الموضوع: كنت هتثبت فى عز الزحمه

المشاركة الأصلية كتبت بواسطة Khaled Online

كويس بس ده مش حل جذري ولا شغلة المدني. ياريت الشرطة والداخلية تفوق ولا لسه واخدين على خاطرهم من الثورة! مرتباتهم زادت وميزانية الداخلية يمكن أكبر ميزانية في البلد بعد الجيش سواء قبل أو بعد الثورة، فملهمش حجة ولا عذر. ومحدش يقول أصل خايفين من البلطجية والسلاح. سعادة الضابط اللي خايف، وهو مروح من شغله يبقى يعدي على محل عبايات وطرح يجيبله طقم يلبسه ويقعد في البيت أريحله وأوفرلنا. والناس بقه تتصرف. أفففففففف

انا مش ضد الكلام ده بالعكس ياريت جدا نفسى ارجع اسهر زى زمان بره البيت وامشى فى الشارع على رجلى والفجر بيأذن والمواصلات شغاله ومافيش خوف من حاجه
دلوقتى بعد الساعه 12 تحس انك هتبقى عامل زى فيلم Iam Legendبتاع ويلثميث وان الوحوش هيطلعو عليك
الامن مش شغال ومش عارف امتى هيشتغل ولا مش هيشتغل اساسا

ربنا يسترها عليك يا مادو بس على مين بقى انت مادو الاكسلاوى الاصيل

المشاركة الأصلية كتبت بواسطة magoda

ربنا يسترها عليك يا مادو بس على مين بقى انت مادو الاكسلاوى الاصيل

والله ياولدى مابيفرقو ربنا يسترها علينا كلنا من الايام اللى احنا فيها دى

كل ده بيحصل بسبب الجوع ربنا يستر طريقنا شكرا للتنبيه

الحمد لله على سلامتك
بس كدة سرقة او خطف مش تثبيت
انا اللي فهمته من الناس التثبيت ده سرقة بالاكراة
بيهددك بسلاح ويسرقك
ولا انا فهمت غلط
اصل اللغة اختلفت اليومين دول

المشاركة الأصلية كتبت بواسطة chicobon

كل ده بيحصل بسبب الجوع ربنا يستر طريقنا شكرا للتنبيه

على فكره انته مفكر ان اللى بيسرق ده بيروح يشترى اكل بالفلوس لا طبعا
مافيش غير المخدرات والبرشام والكيف
ممكن اى حد فينا يكون بيتعاطى مخدرات ولكن لو المخدرات مش موجوده خلاص مش هتفرق معاه
انما المدمن هو اللى بتفرق معاه وعلشان يجيبها هيعمل اى حاجه ممكن تتخيلها