سمعة البلد بتضرب بسبب شوية ناس ربنا يرحمنا منهم

**shaddadfalcon1** · 28-05-2013 05:28 PM

موضوع التاكسي ده حصل معايا مع اني باخد المشوار كل اسبوع بس قلت مفيش مشكله ولما وصلت للمكان اللي انا رايحه كان العداد قاري 30 وانا اصلا كل مره بادفع فيه 20 ومكنتش مستريح للواد خالص والمهم اديته 40 لقيته بيرجعلي 5 بس وكمان زي مايكون مش عايز يديهاني شدتها منه وقلتله فاضل خمسه كمان قالي مش حلو كده ؟ قلتله لا طبعا مش حلو لان المشوار اصلا ب 20 وانت كده واخد 10 زيادة بس انا متكلمتش لان العداد كان قاري كده فعلا وهو راح بيا من طريق اطول بكيير بس سالك

اما عن المصريين والاجانب فانا رحت الأهرامات في يوم واقسم بالله انا لو اجنبي لاحجز علي اقرب طياره وماجي البلد دي تاني

يكفي اني اقولك كان معايا زمايل هنود بس هنود نضاف يعني واحد فيهم كان معاه كامير ب 7000 دولار واداها لواحد يصوره علي اساس عادي يعني والواد فضل شابط فيه عايز ياخد منه فلوس بالعافيه وكان عايز يضربه

**horas3000** · 28-05-2013 05:37 PM

المشاركة الأصلية كتبت بواسطة fepsceasar

احيي صاحب الموضوع على ايجابيته
انا بس خايف ييجي الوقت اللى التصرفات الغبية دى ما تلفتش نظر حد وكانه شئ عادى

لا و انت الصادق
الخوف ان يبقي تصرف سامح بيه هو اللي يبقي ملفت و الناس تقف ضده

**horas3000** · 28-05-2013 08:06 PM

المشاركة الأصلية كتبت بواسطة ahmed_adham

لا ماهو ده حصل من زمان. الناس بيصعب عليها الغلطان أكتر من المظلوم. لو مثلا واحد بتاع توكتوك داخل عكسي وخبط في ملاكي الناس هتهرب بتاع التوكتوك ويقولك حرام ده غلبان. والبس انت تمن تصليح عربيتك بقى عشان انت مش غلبان لأن الحنفيه عندك في البيت بتنزل فلوس مش ميه.

انت بتقول فيها
انا مره في تقاطع و توكتوك بيجري و فوجئ بيا ضرب فرامل اتقلب و دخل فيا بسقفه طبقلي الرفرف
و في الاخر طلعت انا الغلطان و دفعت 400 جنيه لصاحب التوكتوك حار و نار في جتته
طبعا اتلم عليا كام توكتوك بسواقينهم و قعدوا يغلطوا فيا و كذا حد نصحني ادفع و انفد بجلدي
و قد كان

**alfath8** · 28-05-2013 11:46 PM

عملت حاجة جميلة جدا النهاردة والحمد لله
كان فيه سائح اجنبى بيسالنى على شارع النهاردة وفضلت معاه لحد ما دليته والحمد لله
بجد والله شعور جميل جدا لما تساعد حدفى الخير
ويودعك بمصافحة وابتسامة جميلة
بس كفاية ان يقول على بلدى مصر ان لسه فيها خير

**shaddadfalcon1** · 29-05-2013 12:29 AM

النهارده زميلي جي الشغل في الميكروباص شاف حادثه عباره عن :

عربية الزباله ماشيه في الشارع في ابوقير
توكتوك معرفش ازاي ماشي في ابوقير قام داخل قدام العربيه بتاعة الزباله مره واحده عشان يدخل من الشارع ماهو اصله طريق ابوه يمشي براحته
عربية الزباله فرملت مره واحده ومجتش ناحيته خالص

النتيجه ايه؟

الراجل الغلبان اللي بيبقي راكب علي حتة حديده ورا العربيه عشان يحمل صناديق االزباله وقع واتصاب تقريبا جامد وكانو مستنيين الأسعاف

**qkash.com** · 29-05-2013 05:25 AM

عوضنا علي الله فيكي يا بلدنا

البركة في الثورة والثورجية والاخوان ونهضتهم "ضيعتوا مصر بأيديكم يا مصريين"

"اللهم لا تؤاخذنا بما فعل السفهاء منا"

"اللهم لا تسلط علينا بذنوبنا من لا يخافك ولا يرحمنا"

**SAMEH_FOUAD** · 29-05-2013 12:01 PM

المشاركة الأصلية كتبت بواسطة ahmed_adham

لا ماهو ده حصل من زمان. الناس بيصعب عليها الغلطان أكتر من المظلوم. لو مثلا واحد بتاع توكتوك داخل عكسي وخبط في ملاكي الناس هتهرب بتاع التوكتوك ويقولك حرام ده غلبان. والبس انت تمن تصليح عربيتك بقى عشان انت مش غلبان لأن الحنفيه عندك في البيت بتنزل فلوس مش ميه.

هههههههههه

لسة الموقف دة شايفة من شهر ونص بالظبط

كانت الساعة 9 بليل , وفى شارع مظلم وسريع نسبيا , وانا ماشى لقيت تجمع وتكاتك لا حصر لها معرفش طلعوا منين اكتر من 15 توكتوك واقفين

وعربية لانسر بومة سوبر اكشن 2008-2009 حاجة زى كدة , رفرفها + الاكصدام + الفانوس + مقص يمين + صدر العربية كلة متفرتك والعربية طالعة على الرصيف ارتفاعة 50 سم

وتوكتوك معجون شوية وكان فية ركاب سيدتين وطفل رضيع , وصاحب التوكتوك والحمد لله الركاب محصلهمش حاجة غير واحدة رجليها غالبا اتكسرت وصاحب التوكتوك متعور جااامد

وطبعا بقى بلطجية التكاتك واقفين مع ان التوكتوك هو اللى غلطان لانة ماشى عكس وسريع
بس على مين هياخدوا منك حقك اللى مفروض يكون ليك طبعا بشهادة الزووور بأى حاجة مش مشكلة المهم مش هيطلعوا خسرانين

بجد التكاتك دية خطر يهدد الركاب والسيارات لان اللى سايقينة عيال صغيرة جدااا ماتعرفش حاجة عن السواقة + بيسوقوة بتهور جااااااااامد جدااا , وهو اصلا ماشى بفرامل فسبة

واللى يغيظك انهم بدأ يتملكوا حاجات كتييير وفى خلال سنة هتلاقى التكاتك بقت مواصلة رسمية تجوب شوارع القاهرة

ياجماعة دانا مرة شوفت توكتوك ماشى على الدائرى والمحور وفى شارع القصر العينى امام اعين الشرطة واللوائات ومحدش فيهم بيكلم كلمة , فالحين بس اول لما يشوفك ماسك الموبايل هوب تعالى اقفش انت بتعرض حياة المواطنين للخطر

امال التكاتك دية اية بتعرض حياة المواطنين لموقف كوميدى

**SAMEH_FOUAD** · 29-05-2013 12:04 PM

المشاركة الأصلية كتبت بواسطة alfath8

عملت حاجة جميلة جدا النهاردة والحمد لله
كان فيه سائح اجنبى بيسالنى على شارع النهاردة وفضلت معاه لحد ما دليته والحمد لله
بجد والله شعور جميل جدا لما تساعد حدفى الخير
ويودعك بمصافحة وابتسامة جميلة
بس كفاية ان يقول على بلدى مصر ان لسه فيها خير

تمام ياباشا

المفروض والله ان احنا نحاول نصلح اللى بيخربة الاخرين اذا سمحت الفرصة

بس للاسف تحس ان الاجانب بيخافوا يكلموا مصريين من اللى بيشوفوة او اللى بيتحكيلهم عننا

-

-

الموضوع: سمعة البلد بتضرب بسبب شوية ناس ربنا يرحمنا منهم

LinkBack

أدوات الموضوع

عرض

-

-

-

-

-

المواضيع المتشابهه

عملت حادثة بالميجان و دى الحكاية .. ربنا يرحمنا من سواقين النقل الاغبياء ..

شارع السوادن ربنا يرحمنا

ربنا يرحمنا من الفتاوي... ( ايه المشكله لو مش عارف تقول ماعرفش )

ربنا يرحمنا من الكوسه

ربنا يرحمنا من الاسعار

الكلمات الدلالية لهذا الموضوع

المفضلات

المفضلات

ضوابط المشاركة