الموضوع: ركبت فردتين Kumho Ecsta SPT KU31

السلام عليكم ورحمة الله وبركاته

كنت منزل موضوع من كام يوم اني استمر مع كومهو ولا اغير ؟

وبعدين استقريت اني استمر مع كومهو لما لقيت الاسعار متقاربة وفي النهاية كله بيبوظ

رحت وكالة كومهو امبارح وسألت على نفس المقاس القديم
ودي كانت مواصفاتة

[gdwl]
Kumho solus KH17

Size : 215/45 R17 87H
treadwear : 400
temperature : A
Traction : A
max load 545 KG 1201 lbs
max press 300 kpa - 44 ost
[/gdwl]

بس ملقتش نفس النقشة لان على كلامهم معدتش بتنزل وفي نقشة جديدة يقال انها افضل

ودي مواصفاتها

[gdwl]Kumho Ecsta SPT KU31

Size: 215/45ZR17/XL 91W
treadwear : 320
temperature : AA
Traction : A
max load 615 KG - 1356 lbs
max press 340 kpa - 50 PSi[/gdwl]

والحمد لله تم التركيب وترصيص وعملت ميزان لان بعد الحفرة اللي نزلت فيها الدركسيون مبقاش مظبوط مع العجل .. يعنى العجل ماشي مظبوط بس الدركسيون معووج سنة شمال




ودي الشاشة بتاعت الكمبيوتر مش فاهمها بصراحة



بس في النهاية لما ركبت وجربت لقيت كل حاجة مظبوطة الدركسيون مظبووط - العجل مظبوط - مفيش حدفة ولا رجة ولا اي حاجة ما شاء الله

مش هقدر اقيم الكاوتش الوقتي طبعا بس طبعا حاسس بختلاف عن الكاوتش القديم في الصوت فقط انه ناعم شوية وحنين شوية في المطبات

ودي كانت الفردة القديمة اللي اتقطعت



سعر الفردة : 430 ريال × 2 = 860 ريال + 100 ريال وزن اذرعة

ونقول الحمد لله وربنا يكفينا شر الحفر والمطبات واياكم

المشاركة الأصلية كتبت بواسطة Formulator

الـCamber دى زاوية فتح العجل من فوق (Positive) وتحت (Negative)
الـCaster دى تقديم وتأخير العجل قدام وورا

سيبك منهم عشان مفيهمش لعب؟!! هما بس indication لحالة العفشة؛ محتاجة تغيير مقص أو مساعد...etc

المهم الـToe-in/out -- ده فتح وقفل العجل من قدام وورا، وهو ده أساس ضبط الزوايا
ده اللى أنا ليا كومنت عليه بعد-إذنك..

هو ضبط الجهاز على سوفتوير Cerato/Forte؟؟!!! ولا إشتغل على general specs؟!!

AFAIK
الـ'0.0 للـToe-in اللى هو ضبط عليها دى غلط؟!!
أى عربية كبالن (FWD/ جر أمامى) لازم العجل يبقى مفتوح من قدام بنسبة!
بتختلف من '0.04-'0.07 درجة حسب specs صانع العربية للعفشة: والشائع لمعظم العربيات الكومباكت '0.04-'0.05...

عشان فـ السرعات العالية الـDrive-Shaft/ CV-joint (أو الكبالن) بتميل إنها تقفل لقدام مع الـinertia بتاع حركة العربية؟؟!!!
فـ لازم تبقى بالـnegative بحيث لما تقفل >>> المحصلة = '0.0 zero (اللى هو ضبط عليها دى )!!

- طبعا ده بيحسن الـStraight-Line Stability الثبات والتحكم عـ السرعات العالية!

هى آه فروق صغيرة - ممكن (فـ السواقة) ما ياخدش باله منها إلا more-than-average driver
بس أنا بقولك الصح اللى المفروض يتعمل :)

Rgds،

الف شكر ياباشا .. هو فعلا اختار موديل العربية ونوعها وبدأ يشتغل .. لكن اصلا انا كان عندي الدركسيون معووج سنة نحية الشمال وكمان كان في سنة بوش صغيرة

والحمد لله دول اختفو بنسبة 90% وباقي النسبة انا هكبر دماغي عشان انا عارف ان ده اخرهم وانا ياما لفيت على عفشجية وظبط زوايا ومحدش ظبطلي البوش ولا حتى عوجة الدركسيون .. فخلاص كده بيييس وانا اصلا سواقتي هادية واخري 120 ودة وانا مسافر كمان

والف شكر ليك

المشاركة الأصلية كتبت بواسطة Dr.M_baz

مبروك الكاوتش الجديد و يا ريت تقولنا أخباره ايه بعد شهر من الإستخدام.

اكيد ياباشا ان شاء الله تسلم على مرورك

المشاركة الأصلية كتبت بواسطة Ahmed_Adham

فيه حاجه مش فاهمها. ازاي Ecsta التريدوير بتاعه أقل من Solus القديم بتاعك بالرغم من ان Ecsta قوه تحمل الحراره اكتر وقوه تحمل الضغط أكتر؟ مش التيردوير الاعلى معناه ان عمر نقشه الكاوتش أكبر؟

انا نفسي استغربت من النقطة دي وعلى فكرة انا لفيت وشفت اليوكوهاما والهنكوك كلهم 320 التآكل

وال Ecsta دة يتفوق على ال Solus في كل حاجة ما عدا دي وشفت الاراء كلها على النت بيشكرو فيه جامد كفاية انه نازلة اعلان مخصوص على اليوتيوب بنفس المقاس والنقشة

بس ياباشا في النهاية اي مطب ولا حفرة لا بيفرق معاها 320 ولا حتى 1000 انا الكاوتش اتقطع والنقشة لسة زي ماهي :(

الف شكر ليكم جميعا والله ولي التوفيق