ممكن خبير فى الياريس؟

**محمد يوسف** · 17-10-2008 12:15 AM

سلام عليكم

ياجماعة أنا عندى حاجة قلقانى فى عربيتى..هى ياريس 2008 أتوماتيك...العربية كل ما عدى بيها على مطبات معدنية..فواصل كبارى..عيون قطط أو حتى مطبات عادية بس بسرعة زى فوق الكوبرى مثلا أسمع صوت رجة معدنية جاية بالذات من ورا..ولاحظت حاجتين..ان الصوت ده بيقل لما أبقى فاتح الشبابيك ولما العربية تبقى محملة ..يعنى راكب معايا العيلة...لكن لوحدى وقافل الشباك بيبقى الصوت واضح قوى...رحت للتوكيل طلعوا معايا واحد بيقولوا مهندس-أشك ف كده- ساقها و أنا جنبه فى الكام شارع حوالين التوكيل وسمع صوت بس طبعا ماكانش بالشدة اللى باسمعها ع الكوبرى..المهم قاللى حاجة غريبة قوى ..قاللى الدرج البلاستيك اللى تحت الدركسيون بيتهز مع المطبات و يعمل الصوت...طبعا كلام فاضى لأن الدرج ده ثابت ماتلمسش ..والصوت بييجى من ورا وصوت حديد بيرن..المهم أنا لابطت معاهم لغاية ما جه فنى ابن حلال دخلها لى و ربط العفشة وشحم البيبان وخد تلاتين جنيه..طبعا الكلام ده مش رسمى..ونصحنى ماحطش طفاية الحريق فى الشنطة زى ماكنت عامل

المهم اتظبطت الحكاية أسبوع وبعدين رجعت تانى...علما بانى باظبط الكاوتش على 30 كل أسبوع..ايه السبب ياجماعة فى الأصوات دى؟

معقول أربط عفشة مرتين فى 3500 كيلو؟ وهل ممكن الصوت ده يكون مساعدين..ولا يكون صوت طنابير العجل ولا ايه بالظبط؟

ياريت تدلونى..وهل عفشة الياريس رياضية ولا عادية؟

وشكرا

**Yarisawy** · 17-10-2008 12:48 PM

عفشه عاديه .... انا رأى برضه اكيد انت سايب حاجة فى الشنطه ... الموضوع مش تربيط عفشه خالص .. ياريت تتأكد ان مفيش اى حاجة فى الشنطه وان الاستبن مربوط كويس والعده فى مكانها وشيل اى حاجة تانيه وجرب وقول

**محمد يوسف** · 18-10-2008 08:06 PM

ايه ياجماعة..خبير واحد فى الياريس؟

**Ahmed Fekry** · 18-10-2008 08:11 PM

انا برضه كان عندي نفس التخبيط
بس طلع الاستبن مش مربوط كويس فعلا
جرب كده شيل كل اللي في الشنطه و جرب شيل العده كده و شوف ايه النظام

**osamaelbaz** · 19-10-2008 01:04 PM

وممكن يكون الشكمان مش مربوط طويس فبيتهز وبيخبط فى العربية من تحت ابقى خلى حد يبصلك علية ويهزة بأيدة لو خبط فى حاجة حولية يبقى هوه ومتقلقشى هتكون حاجة بسيطة الواحد فى الاول بيكون مستنى لعربيتة غلطة

**askoda** · 19-10-2008 01:36 PM

boss ana ha2olk elsoot dah gayy meneeen

law enta 3adnak el7ala2a elli btshed biha el3arabyaat aw btetshad menha bykono etneen ma7toteen fi elshanta hatla2ehhom by5batoo fi ba3d :)

law homma 2olly ok