اقتباس المشاركة الأصلية كتبت بواسطة walid_m مشاهدة المشاركة
الكيك دوان ... دي حاجة خاصة بالفتيس الأتوماتيك تعادل تسقيط النقلة في الفتيس العادي !!!

في الفتيس العادي ممكن تسقط نقلة أو إثنين حسب الحاجة .. يعني لو حد ماشي على الرابع وهدى السرعة لغاية 40 كم / ساعة مثلاً وعايز يزود عزم العربية ... يا إما ينقل على الثالث ... أو لو عايز يحرق أكثر ينقل على التاني !!!

نفس القصة مع الفتيس الأتوماتيك تقدر تسقط نقلة أو إثنين ... لكن !!!
في الفتيس العادي بتنقل بعصاية الفتيس ...
الفتيس الاتوماتيك بتنقل بضغطات رجلك على دواسة البنزين .. إزاي ؟؟

تزود دواسة البنزين مرة واحدة ( تخطفها كده ) موش تزود تدريجي ... لا تخطفها !!

لو زودتها قوي حتسقط نقلتين لو الدوسة أقل حتسقط نقلة واحدة ...
الحكاية دي محتاجة حرفية أو صنعة زي ما بيقولوا !!!
وحتتعود عليها بالتدريج !!

المشكلة إنك لو سقطت نقلتين وانت على سرعة عالية ممكن تكسر الفتيس !!!

يعني لما تسقط نقلة لو دوست لأخر الدواسة مرة واحدة حينقل الفتيس لتحت نقلتين وده لو على سرعة عالية حيبهدل الدنيا !!

طيب عشان الشركات تتفادى المشكلة دي نزلت الفتيس الاستيبترونيك بمسمياته .. وده عاملين فيه إنك تسقط النقلات عن طريق عصاية الفتيس ..
وبالتالي عمرك ما تغلط في التسقيط !!!

أرجو أن أكون وضحت الفكرة ...

تحياتي ...
والله العظيم مش فاهم حاجة خالص
أعذرونى لسة مبدئى وفى كلام كتير مش فهمه