الموضوع: صدق او لاتصدق ... سعر تيل الفرامل الدودج رام ارخص من سعرهم فى البروتون سا

يلعن ابو بروتون من الاخر

كلمه نفسى اقلها من زمان

عربيه تكره الواحد ف عيشته

المشاركة الأصلية كتبت بواسطة ahmad--ezzat

يلعن ابو بروتون من الاخر

كلمه نفسى اقلها من زمان

عربيه تكره الواحد ف عيشته

بروتون ملهاش دعوة يااستاذ احمد المشكلة فى التوكيل
وعلى فكرة انتا هتفتح على نفسك ابوب الجحيم من اسود بروتون

المشاركة الأصلية كتبت بواسطة shshtawy

بروتون ملهاش دعوة يااستاذ احمد المشكلة فى التوكيل
وعلى فكرة انتا هتفتح على نفسك ابوب الجحيم من اسود بروتون

ههههههههههههه
ليه بس

دة كلو حديد

وياما بهزء عربيتى كتير هههههههههه

المشاركة الأصلية كتبت بواسطة gexo

ياباشا محدش بيضرب حد على ايده ويقوله اركب بروتون..وبعدين البروتون بالذات محدش يركبها الا اللي يحبها وعايز يركبها....لو مش عاجباك روح ادفع 100 الف واركب بيكانتو اوتو هاي لاين

ايه علاقته بالموضوع ؟ :))

لما اسعار قطع الغيار توصل لكده يبقى يلعن ابو كده :)

دى القصه

مش قصدى اغلط فى عربيتك حضرتك المصونه الموقره :)

الموضوع اكبر من انك تتنرفز بس انت مش واخد بالك

المشاركة الأصلية كتبت بواسطة ahmad--ezzat

يلعن ابو بروتون من الاخر
كلمه نفسى اقلها من زمان
عربيه تكره الواحد ف عيشته

ولما قولتها ايه اللى حصل ؟!! مبروك قسم بروتون حقق لك حلمك!!

الحمدلله احنا ملاكها ومش بنلعنها ومش كارهين عشيتنا بسببها ولا حاجة ، بالعكس احنا حاسين بالنعمة اللى احنا فيها الحمدلله ، وربنا يخليلك العربية اللى معاك اللى محبباك فى عيشتك!!

المشاركة الأصلية كتبت بواسطة ahmad--ezzat

لما اسعار قطع الغيار توصل لكده يبقى يلعن ابو كده :)
دى القصه

حد قالك ان قطع غيار بروتون عند البقال ولا عند الخضري زي عربيات تانية ؟!!
إحنا قبل ما نشتري عربيتنا عارفين قصة ان التوكيل سئ ، بس العربية نفسها احسن من عربيات خردة ماشية على اربع عجلات فى السوق ، ولو موضوع قطع الغيار هو الفيصل معانا كان زمان الواحد اشتري صني ولا دايو يمشي بيها حاله زي ما باقي الناس بتفكر
وعلى العموم العربية لها بدائل خارج الضمان ارخص بكثير من التوكيل عز العرب.

بالمناسبة نظام الفرامل عندنا بوش ، و التيل الاصلي بوش عندي ب 1500 تقريبا بالمناسبة ، لو اشتريته الضمان هيكون 60 الف او 3 سنين على الطنابير ، عندي بدائل بوش بس صناعة مختلفة ب 350 تقريبا وبضمان مركز معتمد ، ، وفى اتيال تانية فى التوكيل ثمنها اقل من كدة بكثير بس غير بوش و بيخلي الضمان 10 آلالف كيلو بس على الطنابير ، وفى بدائل لما الواحد يخرج من الضمان مع فيات يبقي ثمن التيل من 100- 150 تقريبا .

وبالمناسبة تيل الساجا بيقعد 40 الف كيلو لو نوع القيادة هادي غير رياضي ، معرفش تيل الدودج بيتغير على كام ، بس ممكن الدوج فى فترة ال40 الف بتاعه الساجا دي تغير التيل مرتين لو علي كل 20 الف ، المهم سعر تيل الدودج على نفس فترة استخدام الساجا ممكن يكون ضعف او ثلاث اضعاف - دة مش شرط على العموم لأن دة بيعتمد على نوع التيل اللى بيستخدموه مع دودج رام ولكن جدلا - السعر المذكور اعلاه فى الموضوع.

واتمتع بعربيتك فهي من ماركات غير ملعونة مثل بروتون وبالهناء والشفاء.

المشاركة الأصلية كتبت بواسطة ahmad--ezzat

يلعن ابو بروتون من الاخر

كلمه نفسى اقلها من زمان

عربيه تكره الواحد ف عيشته

-11111111111111111111111111111111111

ههههههههههههههه اية يباشا مالك اية اللى حصل للحرقة دى !!!!!
لا دة البروتون عاملة عمايلها مع ناس كتير اوى كدة لية هههههههههه
لية حسستنى وحسست القسم كلة انك بايت فى عزالعرب من المشاكل وانك معاك بروتون ومغلباك الغلب دة كلة ؟
حد قالك ان ملاكها زعلانين منها او ندمانين لا سمح الله ؟
طب حد جة اشتكالك وقالك والنبى خدلنا بتارنا من الشركة دى :)
انت بتعمم لية طيب على بروتون كلها ؟ هوة كل البروتون مزعلك حتى الويرا ؟؟؟ طب دى حتى ميتسوبيشى وحاجة اخر الاجة :)
طالما الناس القديمة فى القسم واللى حافظة العربية وقطع غيارها وكل بدايلها متكلموش يبقى الموضوع مش مهم خالص لان اذا كان صاحب الموضوع ميعرفش بدايل التيل فدى مش مشكلتنا بس مش معنى كدة ان كل ملاك بروتون بيشتروا التيل الاصلى اللى بمليون جنية دة :) وحتى لو فى ناس بتشترية فعادى بياخد بية ضمان طنابير لحد 100 الف كيلو يعنى بردة مش بيدفع فلوس فى تيل بس لو حسبتها الطنابير لوحدها ب 1700 جنية الاصلية يعنى الراجل دافع 1500 جنية فى تيل المانى اصلى بوش وطنابير ماليزى اصلى اية المشكلة فى كدة مش عارف ؟؟؟؟
ولو مش حتشترى الاصلى عندك البدايل لا حصر لها ومن اول 120 جنية الهالتكس الصينى لحد 350 جنية البوش الايطالى
دة انا بتكلم على التيل بس على فكرة مقلتش حاجة تانية ولا بدايل تانية :)
اية اللى حصل لدة كلة يخليك تدخل وشايل فى قلبك وساكت ونفسك تطلعها والكلام اللى يحسسنا بلا منطقية اصلا على اعتبار ان العربية مش معاك من الاساس :(
لقد جانبك الصواب فى تعليقك بصراحة وبالنسبالى شخصيا مش مقبول ان تعليق زى دة يتقال فى القسم عندنا بدون سبب اصلا وبالطريقة الفجة دى
كنت ناوى اعمل تقرير مشاركة سيئة لانك سبيت شركة محترمة ومسلمة وبتصنع وبتنتج واى مصرى يتمنى نبقى ربعها فى اللى وصلتلة بس اثرت انك تطلب بنفسك من الادارة تحذف مشاركتك احتراما لاعضاء القسم وملاك سيارات الشركة المحترمة والمجتهدة دى