الموضوع: كارثة من كوارث التوكيل

المفتاح المشفر بيتعمل فى محلات الفاتيح بشرط وجود السيارة ب150 جنيه..

المشاركة الأصلية كتبت بواسطة khaabas

معلش يا باشا ومتزعلش منى انتا اللى سؤالك استفزازى اووووووووى وفيه اتهام ليهم موش لطيف
بس انا عذرك بسبب حالات السرقة اللى كلنا بصراحة خايفين منها
ومن الواضح ان الرد من مهندس التوكيل هو اجابة تعجبية لسؤالك

بص يا معالي الباشا انت لو مكاني كنت عملت اكتر من كدة لان في ابو رواش كل واحد بيرميها على التاني بدون تحمل مسئولية (المهندس ما بيصدق ما بيخلص العربيات اللي عندة ويرميها على الورشة والورشة ما بتصدق ترميها تاني على المهندس وهلم جرة

وبعدين سوالي استفزازي في اية مجرد سؤال للمهندس اية المانع ان السواق دة ميعملش نسخة
على مفتاح العربية ؟؟؟؟ زي ما بتسيب مفتاح عربيتك للسايس او بتاع الكراش كام عربية اتسرقت بنسخة من مفتاحها
فكان المفروض الرد او اجابة المهندس يكون ( لا يا فندم هيونداي ضامنة الناس اللي شغالة معاها)
اجابة بسيطة مش محتاج المهندس يجاوبني مرتين بالنفي وعدم الثقة او اجابة تعجبية زي ما حضرتك ذكرت

وبعدين يا معالي الباشا فرع ابو رواش او اي فرع موجود روح اسأل بنفسك نفس سؤالي وقولي اجابة المهندس عليك هتكون اية مش يمكن انا وقعت في مهندس اي كلام ؟؟؟

ممكـــن يــكــون السبب الرئيســـى فى سرقه الالنترا

ممكن ينسخو كود المفتااح ويوزعوه برا ويبعوه لناس تسرق العربيات
ربناا يستــر عليناا ياا رب من النااس دى

ونصيحــه ميــنى سيبك من التوكيل علشان دول حراميه جدا وخليك براا فى مركز معتمد
لان الهيونداى نااس كتيــر تفهم فيهاا وهيظبطوهالك زى التوكيـــل
وربناا يحفظلك عربيتك ويكفيك شرها ^_^

المشاركة الأصلية كتبت بواسطة dozo

المشكله فعلا فى رد المهندس اللى قال :-
اه ممكن يعمل مفتاح و انهم مش ضامنين الفنيين اللى فى التوكيل ..
بصراحه رد مستفز اوى ... حتى لو الكلام ده حقيقى .. ترعب العميل و تخليه يضرب اخماس فى اسداس .. بصراحه انا لو مكان صاحب الموضوع و المهندس قالى كده كنت حقوله هاتلى العربيه و عنها ما تعملها صيانه و اكلم الكول سنتر و اعمل شكوى فى المهندس ده و اقولهم على الكلام اللى قالهولى .

كلام سليم المرة الجاية في صيان 20 الف هعمل الموضوع دة وهعمل لهم قلق جامد لو اتقال نفس الكلام

المشاركة الأصلية كتبت بواسطة s7oda

بص يا معالي الباشا انت لو مكاني كنت عملت اكتر من كدة لان في ابو رواش كل واحد بيرميها على التاني بدون تحمل مسئولية (المهندس ما بيصدق ما بيخلص العربيات اللي عندة ويرميها على الورشة والورشة ما بتصدق ترميها تاني على المهندس وهلم جرة

وبعدين سوالي استفزازي في اية مجرد سؤال للمهندس اية المانع ان السواق دة ميعملش نسخة
على مفتاح العربية ؟؟؟؟ زي ما بتسيب مفتاح عربيتك للسايس او بتاع الكراش كام عربية اتسرقت بنسخة من مفتاحها
فكان المفروض الرد او اجابة المهندس يكون ( لا يا فندم هيونداي ضامنة الناس اللي شغالة معاها)
اجابة بسيطة مش محتاج المهندس يجاوبني مرتين بالنفي وعدم الثقة او اجابة تعجبية زي ما حضرتك ذكرت

وبعدين يا معالي الباشا فرع ابو رواش او اي فرع موجود روح اسأل بنفسك نفس سؤالي وقولي اجابة المهندس عليك هتكون اية مش يمكن انا وقعت في مهندس اي كلام ؟؟؟

خلاص يا باشا سيبك من ابو رواش وروح العبور احسن فى كل حاجة ممكن يكون بعيد عنك بس هتستريح فيه بس الصراحة انا متعملتش مع ابو رواش
بس العبور فعلا حاجة تانية خالص
وبص يا باشا ان الهدف كان من كلامى بلاش القلق الزيــادة ده وفى الاول والاخر سيبها على الله فلن يصيبنا الا ما كتب الله لنا