عاجل محتاج نصيحة وحل للصني الجديدة ( حادثة )

**dr_hman** · 26-05-2013 05:01 PM

السلام عليكم ورحمة الله وبركاته

عربية نيسان صني الشكل الجديد عملت حادثة واتفتحت الاير باجز رغم ان الحزام مكانش مربوط والريادتير اتخرم ونزل كل الميا اللي جواه وكمان الاكصدام طبيعي انه يتكسر.

لكن هل الطبيعي ان الدريكسيون ملوش علاقة بالعجل دلوقتي يعني مفيش تحكم بالعجل دلوقتي؟

وكمان ايه الحل دلوقتي توكيل ولا مكلف جدا وانا لو عايز اغير التابلوه فاضي منين ولو حد يعرف ممكن اتكلف كام في الليلة دي كلها لان الحادثة لسا حاصلة حالا ومع واحد صاحبي ومقولكمش احنا الاتنين محتاسين اد ايه دلوقتي

**youssef_u** · 26-05-2013 05:15 PM

اولا قدر الله ماشاء فعل والحمدلله على سلامتكم ، الايرباج لوحدها ب ١٦ الف فا ممكن تلحم مكانها بره التوكيل وخلاص ، الردياتير و الاكصدام و اكيد كده هيبقا الفوانيس معاهم دي ان شاء الله بسيطة وتلاقيها متوفره فالتوكيل و ان شاء الله و اسعارها تبقا معقوله

**moumen_hs** · 26-05-2013 05:23 PM

ياريت تنزل صور بالتفصيل علشان نقدر نساعد

**dr_hman** · 26-05-2013 05:27 PM

تمام حضرتك لكن مفيش حاجات استيراد او التابلوه بيتباع لوحده لان زي محضرتك عارف الطاره والحتة التانية اللي مكانها فيه الايرباج مفتوحين دلقتي

**dr_hman** · 26-05-2013 05:28 PM

والحمد لله على كل شيء والله يسلم حضراتكوا

**hamaka** · 26-05-2013 06:16 PM

ألف حمد الله على السلامة و قدر الله و ما شاء فعل....ربنا يعوض و يحفظ الجميع باذن الله...

**dr_hman** · 26-05-2013 06:20 PM

كلمني حاليا وبيقولي ان كمان الموتور ممكن يكون اترحل من مكانه واتضرر يعني حادثة اكبر من الاول هل لو رحت الحرفيين الاقي حاجات للعربية وكدا ولا ايه ارجو الافادة

**mohamed_selim** · 26-05-2013 06:28 PM

العربيه لسه جديده و ما اظنش ان حاجتها موجوده لسه !

**mem** · 27-05-2013 07:36 PM

حضرتك انا ممكن اساعدك شوف انت عايز ايه بالظبط وانا اديك رقم واحد فى الحرفيين
عنده الشكل الجديد شوفته عنده وانا بصلح العربيه لان كانت عربيه صديق عامله حادثه وجبنا ليها حاجات من هناك

**dr_hman** · 28-05-2013 04:56 AM

المشاركة الأصلية كتبت بواسطة mem

حضرتك انا ممكن اساعدك شوف انت عايز ايه بالظبط وانا اديك رقم واحد فى الحرفيين
عنده الشكل الجديد شوفته عنده وانا بصلح العربيه لان كانت عربيه صديق عامله حادثه وجبنا ليها حاجات من هناك

متشكر جدا يا فندم وربنا يخليك هو غالبا هيروح بورسعيد