الموضوع: رسالة مفتوحة إلى نيسان تيم

المشاركة الأصلية كتبت بواسطة mo3tz

الحقيقة اللى غلط فعلا هم الاعضاء اللى عملوا موضوعات يطالبوكم فيها انكم ترجعوا
لانكم للاسف لستم اهل لمثل هذا الرجاء من الاعضاء
واللى عاوز يتوقف عن المشاركة وزعلان فعلا وواخد قرار
ميدخلش كل شوية يقول انا مش هدخل ومش هشارك
يخرج من المنتدى وميدخلش تانى
وكلنا عارفين انكم متفقين مع بعض وبترددوا نفس الكلام
واحنا الحقيقة مش فاهمين انتوا عاوزين ايه بتعاقبوا الاعضاء ولا بتعاقبوا الادارة
واللى متابع القسم كويس هيعرف ان الغرور اخدكم بكام خصم ولا كام عرض
لولا اسم نايل موتورز مكنتوش حصلتم عليهم
استاذ حمدى انت زعلان ليه انك اتوقفت انت مش غلط فى عضو وخالفت قواعد المنتدى
احنا مالنا ومال مركزك ومكتبك ومين قال لحضرتك انك احسن من اى عضو فينا ولا اكبر سنا ولا فى مركز اعلى مننا
عشان نستنى سنين ندخل مكتبك
الحمدلله اقل من فينا مهندس ودكتور
كان اولى بحضرتك تحترم سنك ومتخالفش قواعد المنتدى
ومتتهكمش على عضو لانه قالك ان عينه بتوجعه من الالوان
حضرتك فعلا بتتكلم كتير جدا اكتر من اللازم ونادرا لما نكملك مشاركة من طولها وكتر الالوان اللى بترهق عينينا فعلا
لكن ازاى تبقا نيسان تيم وتتوقف وكانك بتجبى علينا بكام معلومة ولا مساعدة وعاوز مقابل ليهم انك تبقا فوق القواعد
كل عضو فيكم نسى انه كان عضو جديد فى يوم من الايام وعاوزين تعملوا تكتلات عالاعضاء الجدد
المفروض انكم بتساعدوا الاعضاء زى ما بتقولوا كان اول ما عضو اشتكى من توكيل هاجمتوه رغم ان التوكيل اعترف بالغلط
وبدأتوا تحققوا معاه واللى يتريق عليه واللى يتهمه بانه بيبتز التوكيل
رفضتوا اتهامكم انكم بتشتغلوا مع التوكيل وقبلتم انكم تتهموا العضو بمجاولة الابتزاز
ومنكم اللى هدده ولمح للتوكيل انه يرفع عليه قضية
لو الاشراف كان وقف العضو بس كان هيبقا حلو وجميل لكن عشان وقف واحد منكم بقا وحش
مادامت الادارة مش عاجباكم ولا القواعد خلاص سيبوا المنتدى
وميغركوش الكام موضوع اللى الاعضاء عملوه ليكم
دول بس مفيش مشاكل جديدة فبيسلوا نفيهم
ويمكن تكونوا متفقين مع بعض
او يكونوا عارفين طباعكم وفهموا انكم عملتوا كده عشان عاوزن حد يتحايل عليكم عشان تحسوا بقيمة دوركم
لكن الحقيقة ان اللى عاوز يساعد بيساعد من غير ميستنى معاملة خاصة ولا يذل الناس وكل شوية يقولهم انا بساعدكم

الانسان الواثق فى نفسه مش محتاج كل شوية يقول انا كذا ومركزى كذا وسنى كذا
الاحترام بييجى من تصرفات الانسان وحسن معاملته للناس
باسلوبك تجبر اللى حواليك انهم يحترموك
لكن متغلطش فيهم وتهاجمهم وتطلب منهم انهم يتغاضوا عن اخطاءك
وكلنا شوفنا موضوع اختيار نيسان تيم والامتيارزات اللى بيحصلوا عليها من المنتدى او المراكز
يعنى مش لوجه الله اوى ولا حاجة
وانتم اساسا لسة معملتوش اى حاجة
ومعظم مشاركاتكم هزار وسلام على بعض وكل واحد غسل عربيته يعمل موضوع
احنا مش فاهمين انتوا مستنيين ايه من الادارة ولا من الاشراف
عاوزينهم يقفلوا القسم عليكم وتختاروا مين يشارك ومين ميشاركش ومين يرد ومين ميردش
ولا عاوزي تقولوا للاعضاء يكتبوا ايه وميكتبوش ايه
وياريت متنكروش انكم بتتعاملوا معاملة خاصة فى التوكيل يعنى انتوا مستفيدين
ولو مش عاوزين تشاركوا تانى متشاركوش
بس متدخلوش كل شوية بقا تفكروا الناس انكم مبتشاركوش عشان يتحايلوا عليكم
ولو الادارة استجابت لابتزازكم
هتفقد مصداقيتها وهينسحب من المنتدى اعضاء اكتر واهم بكتير اوى منكم

-------------------------------------------------------------
.................................................. ..........................

[/center]


انذار ووقف لمخالفة القاعدة 12 من قواعد المنتدى
يرجى مراجعة قواعد المنتدى
ب2

3:50 pm
30-4-2013