ما هو درجة الحرارة الطبيعية للموتور و هل الموتور القديم مثل الحديث..؟؟

**el3awaam** · 25-05-2013 10:45 PM

السلام عليكم.
انا معايا عربية بيجو 104 و عليها موتور 205 عادة 1300cc كاربيراتير مو 84 .
و كانت درجة الحرارة الطبيعية ليها 85 تقريبا و فى السفر كنت بتقل درجتين لما الهوا يخبط فى الريداتير..
و كنت عملت شوية شغل فى المكنة ( نص عمرة ) و دلوقتى لما بمشى فى العادى الحرارة 85 و ممكن تزيد درجتين مع الزحمة و الحر لكن المشكلة بقى انى لما بطلع على الطريق و ار بى ام الموتور على 30 على الرابع يعنى سرعة 100 تقريبا الحرارة بتوصل 90 درجة مع ان الجو ممكن مايكونش حر اوى و ممكن يكون بليل كمان .
فهل دى درجة حرارة طبيعية ولا فعلا زيادة..!!
انا الاول كنت بسافر على ار بى ام 35 و ساعات 40 على الرابع يعنى سرعة من 110 الى 140 تقريبا و كانت الحرارة 85 درجة ..
و ظبط التاكيهات على فيلر 30 ...
ارجو الافادة و الرد سريعا لأنى مسافر الاسكندرية يوم الاتنين و شكرا..

**emad_2020** · 25-05-2013 10:53 PM

متابع

**amrelsaqqa** · 26-05-2013 12:19 AM

ايه الشغل اللى انت عملته في المكنة
هل خرطت الوش ؟
هل ركبت جوانين ؟
حالة دورة التبريد
هل مكنتش بتزود مية في الشتاء وبالتالى احتمال كبير يبقى عندك انسداد في الريدياتير ؟

في رأيي الشخصى لو المكنة مظبوطة والسحب كويس واستهلاك البنزين معقول و الحرارة ما بتخرجش عن السيطرة يعنى ما بتلاقيهاش فضلت تسرح منك لحد ما هتقرب على الاحمر او تدخل في الاحمر ، يبقى ما تاخدش في بالك ، عادى ، وبيتهيألى تسافر وتتوكل على الله ..

عايز تطمن امشى بالعربية في الزحمة سلانسيه الساعة 1 او 2 الضهر دى اكتر حاجة تسخن العربيات القديمة بالذات

ولو عايز تعمل صيانة سريعة روح لبتاع ردياتيرات سلك الردياتير لازم هتحس بفرق والموضوع مش هيتكلف 40-50 جنيه ان شاء الله

تحياتى ..

**lad** · 26-05-2013 01:13 AM

لو مهما قرصت مابتعلاش عن 90 يبقى عادى

**el3awaam** · 26-05-2013 04:27 PM

شكرا يا جماعة على اهتمامكم.
هى الحرارة بتيجى عند 90 و تثبت و مبتجيبش 90 دى الا فى حالة السفر فقط لما ار بى ام العربية يوصل 30 و يثبت عليه .
لكن فى الزحمة فى عز الحر الظهر حتى لو قعدت ساعة بتثبت عند 85 .
بس هى ماكانتش بتوصل لل90 قبل كدة .
لكن الحرارة 90 دى متضرش الجوانات و جوان وش السلندر ..
انا عارف ان العربيات الجديدة حرارتها بتبقى من 90 الى 95
هل ال90 دى هى الحرارة الطبيعية بالنسبة للموتور القديم..؟

**spownl** · 01-06-2013 10:20 AM

بيتهيالى كدة زى الفل وعادى يعنى بس لو انتا مهتم اوى فعلا لازم تبص على دورة التبريد للاحتياط وعلشان كل حاجه تبقى زى الفل

وممكن على فكرة لو انتا عندك العربية جر خلفى الموتور بتعها راسى يعنى وشغال على مروحة تبريد سعه
ممكن تضيف مروحة زيادة على طرومبة الميه الحل دة فوق الوصف فعلا والله عن تجربة شخصية ما لوش حل وجرب وها تتدعيلى والموضوع دة مش ها يكلفك 30 جنية

وجرب وها تدعيلى