نفسي اعرف انت ليه بتحب تعمل 50 موضوع علي اي مشكلة عندك
وفي النهاية مش بتسمع رأي اي حد يرد عليك

يا باشا قولتلك في الموضوع التاني اللي انت كنت عامله
فك الخرطوم وشوف لو جاب معاك بنزين (سائل لونه احتمال يكون اصفر او احمر علي حسب الأوكتين والأوكتين بيتحدد بناء علي معامل انضغاط المحرك CR Compression Ration ولو حابب تعرف اكتر عن انضغاط المحرك وعلاقته بالأوكتين ادخل علي موضوع نظرة عن كثب - هتلاقي لينكات لأهم المواضيع - هتلاقي وسطهم لينك لموضوع بيتكلم عن انضغاط المحرك لسيارات سيات)
المهم
لو جاب بنزين هتعرف انه هو دة بالتأكيد فلتر البنزين
اما لو جاب معاك كربون يبقي هو دة مبخر البنزين - ولو دخلت قسم اسكودا هتلاقي موضوع بيتكلم عن تنظيف مبخر البنزين
او لو مش حابب - ادخل قسم اوبل - هتلاقي مواضيع مثبتة لمنسق مساعد قسم اوبل - فادي محمد - دور في المواضيع اللي عاملها هتلاقيه عامل موضوع بيتكلم فيه عن مبخر البنزين وازاي تنظفه - بس علي كل الأحوال مش دة شكل مبخر البنزين خالص
انت ممكن بردو تدور عندنا في القسم عن مرشح البنزين او مبخر البنزين - كان موضوع عاملة warfighter وكان رادد عليه المهندس ايهاب منصور ردود قيمة اوي بتشرح دور مبخر البنزين
واعتقد بردو warfighter كان عنده شوية مشاكل بخصوص مرشح ودورة البنزين
بس علي كل الأحوال مرشح البنزين او مبخر البنزين تأثيره مش قوي لو اتلغي او اتشال
انا مثلا ملغي عندي
واعتقد matrix012 ملغي عنده ومتركب بداله مسمار
المسمار دة كنت انا وايهاب منصور واحمد مبارك ومصطفي اللي مركبينه - طبعاً مش احنا اللي الأربعة اللي ركبناه سوا
بس كنا واقفين وهو ايهاب بيركبه
وانا ساعتها كنت بنظف فلتر الهوا في عربية مصطفي
واحنا بنعمل الصيانة دي - مصطفي حاول يفك العمة - راح موقع المسمار جوة البوابة
كانت شغلانة طويلة حبتين

المهم

عرفت هتعمل ايه ؟؟؟


تحياتي واسف علي الأطالة