الموضوع: رابطة سيارة الشعب الأصيلة ( فيات 128 )

الأونو أحسن طبعاً بمراااااااااااااحل

لا ياباشا حضرتك نورت الجروب ... بس انا بقول كدة بالنسبة للرنج اللى حضرتك بتقول عليه ... ال 128 جميله وقطع غيارها كتييييييير ورخيصة جداً بس مشاكلها كتير شوية وعاوز واحد غاويها بصراحة وغاوى تصليح وبعدين كل ما السعر بيعلى العربية بتبقى احدث بيبقى احسن ... انا بصراحة معايا 128 بس لو كان معايا مبلغ اكتر كنت جبت هيونداى اكسنت موديل 98 احسن من ال 128 ومن الاونو ومن الاسكودا فليشيا كمان بس دى رنجها تبدأ من 30000 :40000 انما من 20000 : 30000 غير ال 128 النوفا فى الاونو و سكودا فليشيا وكومبى وشاهين ودوجان و بيجو 504 و هيونداى اكسيل ولو الميزانية من 10000 : 20000 عندك 128 و ريتمو و 131 و 132 و ريجاتا و بولونيز و 127 و مازدا 323 .

لكن حرام بصراحة يبقى معاك مبلغ كويس وتجيب بيه 128 نوفا لان الحديث طبعاً احسن يعنى ممكن الاكسيل تمشى معاك او شاهين او فليشيا او اونو ... الفكرة ان الدنيا بتتطور واحنا بنتطور معاها وربنا يكرمك ويوفقك ياباشا ومعلش طولت عليك .

المشاركة الأصلية كتبت بواسطة حسن ابو علي

السلام عليكم
انا عندي كام مشكلة في العربية بتاعتي هي موديل 79
اولا العدادات بتاعة السرعة والبنزين بايظة ومش عارف اشتريها منين ياريت حد يدلني علي مكان وسعر كويس
ثانيا البنزين مش بيقد 3 ايام والاقية بيخلص ياتري اية سبب المشكلة دي مع العلم اني بفولها ومش بمشي بيها واركنها وبعد 3 او 4 ايام الاقية خلص

عدادت السرعة والبنزين بتتباع استيراد فى الوكالة بس حرامية لانى سألت عليه هناك قبل كدة وقالى ب 200 جنيه وفى محل تانى سألت عالتابلوه كامل بالعدادات جديد ب 340 جنيه . وبالنسبة لموضوع البنزين اللى بيخلص ده عندك كذا حاجة ممكن تشيك عليها ... ممكن يكون التنك مخروم وبص كمان على الخراطيم اللى عندك ممكن تكون مقطوعة وبتسرب بنزين وعاماً تقدر تكمل معانا مشوارك فى الجروب التانى بتاعنا برضه بس المتابعة عليه اكتر من ده وده الرابط بتاعه ونورت ياباشا

http://www.nilemotors.net/Nile/362824-128.html

المشاركة الأصلية كتبت بواسطة m samir

انا بقى عايز أبيع العربية بتاعتي هي موديل 85 لو حد بيفكر يكلمني
01004537754

عليك وعلى دوبيزل وكنتكت كارز ومبروك مقدما