الموضوع: صباح النور على رجاله القسم

المشاركة الأصلية كتبت بواسطة nesr6060

الحمد الله خلصت من موضوع الكهربا طلع معظم المشكله فيوزات لان الراجل اللى عملت عنده الولاعه طلى الولاعه على الككاسيت فلما بحطها ساعات بتحرق الفيوز فعملنا الفيوز بسيلك علشان يبقى اشد وغيرت شويه فيوزات وغيرت سير الدينمو وصلحت المارش والحمد الله اتعمل من غير ما يتحل

طبعا دة شغل مش صح
يعني بدل ما اصلح العيب اللي بيحرق الفيوز - اقوم اعمل فيوز اقوي شوية ؟؟؟
كدة غلط وانت كدة بتحمل علي ضفيرة العربية
لو استمريت كتير علي العك دة - هتشيط الضفيرة وهتتحرق منك وممكن يحصل مالا يحمد عقباه

وخلصت من موضوع الحرااره خلاص الحمد الله وفهمتلها والميه مبقتشى بتخلص بعد ما غيرت غطا قربه الميه لانه كانت الجلده الى فيه بايظه

طب الحمد لله
ياريت تشارك بقطعة الغيار في موضوع تجارب الأعضاء
http://www.nilemotors.net/nile/341028-a.html

دلوقتى بقى انا عاوز اعمل كالتالى
1- اغير فلتر بنزين ( عربيه 1300 سىسى كاربرتير ) عاوز اعرف لما اروج اشتريلها فلتر البنزين هقول للراجل ايه عاوز فلتر بنزين كربراتير وخلاص اى فلتر بنزين كربراتير يركب عليها ولا لازم اقوله فلتر بنزين كربراتير لابيزا 1300 سىسى 94 وياترى بيعمل كام واجيبه منين

هتروح عند بتاع قطع غيار فولكس
وتقوله - فلتر بنزين ابيزا 94 كاربراتير
هتلاقيه في رينج من 10-15 جنيه
ولما تجيبه وتحط صورته هنعرف لو ينفع تركب بديل له ولا لاء

2- عاوز اجيب طقم بوجيهات بس لما روحت سالت على بوجيهات 3 شمعه الراجل سالنى عن المقاس ومفهمتش اقوله ايه فياريت حد يقولى المفروض اقوله ايه وانا بشترى البوجيهات علشان انا معرفشى ولا مقاس ولا حاجه

البوجيهات علي مقاسين
بوجيه 16 - بوجيه 21
ودة بيعتمد علي سلك البوجيهات
وممكن يكون عندك دة وممكن يكون عندك دة
وبالتالي بردو - لما تروح للميكانيكي بتاعك هيفك البوجيه وتجيب زيه
بوجيهاتنا 3 شمعة

3- عاوز اغير فلتر الزيت برده نفس الكلام بتاع فلتر البنزين هو للعربيه فلتر زيت مخصوص ولا اى فتر زيت يركب عليها وياترى فى فلتر زيت بتاع عربيه تانيه ممكن يركب عليها ولا لا وبرده عاوز اعرف اساله عن فلتر الزيت ازاى يعنى ليه اسم او رقم او اى حاجه زى سير الدينمو

هتجيب فلتر زيت ابيزا 94 من عند بتوع قطع غيار الفولكس

4 - بعد ما غيرت زيت شيل الاحمر العربيه كانت كويسه بس انا مشيت بيه حوالى 2000 كيلو مش 3000 زى ما مكتوب ولاقيت الزيت عاوز يتغير مش عارف ليه كدا وفى واحد قالى غير بزيت التعاون مش عارف تقريبا كان رقمه hcl حاجه مش فااكر اللى بعده فقولولى ايه احسن زيت

خليك في شيل الأصفر
كلنا مجربينه وماشيين بيه كويس
عايز تدخل في قصص التجارب
جرب كاسترول (gtx العادي - gtx high mileage - ماجناتيك)
جرب ليكوي مولي
جرب فيسكو (3000 - 5000)
جرب موبيل (1 - hxp)
جرب بيزول
جرب راهينول
جرب وولف
جرب فالفولين

5- اخيرا ربنا هيكرمنى واخلص امتحانات يوم الاربع وهبتدى تظبط فى العربيه فخليكوا معايا بقى يا رجاله ولو حد عنده فكره او اى حاجه تانيه المفروض اعملها ياريت يقولى اعملها انا إن شاء الله هبتدى افضى بقى واظبط للعربيه شويه علشان السراحه سحبهااا ضعيف جدااااااااااااااااااااااا ااااااااااااااااااااااااا ااااااااااااااااااااااااا ااا بس التوب سبيد بتاعها حلو بس بالنسبه للسحب سحب توكتوك مش عربيه خاصه لما صاحبى جاب الانوس بتاعته وقارنا بينهم فرق عنى جامد بس بعد كدا جبته على ال 100 بس برده فرق سحب جامد من 0 لغايه 60

معروف ان عربياتنا بطة شوية لحد 60 - لكن بعد كدة بتجري وتجمع حلو

انت عملت سيرفيس العربية ؟؟؟
1- تغيير زيت وفلتر
2- فلتر بنزين
3- فلتر هوا
4- بوجيهات
5- سير كاتينة
6- سير دينمو
7- زيت الفرامل
8- كشف علي التيل والطنابير
9- كشف علي سلوك البوجيهات
10- تنظيف كاربراتير
11- ضبط زوايا وكشف علي العفشة
12- تغيير بلي الشداد بتاع الكاتينة والدينمو (مش كل الدينمو ليه بلية شداد للسير)

اعمل كل دوول الأول وبعدها احكم علي اداء العربية

تحياتي وربنا يوفقك