عيب الانسر شارك الوحيد من وجه نظري (اذا ثبت)

**kemoelord** · 26-06-2013 03:41 PM

المشاركة الأصلية كتبت بواسطة ahmed-moga

استاذ كيمو ازي حضرتك كل عام وانت بخير بقالنا كتير مشفناش حضرتك من ايام الصراع المحتدم اللي كان علي وقف انتاج البومه 1300 اتوماتك فاكر هههههههههه
الشارك 2008 و 2009 منظومة الفرامل فيها بتبقى ABS و EBD لازم مع بعضهم وكانت مواصفه امان اساسيه بيطلبها الوكيل السابق (المصريه ) في جميع الفئات متقلقش من الحته دية اما الوكيل الجديد (دايموند موتورز) فاللآسف الشديد مخليها اوبشن في بعض الفئات ابتداء من 2011 وللآسف عربيتي 2012 لسه شاريها وكانت الفئه الرابعه وللآسف ومفهاش ABS و EBD
وال Immobilizer ان شاء الله اكيد موجود عندك وعلشان تتأكد اكتر هتلاقي حلقه نحاس حوالين الكونتاكت ولو عايز تتأكد اكتر اعمل مفتاح عادي علي المفتاح اللي معاك لو دور العربيه يبقي مفهاش لو مدورش يبقي فيها وخد بالك المفتاح اللي هتعمله هيفتح باب عادي لكن اهم شيئ الدواره تحياتي يااستاذ كيمو

اهلا وسهلا يا استاذ احمد طبعااااااااا فاكر هههههه وحضرتك بخي يا رب ومعلش مشغوليات والله واسف اني مقصر ع السؤال عليك وع معظم افرد المنتدى ,,, انا عربيتي موديل 2009 خليجي تقريبا كويتي الي فاكره يعني ,, فان شاء الله فيها ABS & EBD ,, اما بالنسبة لل Immobilizer فانا بلاحظ حلقه فعلا حول الكونتاكت بس مش عارف لونها ايه بس هي بتبقى منورة لما انزل من العربيه ولغايه لما اقفل العربيه من الريموت ,, وكل عام وحضرتك بخير

**kemoelord** · 26-06-2013 03:56 PM

المشاركة الأصلية كتبت بواسطة IronHead

+1
اضيف بس ان العربيات الخليجى 2008 و2009 مافيهاش abs ebd الا لو هاى لاين بس
وكل الانسر فى ايموبيلازر

حضرتك انا عربيتي خليجي 2009 وفيها ABS والاستاذ احمد اكدلي اهو ان بيبقى فيها EBD ,, وحضرتك اكدتلي ان بيبقى فيها Immobilizer بس كده :D

**hanycapoo** · 07-09-2013 05:22 PM

هو انا اعرف ازاى ان عربيتى خليجى لو هشتريها استعمال

**Ralliart** · 09-09-2013 12:44 AM

أعتقد ان دي مشكلة أي عربية فتيسها 4 نقلات علشان أنا لاحظت نفس الموضوع في التيدا وقلت يمكن علشان متعود على فتيس cvt بتاع البومة

**Ahmed TRAVCO** · 09-09-2013 03:03 AM

المشاركة الأصلية كتبت بواسطة hanycapoo

هو انا اعرف ازاى ان عربيتى خليجى لو هشتريها استعمال

1. هتلاقي مكتوب على قايم باب السواق ان العربية خاصة بدول مجلس التعاون ومطابقة للمواصفات السعودية (زي عندي).
2. في العربيات الخليجي رقم الشاسيه بيبقى محفور في التابلوه من قدام خالص الناحية اللي قدام الدريكسيون (بتشوفها من بره وانت واقف جنب مراية السواق كده).
3. بس مش متأكد من النقطة دي قوي... العربيات الخليجي بيبقى فيها أبانوس وفرشها بيج من أول فئة (والله أعلم)...