ايهما تختارون من حيث الشياكة والكماليات : قرطبة ام ماتيريا ام سوزوكي اس اكس فور؟

**tutankhamoun** · 23-08-2008 07:25 PM

أحسن أختيار في السيارات موضع المقارنة هما
القرطبة ............ سيارة رائعة و جميلة و إعتمادية
القرطبة و الإبيزا أخوات
الإبيزا هي الهاتش باك بتاعها
عربيات قوية و بتستحمل و صالونها كويس و جميل
ده طبعا غير الشكل الجميل للسيارة فهو شكل متوازن ما بين الشكل الشبابي المطلق و الشكل العائلي المطلق
فهي سيارة متوازنة في كل شئ
حتى محركها ....... 1400 ......... قوة معقولة جدا و ثبات على الطريق

-------------------------------------------------------------------------

السوزوكي
سيارة جميلة و بدأت في الإنتشار و سيارة إعتمادية أيضا
و تتميز بالتكنولوجيا الحديثة
و أيضا لها ميزة مهمة جدا
أن هذه السيارة هي نتاج أبحاث مشتركة بين سوزوكي و فيات و لذلك سوف تجد فيها تكنولوجيا حديثة و هي سيارة تبدوا من الخارج قوية و مريحة

بس فيه عندك أختيارات تانية كتير زي ما الأخوة رشحولك
فيه السيراتو ......... و الإلنترا و الجين 2 و الواجا .....

بس ببالنسبة لأختياراتك
أنا ميال للقرطبة أكتر ........... مش بيعجبني شكل السوزوكي ( بس هو الشكل بس اللي موقفني من ناحيتها )

**Ahmad Allawy** · 23-08-2008 07:32 PM

السلام عليكم..
معلش متأخر شوية ف الرد..
كل العربيات اللي سعاتك قولت عليهم.. مش هتشوف مقدمتهم و انت سايق خالص..
الموضوع ده انتهي من اوائل الالفينات.. ولا ضهر العربية كمان علي فكرة.. الموضوع يعتمد علي التقدير البحت.. ولو حبيت في موضوع بسيط جدا و غير مكلف بالمرة بيتعمل..
انك تركب سينسورز. زي بتاعت الركن.. بس بيركب منها قدام كمان..
انا في رأيي زي ما توت قال بالظبط.. الكوردوبا و السوزوكي زي الفل.. ولو اني انا باحب الاوروبي اكتر,, و الكوردوبا هبارة عن فولكس.. الاساسيات يعني.. وده اشد ما فيها..
عير كده العربيتين جامدين جدا.. و من افضل العربيات اللي ف الفئة السعرية دي..
اركب العربيتين.. و استخير و ربنا يوفقك ان شاء الله..

**Masry16** · 23-08-2008 07:56 PM

tutankhamoun

شكرا لك اخي توت علي المقارنة الرائعة و بالمناسبة انت من ادخل في رأسي التفكير بالجين 2 سبورت لكنني تراجعت حتي اري موديل 2009 وهل سيكون بالموتور الكامبرو وبنفس السعر ام ماذا

Ahmad Allawy - Dr_Smart

اخي احمد تسلم علي توضيحك بخصوص رؤية ابعاد السيارات الجديدة
وشكرا لدكتور سمارت ايضا علي رده بالصفحة الماضية

شكلي باتوكل علي الله وارسي علي السيات قرطبة الخليجي الاوتوماتيك باذن الله

**todolist** · 03-09-2008 08:53 PM

ماتيريا بلا تردد

**anamina_minaana** · 04-10-2008 07:57 AM

s

x

4

**MoToRiZeR** · 04-10-2008 08:20 AM

انا مبسوط إن الناس إبتدت تحط الماتيريا في المقارنات و تقتنع بيها لأنها بجد عربية تحفة و انا كان نفسي فيها
و بالنسبة لشكلها هتلاقي رأيين لا ثالث لهم .. ناس بتقولك تحفة و مش ممكن و رهيبة و شيك جداَ .. و ناس بتقولك إيه الصندوق ده شبه عربية نقل الميتين

الماتيريا بالذات شكلها الناس يا تحبه أوي يا تكرهه جداَ .. انا عن نفسي شايفها شيك و ملوكي خاصة اللون الأبيض .. سيارة لها شخصية .. غير إنها أوسع سيارة ركبتها في حياتي .

أرشحلك ماتيريا

و متنساش إنها يابانية و توكيلها محترم و فيها كماليات مش موجودة في عربيات كتير و عوامل أمان عالية .. مش هتحتاج تزود عليها أي حاجة هتاخدها تسوقها

جنوط سبور أصلية - فوج لايت - فرامل Abs + Ebd - كاسيت سي دي أصلي مدمج في التابلوه - تكييف - 4 زجاج كهربائي - زجاج فيميه فابريكة مثبت علي الرخصة - 2 إيرباج - دركسيون قابل للتعديل

و بغض النظر عن السيارة اللي ربنا هيوفقك ليها إن شاء الله .. بالنسبة لموضوع أبعاد العربية و تقديره و إنك مش هتبقي شايف مقدمة العربية و إنت سايق و ده غالباَ هيكون في أي عربية جديدة .. هنصحك بطريقة انا طبقتها و جابت نتيجة و خلتني حافظ العربية كويس و بعرف أناور بيها في الأماكن الضيقة .. ببساطة إنك ترفع كرسيك علي الأخر + تحط تحتيك مخدة .. ده هيخلي وضع القيادة عالي جداَ و هتلاقي نفسك أعلي واحد في العربية بس هيخليك شايف العربية كويس ، و سوق كدة لحس ما تحس إنك خت عالعربية و أبعادها و إبتديت تحفظها و تقدرها .. بتحتاج طبعا ترفع الدركسيون معاك مش الكرسي بس .. المهم و كل ما تحس إنك حفظت العربية نزل مستوي الكرسي سنه .. و إفضل نزله لحد ما توصل للأخر بعد كدة شيل المخدة .. متعملش الموضوع ده مرة واحدة حتي لو حسيت إنك حفظت العربية كويس عشان هتلاقي وضع القيادة إتغير فجأة و مش عارف تسوق .. بالتدريج .. و ده طبعا أحسن ما تتعلم تقدير الأبعاد بالتجربة و تكون النتيجة تجريحات و ترييحات في جسم العربية :) و ربنا يوفقك إن شاء الله