الموضوع: زيت enoc ,,حد جربه يا جماعة الخير؟

بسم الله الرحمن الرحيم

اخوكم من طنطا,,,من سنتين تقريبا روحت اشتري زيت موبيل وان 10000 كيلو لكورولا 2008 ,,لمحت عند الراجل الزيت ده بدرجات لزوجة مختلفة سالته عليه قاللي اماراتي ,,المهم خفت اجرب حاجة جديدة فاشتريت الموبيل وقعد معايا 10000 لكن العربية جت عالاخر وبقا صوت الموتور عالي والزيت نزل ناقص وحالته حاله,,,وسمعت كتير من المنتدي انه سئ,,,روحت تاني مرة اشتريت الاينوك ال 10000 40-5 وحطيته عند بنزينه موبيل اللي عندنا,,,الراجل اللي بيغيرلي الزيت قاللي الزيت ده كويس جايبه منين وكده,,ودورت لقيت ليهم موقع عالنت لكن مافيش ناس كتير مجرباه ,المهم لاول وهلة حسيت بفرق صوت الموتور خاصة عند الحرق عالنقلات غير اني لما جيت انزله بعد 10000 مالقيتوش ناقص ,,,وغيرت تاني مرة اينوك برده وحنزله قريب ان شاء الله,, هنا فطنطا مفيش كاسترول ولا فالفولين خالص

المشكلة بقا: ان ماحدش خالص في مصر اساله عن الزيت ده ويطلع عارفه وتقريبا مفيش حد في طنطا بيبيعه غير الراجل ده,,,وده اللي قالقني خصوصا كمان زمايلي يدوب حكيتلهم عليه تلاتة منهم غيروا لاينوك وبيقولولي احسن من موبيل فانا خايف ابهدل الناس دي معايا ويطلع زيت اي كلام فياريت لو حد عارف حاجة عنه يقول الله يكرمكم

اخر نقطة واسف للاطالة,,,نفس الراجل قال لزميلي النهاردة ان زيت توتال ال 10000 اوروبي فهل ده صحيح؟ ,,, وشكرا جزيلا

واضح ان مفيش حد سمع عنه :))))