الموضوع: تعديلات فيات 128 بكل مافيها

الف مبروك يابرنس على حد معلوماتى القليلة جدا بخصوص الازاز الكهربا ده بتجيب كمنتين صينى لو عايزه سنة وارمى او مكنتين محترمين من بتوع كورولا ولا ميتسوبيشى يعمروا معاك فترة وسرعة الازاز بتبقى حلوة عن الصينى كمان بالنسبة للتابلوه كنت شوفت عربيات 128 ف كونتكت كار مغيرين لتابلوه كورسا وده كان خرافة فيها وبالنسبة للطارة من رايي مش هتعجبك الجديدة هترخم عليك ف الركنة والملفات لان قطرها اقل ف محور دورانها اكبر يعنى بدل ماكنت بتركن مثلا ف 3 لفات للطارة اعتبرهم 6 كمان بالنسبة للفيمية المرور بيستهبل جامد وانا لما زهقت من الشمس عندنا لما لفيت المنتدى لقيت ان فى حاجة عازلة وشفافة بس معدية الالف جندى فقولت انا بحب الشمس اصلا كمان بالنسبة للجنوط حاول تبعد عن الصينى لانه من اول مطب ولا حفرة على سرعة مش عالية بيفتح ويتكسر وخلى بالك من مقاس ال128 معلش مش هقدر افيدك برده فيه بالنسبة للساوند سيستم اللى انت عايز تعمله دور كده على توليفه كده ف قسم الصوتيات من الاخر خدلك لفة وممكن تلاقى حد بيبع حاجة نظيفة استعمال هناك بالنسبة للانذار عندك سباى ده كويس جدا وولف برده زى مالاعضاء ف قسم الكماليات مرشحين بس كده واسف انى مش هقدر افيدك ف اسعار واماكن لان ممكن اسعارى تكون قديمة

المشاركة الأصلية كتبت بواسطة ahmedalaahosny

الف مبروك يابرنس على حد معلوماتى القليلة جدا بخصوص الازاز الكهربا ده بتجيب كمنتين صينى لو عايزه سنة وارمى او مكنتين محترمين من بتوع كورولا ولا ميتسوبيشى يعمروا معاك فترة وسرعة الازاز بتبقى حلوة عن الصينى كمان بالنسبة للتابلوه كنت شوفت عربيات 128 ف كونتكت كار مغيرين لتابلوه كورسا وده كان خرافة فيها وبالنسبة للطارة من رايي مش هتعجبك الجديدة هترخم عليك ف الركنة والملفات لان قطرها اقل ف محور دورانها اكبر يعنى بدل ماكنت بتركن مثلا ف 3 لفات للطارة اعتبرهم 6 كمان بالنسبة للفيمية المرور بيستهبل جامد وانا لما زهقت من الشمس عندنا لما لفيت المنتدى لقيت ان فى حاجة عازلة وشفافة بس معدية الالف جندى فقولت انا بحب الشمس اصلا كمان بالنسبة للجنوط حاول تبعد عن الصينى لانه من اول مطب ولا حفرة على سرعة مش عالية بيفتح ويتكسر وخلى بالك من مقاس ال128 معلش مش هقدر افيدك برده فيه بالنسبة للساوند سيستم اللى انت عايز تعمله دور كده على توليفه كده ف قسم الصوتيات من الاخر خدلك لفة وممكن تلاقى حد بيبع حاجة نظيفة استعمال هناك بالنسبة للانذار عندك سباى ده كويس جدا وولف برده زى مالاعضاء ف قسم الكماليات مرشحين بس كده واسف انى مش هقدر افيدك ف اسعار واماكن لان ممكن اسعارى تكون قديمة

يسلمؤؤؤؤ كلك زوق وجارى البحث فى قسم الصوتيات

المشاركة الأصلية كتبت بواسطة ashraf_sms

الف مبروك علي العربية وربنا يديك خيرها وبعد عنك شرها
اول حاجة الازاز الكهربة مكنتين استيراد بالتركيب 300 جنيه من التوفيقية
التابلوه مش هيقل عن 600 جنيه من عزبة شلبي
الطارة بتبدا من 120 جنيه بص نصيحة بلاش عشان صغيرة اوي وهتتعبك انت ممكن تجيب طارة بتاعت عربية تانية افضل واشيك واحسن وهتكون ف نفس السعر تقريبا
ابعد عن الفاميه عشان المرور شادد حيله وهتشيله حتي لو اقل نمرة
الجنوط ابعد عن الصيني حتي لو ببلاش اوعي تركبه ومتزودش عن مقاس عربيتك عشان العفشة واقصي مقاس ممكن تركبه ليها هو 13/70/170 اكتر من كدة انت بتبوظ العفشة
الكاسيت عندك الكينوود والبايونير والسوني بيبداو من 350 جنيه اما السماعات برضه كينوود بايونير سوني بيبداو برضه من 350 جنيه وانت طالع ومن التوفيقية
السنتر والانذار بالتركيب بتاعه من 250 جنيه وانت طالع
واي حاجة انا ف الخدمة

الله يبارك فى حضرتك انت كل كلامك زى الفل وجميل لكن يعنى هو الشمس بتطلع عينى وحكاية الفامية دى انا حتى لو ينفع اعملو على خفيف ولا برضة المرور هتتلكك لان واحد صديق قالى طالما انت مش عاملو دارك اوى عادى بيعدى .... وبالنسبة للزجاج بتاع البابين الامامى انا عايز اغيرهم اصلا يتكلفو كام ويسلمؤؤؤ لتعبك معى

المشاركة الأصلية كتبت بواسطة Muahmmad Honda

الف مبروك يا باشا .. طابوه الكورسا ب 600 جنيه فى عزية شلبى او حرفين و رضا الكهربائى فى الحى السابع مدينة نصر بيركبه :)

يسلمؤؤؤؤؤؤؤؤؤؤؤؤؤؤؤؤؤؤ