

**Amr Axel** · 30-05-2013 10:54 PM

المشاركة الأصلية كتبت بواسطة oraby88

تيل ماليزي لسه جايبه من 4 شهور
بس مش فاكر اسمه fox

اسمه fbk و علبته صفرا ميزته انه حنين ع الطنابييير و بيحافظ عليها لكن في المقابل بودرة كتييير و للاسف ساعات في محلات مرة الاقيه كويس و مرة الاقيه سئ و مرة بختم الشركة و مرة لأ

**Amr Axel** · 31-05-2013 03:44 PM

مهو ده للاسف عيبه
بخصوص الخشونة مقدرش احكم عمياني بس ممكن زيت سواء يتغير او نوعيته
و ممكن يكون الصوت طبيعي و حضرتك مش واخد بالك

**Amr Axel** · 01-06-2013 07:16 PM

المشاركة الأصلية كتبت بواسطة asd2

معلش علي التاخير يا اكسل باشا
انا وديت العربية عند عفشجي و قالي المساعدين الامامي محجرين و المقصات الامامي عاوزه تتغير
و قاللي حاجه غريبة لتاني مره
ان العربية مفهاش فلتر بنزين و انه جوه الطلمبة
هل ده صح و لا غلط

و لا يهمك يا باشا عايزك تضغط ع كل جنب في العربية و شوف رد الفعل عامل ازاي لما العربية بترجع تاني يعني بتطلع واحدة واحدة و لا بتتنط

المقصات ايه الاعراض اللي عندك عشان يقولك مقصات يعني فيه تخبيط مع المطبات او العربية بتعوم منك و لا هو بص عليها و شايفها ضايعها بالشكل ؟؟

بخصوص فلتر البنزين لا مؤاخذة يعني ده ميكانيكي مبيفهمش حاجة انزل بنفسك يا باشا تحت العربية هتلاقي الفلتر قدام العجلة الشمال ورا ناحية السواق و ده شكله

معرفش ليه الميكانيكية الفتاييين دايما بيقولوا ع الماروتي و الالتو مفيهمش فلتر بنزين هي فيه عربية بتنزل من غير فلتر بنزين