زيت موتور 30 الف كيلو !

**tarekzein** · 26-05-2013 10:00 PM

افتكرت دلوقتى
شفته عند عبدالراضى
بس قاللى ده 10000 كيلو بس
وبيشكر فيه جدا انه زيت محترم أفضل من وولف كمان
بس أنا خفت منه وحطيت شيلد 5000 :)

**alameer81** · 13-06-2013 01:09 AM

السلام عليكم
يا مهندس عاشور , انت خايف علي المحرك ولا خايف علي الزيت؟؟

المهم في الزيت انه يكون لزوجته مناسبه للمحرك طبقا لدرجه حرارة الجو ودي بنعرفها من الكتالوج
ويكون مستوى الاداء مطابق للموصي به بالكتالوج برده او اعلي
يعني مستوى اداء sj ممكن تحطه محل مستوى اداء sf لكن العكس غير صحيح
يعني لو العربية محتاجة sj مش ها يفرق مع المحرك يكون زيت تخليقي او زيت معدني لو الاتنين نفس مستوى الاداء

موضوع تخليقي ومعدني يفرق مع الزيت نفسه ومع حفاظه علي خواصه مع ظروف التشغيل الشاقة

يعني الززيت ها يبوظ بعد قد ايه

لكن من وظائف الزيت انه ينظف المحرك ويطرد الشوائب ومخلفات الحريق الي بتهرب من الشنابر
هل انت عندك استعداد انك تسيب الشوائب في المكنه 30000؟؟؟

ثم اصلا مع الاستهلاك الطبيعي للزيت ها تحتاج تزد زيت في نص ال 30000 كيلو
سعر التزويدة ممكن يكون بسعر غيار كامل بزيت معدني
نصيحتي خليك في زيت معدني بلزوجة ومستوى اداء مناسب طبقا لتوصية الصانع وارميه كل 3 الاف او خمسة او حتي 7
الزيت غالبا ما بيحصلوش اكتر من انه بيتوسخ واحنا بنرميه علشان نخلص من الزباله الي في المكنة

لو حسبتها ها تلاقي سعر غيار الزيت والتزويد الي في النص ها تلاقيه قريب من سعر الزيت التخليقي لنفس المدة

ملحوظة : كل الزيوت الي بنفس مستوى الاداء واللزوجة متعبية من نفس الحنفية والفرق هو الاسماء التجاريه فقط

انا بستعمل زيت التعاون XPL SL زيت ممتاز وسعره معقول وكمان ما بيتغشش زي موبيل وشل لان مش عليه طلب كبير

**ashourashour** · 13-06-2013 08:23 AM

المشاركة الأصلية كتبت بواسطة alameer81

السلام عليكم
يا مهندس عاشور , انت خايف علي المحرك ولا خايف علي الزيت؟؟

المهم في الزيت انه يكون لزوجته مناسبه للمحرك طبقا لدرجه حرارة الجو ودي بنعرفها من الكتالوج
ويكون مستوى الاداء مطابق للموصي به بالكتالوج برده او اعلي
يعني مستوى اداء sj ممكن تحطه محل مستوى اداء sf لكن العكس غير صحيح
يعني لو العربية محتاجة sj مش ها يفرق مع المحرك يكون زيت تخليقي او زيت معدني لو الاتنين نفس مستوى الاداء

موضوع تخليقي ومعدني يفرق مع الزيت نفسه ومع حفاظه علي خواصه مع ظروف التشغيل الشاقة

يعني الززيت ها يبوظ بعد قد ايه

لكن من وظائف الزيت انه ينظف المحرك ويطرد الشوائب ومخلفات الحريق الي بتهرب من الشنابر
هل انت عندك استعداد انك تسيب الشوائب في المكنه 30000؟؟؟

ثم اصلا مع الاستهلاك الطبيعي للزيت ها تحتاج تزد زيت في نص ال 30000 كيلو
سعر التزويدة ممكن يكون بسعر غيار كامل بزيت معدني
نصيحتي خليك في زيت معدني بلزوجة ومستوى اداء مناسب طبقا لتوصية الصانع وارميه كل 3 الاف او خمسة او حتي 7
الزيت غالبا ما بيحصلوش اكتر من انه بيتوسخ واحنا بنرميه علشان نخلص من الزباله الي في المكنة

لو حسبتها ها تلاقي سعر غيار الزيت والتزويد الي في النص ها تلاقيه قريب من سعر الزيت التخليقي لنفس المدة

ملحوظة : كل الزيوت الي بنفس مستوى الاداء واللزوجة متعبية من نفس الحنفية والفرق هو الاسماء التجاريه فقط

انا بستعمل زيت التعاون XPL SL زيت ممتاز وسعره معقول وكمان ما بيتغشش زي موبيل وشل لان مش عليه طلب كبير

عليكم السلام يا باشا

انا لا خايف عالزيت ولا الموتور ... انا مش عايز اسمع صوت الموتور بقدر الامكان

و عن نفسي مستحيل اعدي حتى من الشارع اللي فيه بنزينه تعاون !

والصراحه انا مقرأتش عن الزيوت فمش بفهم فيها حتى انا مفهمتش انت قلت اه ال sf / sj !

وانا اكيد مش هسيبه 30 هسيبه لحد مينقص و اغيره كله لو عشت يعني

وانا اهم حاجه عندي احس بصوت الموتور انعم

**mrastra** · 13-06-2013 10:18 AM

و عن نفسي مستحيل اعدي حتى من الشارع اللي فيه بنزينه تعاون !

ليك مطلق الحرية
لكن زيوت التعاون من اجود انواع الزيوت الموجودة بالسوق المصرى
وانا بشتغل فى جهه حكومية وبما اننا فى حكومة اجبارى بنجيب زيت التعاون
وبعد تحليل الزيت فى مختبرات خاصة
وجد انة يعطى نتائج مبهرة بعد عدد كيلو مترات التشغيل المعمول بها
الناس كلها مفكرة ان زيت التعاون هو سوبر ستان الجركن الاحمر احادة الدرجة وما يعرفوش ان التعاون تنتج زيوت فائق الجودة

والصراحه انا مقرأتش عن الزيوت فمش بفهم فيها حتى انا مفهمتش انت قلت اه ال sf / sj !

دى باختصار شديد هى رتبة الزيت حسب تصنيف معهد البترول الاميركى
ويرمز له بالرمز API
ويكون مكون من حرفين اما
Cx ودة مدلول لزيت المحركات الديزل
او
SXودة زي خاص بمحركات البنزين
ويوجد انواع زيوت بتشتغل فى محركات البنزين والديزل
والرمز Xيدل على رتبة الزيت وتصنيفة
وطبعا كل لما الحرف كان موقعة فى اخر الحروف الانجليزية كلما كان اجود
والتعاون عاملة زيوت SJ
يعنى وصولو لترتيب متقدم جدااااااا

وخد بالك احسن انواع زيوت الباكم هى التعاون لانهم بيعملو زيت DOT4 وكل الانواع الموجودة فى السوف هى DOT3 بما فيهم البندكس اللى مكسر الدنيا

وكمان حاجة لا يمكن الزيت دة يتغش
تقدر تقول ان معظم انواع الزيوت فى مصر مغشوشة خصوصا موبيل

**alameer81** · 13-06-2013 10:46 AM

تمام كلام مستر استرا
بس انا اقصد من سؤالي انت خايف علي المحرك ولا علي الزيت هو ان الزيت في خدمة المحرك مش العكس
اي زيت لزوجته مناسبة للمحرك مش ها يخليك تسمع صوته