مقارنة تفصيلية بين الفانتازيا والالنترا 2013

**المنسي** · 26-05-2013 12:25 PM

مقارنة مميزة والموضوع مميز منك استاذ احمد

ليا طلب صغير ياريت نعمل مقارنة بين الفانتازيا والسيراتو اعتقد ممكن المقارنة ساعتها تكون معقولة شوية او ممكن بدل السيراتو ندخل اللانوس

**inspiron** · 26-05-2013 03:31 PM

المشاركة الأصلية كتبت بواسطة Ahm662

واستنوا يا بلد لما الاوكتافيا الجديدة تنزل يعني مش هاتكلم عن أي حاجة غير اكتساحها للسوق رغم أسعار اليومين دول "معلومة علي الماشي كده تسارع الelegance‏ من ٠ إلي١٠٠كم ٨.٩ ث"

هي إن شاء الله نازلة بالموتور الـ 140 حصان ( بالنسبة للإليجانس ) ورقم التسارع بتاعها من 0-100 في أقل من 8.9 ث

المشاركة الأصلية كتبت بواسطة طارق _عبد السلام

رائع يا زعيم كالعاده
عاجبنى طريقه سرد المقارنه

بس بينى وبينك يا برنس المقارنه مش عادله انا يعجبنى فقط وحط الف خط تحت كلمه فقط دى شكل الالنترا

لكن تحطها فى مقارنه مع الفانتازيا مع احترامى للالنترا كده اتظلمت فرق صناعه وفرق صاج وثبات وفرامل وأمان وغبــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــور وجوده الاوروبى
مع ان مبيعاتها عاليه ومنتشره بس العربيه دى لو اوروبى كانت تبقى فله بجد لانها بتسرق نظرى لما بشوفها

تلسم يا طارق بيه.هي فعلاً الإلنترا تصميمها حاد وملفت للنظر.ولو كانت أوروبي كانت هتتكلف جامد بالتصميم ده

المشاركة الأصلية كتبت بواسطة mo7a_mo7a

مقارنة رائعة

انت بتحب الفانتازيا بشكل مش معقول

واكتر ما انا بحبها

تقبل تحياتي

ربنا يباركلك يا كبير..الفانتازيا عشقي.

المشاركة الأصلية كتبت بواسطة dozo

مقارنه ممتازه كالعاده ... و حياديه فى التقييم .
تفوق واضح للفانتازيا فى انظمه الفرامل و الامان فى مقابل تفوق الانترا فى التصميم و التكييف و التسارع .
الكماليات اعتقد تقريبا واحده مع تفوق نسبى للفانتازيا فى بعضها.
تمتاز الفانتازيا بوقار غريب و تقفيل و جوده ممتازه ... و الانترا بعصريه التصميم و الشكل الملفت للنظر .

تسلم يا باشا علي ردك..هو بالنسبة للتصميم هي مجرد أذواق..لأن الفانتازيا ليها ناسها بتحب التصميم الغالب عليه الوقار ويديك إيحاء بقوة التحمل..وفي ناس بتحب التصميم الهندسي الحاد وده اللي بتوفره الإلنترا.بالنسبة للكماليات فأخالفك الرأي..الفانتازيا تتفوق بمراحل..يعني كماليات الفانتازيا البيزلاين أوتوماتيك أكتر من كماليات الإلنترا الـ fully loaded
بالنسبة للتقفيل..العربيتين حلوين في التقفيل.
بالنسبة للتسارع..الإلنترا تتفوق تفوق نسبي لفرق الوزن وإن كانت المفروض تدي أداء أكتر من كده.اللي بيخلي الأوكتافيا تطلع كل قدرتها إنها high revving عن الإلنترا..لو الإلنترا زيها في النقطة دي كان الفرق هيكون كبير لصالحها.

المشاركة الأصلية كتبت بواسطة ENG\AHMED

واضح ان بتوع هيونداى سايبنكوا بس تفرحوا بالفانتازيا بتاعتكوا شوية قبل ماييجوا بالانترا يعلموا عليها

او فاعل الخير لسه مشافش الموضوع !!!

بمناسبة الانترا
عربية شكلها حلو , بس بالنسبالى مش بالعها اوى
بمعنى فى عربيات تشوفها من اى زاوية تحسها متناسقة مع بعضها مفهاش حاجة غلط وفى عربيات تشوفها من زوايا حلوه وزوايا لأ ..... الالنترا كده بشوفها من زوايا بحس فيها حاجة غريبة او حاجة مش المفروض انها تبقى كده ....

بالصدفة يوم الخميس اللى فات خارج مع صحابى منهم واحد معاه سيراتو 2010 والتانى الانترا 2012 بعد الانترا 2010
الاول من البلكونة الالنترا واقفة بين عربيتى و c5 ... ودى اول مرة اركز معاها من فوق ......... اعتقد النقط كفاية .........
شكلها جديد وحركات وخطوط رايحة وجايه بس فى حاجة غلط مفيش تناسق وبالذات لما تقارنها بحاجة محترمة واقفة جنبها

جينا بعد كده بليل خرجنا وبالصدفة اتفتح كلام عن العربيات وابتدت الفضفضة :)))
ثبات ايه اللى بنتكلم فيه !!!!! ... الاتنين بيسبوا
بتاع السيراتو بطل جرى بسببها , والتانى العربية عفشتها غريبة , عفشة القديمة احسن , فرامل حدث ولا حرج , بعد الـ 130 تنطيط ومراجيح "محدش يمشيلى فى خط مستقيم ويقولى اصل العربية مبتتهزش"
ومحدش يقولى فى التأنى السلامة واحنا معندناش طرق يتمشى فيها بالرسعات دى لأن ممكن تضطرك الظروف انك تمشى اسرع من كدة او انك تفادى حاجة بحركة مفاجئة , واخر حاجة اسعار قطع الغيار العجيبة بتاعت الالنترا

------- ---------------------- والناس بتشترى !!!!! ------------------------

ربنا يكرمك يا معلم..شكلك إنت هتكون فاعل الخير ههههههههههههههههههههههههه ههههههههههه

**inspiron** · 26-05-2013 03:54 PM

المشاركة الأصلية كتبت بواسطة lanos2004

طبعا موضوع جميل جدا
بس انطباعى
انا جربت الينترا 2012 تسارع ممتاز جدا ووصلت لسرعه 200 بسهوله على طريق السويس
ومحستش انها خفيفه ولا حاجه كانت كويسه والتحكم فيها جيد جدا
غير اوكتافيا تسارع ابطأ بفرق ملحوظ ولو جريوا مع بعض الينترا تتفوق بفرق كبير جدا
الدركسيون بيتقل قوى فى اوكتافيا على السرعات العاليه-وبيكون بايخ والواحد بيحاول ينقل من حارة لحارة
متخليش الواحد يفكر انه ياخد بيها غرز بسبب تقل الدركسيون بعكس الينترا تحسها مطيعه اكتر
ربنا يستر

أستاذ أحمد..طبعاً نظراً لتحكمك الكويس في اللانوس لازم تحس إن تحكم الإلنترا جيد..بالنسبة ليا ولناس كتير بيحسوا العكس..مع الأخذ في الإعتبار موضوع التنطيط علي السرعات العالية مع مطبات الهوا بشكل غبي..ده أمر مفروغ منه في الإلنترا..إحتمال مالكها يعترض الرأي ده..لكن من المؤكد إنه هيأيد الرأي ده بعد ما يركب عربية في تقل الأوكتافيا وثباتها.
بالنسبة للتسارع..فأنا جريت مع صاحبي ده كذا مرة والأداء علي السرعات العالية فعلاً متقارب بفرق بسيط للإلنترا.مع العلم عربيته بردو بتيجي عند الـ 200 وكفي الله المسلمين شر القتال..هو قاللي مرة واحدة وصلت للـ 210 وإتجاه الهوا معاه..من خلال الفيديو اللي مرفوع واضح تقارب الأداء في العربيتين..وتكراراً ناخد في الإعتبار إن الأوكتافيا high revving عكس الإلنترا بتعزز مبداً الـ safety zone في النقلات.
بالنسبة لموضوع الدريكسيون..مؤكد العربية اللي جربتها فيها حاجة غلط..يا راجل ده أنت سيد العارفين الأوكتافيا في الغرز عاملة إزاي..وعمري ما حسيت إنها مرهقة في الموضوع ده أو إن الدريكسيون بايخ في الحوار ده.بالعكس.الحاجة التانية بردو لازم تحس بفرق في الغرز بين العربيتين.لأن إحنا بنقارن ريشة بدبابة
تقبل تحياتي

**inspiron** · 26-05-2013 04:13 PM

المشاركة الأصلية كتبت بواسطة eng\ahmed

عيب عليك ده انا بقيت المشاركة بذم فيها اروح اجيبهم هنا , هو انا ناقص صداع !!!!

بهزر معاك يا باشا إوعي تكون زعلت :)

**dozo** · 26-05-2013 05:18 PM

تسلم يا باشا علي ردك..هو بالنسبة للتصميم هي مجرد أذواق..لأن الفانتازيا ليها ناسها بتحب التصميم الغالب عليه الوقار ويديك إيحاء بقوة التحمل..وفي ناس بتحب التصميم الهندسي الحاد وده اللي بتوفره الإلنترا.بالنسبة للكماليات فأخالفك الرأي..الفانتازيا تتفوق بمراحل..يعني كماليات الفانتازيا البيزلاين أوتوماتيك أكتر من كماليات الإلنترا الـ fully loaded
بالنسبة للتقفيل..العربيتين حلوين في التقفيل.
بالنسبة للتسارع..الإلنترا تتفوق تفوق نسبي لفرق الوزن وإن كانت المفروض تدي أداء أكتر من كده.اللي بيخلي الأوكتافيا تطلع كل قدرتها إنها high revving عن الإلنترا..لو الإلنترا زيها في النقطة دي كان الفرق هيكون كبير لصالحها.

هو انا حروح جنبك فين يا عاشق الفانتازيا ههههههههههه
على فكره انا من عشاق وقار الفانتازيا .. ومش متخيل لو معايا انى اخد غرز بيها او يهمنى تسارع او بتجيب سرعه 200 فى اد ايه حتى لو كان راكبلها موتور 3000 سى سى .
بس انا مختلف معاك فى فرق الكماليات بين الفانتازيا البيزلاين و الانترا fully loaded لان الانترا fl بتزيد عن الفانتازيا البيزلاين :
- فتحه سقف
- start / stop engine button
- rear parking sensor
- فرش جلد
- جنوط سبور
و الفانتازيا تزيد :
- فتحه تكييف خلفيه
- درج مبرد فى التابلوه
- مرأه ذاتيه التعتيم
ده اللى انا فاكره ( مع الاعتبار ان انظمه الفرامل مش كماليات )

**mhf_77** · 26-05-2013 06:00 PM

ياراجل حد اساسا يقارن الالنترا بالفانتازيا
لو الفانتازيا عرفت انها دخلت مع الالنترا فى مقارنه هتنتحر
مجرد ذكر اسم الالنترا بجانب الفانتازيا شرف لكوريا كلها
روح ياشيخ
وتعالى بسرعه