عيب الانسر شارك الوحيد من وجه نظري (اذا ثبت)

**mr_akram** · 30-05-2013 05:49 AM

انا لسه جايب lancer EX 2013 اعلى فئه والعربيه كويسه جدا بس فيها مشكله غريبه جدا.

المشكله تكمن في حساس او سينسور البنزين بمعنى ان الطبيعي في اي سياره فلنفترض انك ماشي على سرعه 60 اذا اردت ان تثبت سرعتك فانك فقط تقوم بلمس دواسه البنزين لمسه بسيطه واذا اردت ان تزيد من سرعتك فانك تقوم بزياده الضغط درجه بسيطه جدا وهكذا تكون القدم في راحه طوال فتره القياده.

اما عندي على سيبل المثال على سرعه 60 لازم اضغط على دواسه البنزين بشده حتى تستجيب السياره ويبدا التسارع المطلوب.
على افتراض ان عدد الدرجات بين البدايه والنهايه لدواسه البنزين هي 20 درجه. في حين ان اول درجه من الضغط لا تؤثر وثاني درجه تقوم بتثبيت السرعه والدرجه الثالثه يبدا فيها التسارع ولكن ببطئ شديد فالدرجه الرابعه وهي المطلوبه باستمرار لتجعل السياره تسارع بقوه وبالتالي فان القدم تبذل مجهود عضلي زائد طوال فتره القياده (تثبيت السرعه او زياده السرعه).

بالاضافه الى الفرامل فان السياره تقف تماما بعد حوالي 7 او 8 درجات من الضغط وبلا شك فان هذا يؤدي الى صعوبه التنقل المتكرر بين البنزين (4 درجات) والفرامل (7 درجات) بالاضافه الى استمراريه الضغط بشده على البنزين وهذا ما يؤدي الى الالم الشديد للقدم بعد عده ايام من القياده المستمره.

اتمنى من الملاك تجربه الموضوع على اي سرعه وكلما زادت السرعه زاد الاحساس بالمشكله حاول تلاحظ هل يوجد فجوه او مسافه ليس لها فائده عند الحاجه الى زياده سرعتك وفي نفس الوقت يكون التسارع قوي.

الموضوع ده مسببلي الم شديد ومخليني مقفول من العربيه ومن السواقه كلها. ياريت لو حد عنده حلول يشاركنا مع العلم اني بلغتهم في التوكيل والمهندس كشف عليها وقال انها طبيعيه.

**spidars** · 31-05-2013 12:00 AM

عادي موجود في اي عربيه حضرتك الي مضقق قوي والف مبروك علي العربيه واستمتع بيها وبلاش وسويس والا صحيح ايه الكمليات الي اتشالت عن 2008 هل يوجد بها عتب وكساحات هل يوجد زينون بنظام afs ممكن شرح عنها لان العربيه دي مش لاقي اعلي فئه فيها

**IronHead** · 31-05-2013 02:04 AM

بص الموضوع ده لاحظته بس لما اكون مثبت سرعه مده طويله بس على سرعات عاليه فوق ال100, الفكره ان بحس زى مايكون فيه ترييحه (هتلاحظ rpm بينزل على نفس الترس على نفس السرعه) فى نقله الفتيس زى مايكون نص نقله (مش ترس حقيقى) عشان توفير البنزين وعشان تفك التريحه وكونترول الفتيس يفهم انك عايز ترجع على نسبه الترس العادى لازم تقرص سنه, الموضوع ده موجود فى المازدا برضه, واظن انه موجود فى اليابانى عشان فتايسهم كلهم 4 نسب فبيعملوا الترييحه دى مع تثبييت السرعه عشان توفير البنزين مش اكتر

**ahmed-moga** · 31-05-2013 03:30 AM

كان عندي حاجه غريبه وهي واني وانا لسه ماشي علي السلانسيه وبمجرد مادوس علي دواسة البنزين بلمسه بسيطه العربيه تشب وأكنها هتنط مني والموضوع ده كان عملي ازعاج لحد ماعرفت ان كومبيوتر العربيه بيسجل طريقة السواقه ويقوم بعمل ملف للسائق لطريقة قيادته فعملت ريسيت للكومبيوتر عن طريق فصل طرفي البطاريه لمده ربع ساعه وبعديها الموضوع ده متكررش تاني وتقريبا السواق اللي كان جايب العربيه للمعرض كان سايقها بسرعه فالكومبيوتر سجل ذلك
فيه حاجه تانيه صوت المروحه عالي جدا وده عملي قلق
ودواسة الفرامل اعلي بنسبه متوسطه عن دواسة البنزين علما اني معنديش abs
انما العربيه بسم الله ماشاء الله ولاقوة الا بالله رائعه ماتور عزمه جميل وقوي وثبات اجمل
انا لسه مابحملش علي العربيه لأني في فترة التليين ولسه معملتش صيانة 10000
دية الملاحظات اللي لاحظتها ارجو ان يكون بها افاده

**ahmedassaf** · 20-06-2013 06:52 AM

انا سقت العربيه دي فعلا وفعلا فعلا الكلام اللي انت بتقوله صح كنت بدوس بنزين والعربيه سرعتها ثابته ولا زم انزل الدواسه تحت اوي عشان السرعه تزيد وبتزيد مره واحده مش بالتدريج يعني
مش عارف العربيه حسيتها غريبه شويه
انا كنت ماجرها رجعتها واخدت بومه
الكلام ده في الامارات
بس بصراحه الرعبيه شكلها عاجبني جدا ونفسي اشتريها في مصر
بس سامع ان قطع غيارها نار
لو حد عنده قائمه حديثه باسعار قطع الغيار عشان يطمني شويه
وهل فيها اعطال متكرره زي الميجان مثلا؟
انا نفسي حد برنس كده يعمللنا مقارنه بين اسعار قطع غيار الشارك والهوندا سيتي والياريس
لان دولبصراحه اللي في امكاني حاليا
وانا مش عارف اختار
الكورولا عمليه بس حاسس انها هشه وصغيره
السيتي حاسس انها حريمي و غامضه وخايف من مصاريفها
الشارك هموت عليها بس مرعوب من اللي سمعته عنها في الحرفيين
الفانوس مستعمل العادي ب 1500 جنيه؟؟؟؟؟؟؟؟؟
الفانوس الزينون استيراد ب 3500؟؟؟؟؟؟؟؟
عاوز اعرف كل حاجه فيها اسعارها بنفس المستوى كده ولا ايه النظام يارجاله؟
مستني خبراء المنتدى المحترمين :)

**MIVEC.A92** · 20-06-2013 11:35 AM

حضرتك لسا رجليك مخدتش علي العربية مش اكتر

**kemoelord** · 20-06-2013 01:42 PM

يا جماعه لو سمحتوا انا عندي استفسار :-

هو انا سيارتي شارك 2009 اوتوماتيك , ABS , Airbags فهل كل السيارات الي بتبقى ABS بتبقى فيها EBD
والسؤال التاني هل السيارة دي بيبقى فيها Immobilizer ولا لا ؟ واعرف منين ان فيها Immobilizer اصلا ؟

**ahmed-moga** · 20-06-2013 07:56 PM

المشاركة الأصلية كتبت بواسطة kemoelord

يا جماعه لو سمحتوا انا عندي استفسار :-

هو انا سيارتي شارك 2009 اوتوماتيك , ABS , Airbags فهل كل السيارات الي بتبقى ABS بتبقى فيها EBD
والسؤال التاني هل السيارة دي بيبقى فيها Immobilizer ولا لا ؟ واعرف منين ان فيها Immobilizer اصلا ؟

استاذ كيمو ازي حضرتك كل عام وانت بخير بقالنا كتير مشفناش حضرتك من ايام الصراع المحتدم اللي كان علي وقف انتاج البومه 1300 اتوماتك فاكر هههههههههه
الشارك 2008 و 2009 منظومة الفرامل فيها بتبقى ABS و EBD لازم مع بعضهم وكانت مواصفه امان اساسيه بيطلبها الوكيل السابق (المصريه ) في جميع الفئات متقلقش من الحته دية اما الوكيل الجديد (دايموند موتورز) فاللآسف الشديد مخليها اوبشن في بعض الفئات ابتداء من 2011 وللآسف عربيتي 2012 لسه شاريها وكانت الفئه الرابعه وللآسف ومفهاش ABS و EBD
وال Immobilizer ان شاء الله اكيد موجود عندك وعلشان تتأكد اكتر هتلاقي حلقه نحاس حوالين الكونتاكت ولو عايز تتأكد اكتر اعمل مفتاح عادي علي المفتاح اللي معاك لو دور العربيه يبقي مفهاش لو مدورش يبقي فيها وخد بالك المفتاح اللي هتعمله هيفتح باب عادي لكن اهم شيئ الدواره تحياتي يااستاذ كيمو