الموضوع: بيجو 301 ما بين الاختيار وال 100كم الاولي

سلام عليكم . بخصوص الاخوه اللي سألو عن التكييف انا شايفو اني ممتاز بصراحه انا النهارده عملت مشاوير كتيير بالعربيه في عز الضهر لحد الساعه ٣ عصراً تقريبا وكنت بشغله علي ٣ اول ما اركب العربيه بعد ركنها في الشمس لمدة خمس دقايق مثلا بعد كده بنزل علي اتنين مع العلم اني درجة الحرارة كانت مسجله علي شاشة البيانات من ٣٦ ل ٣٨ .وبليل دايماً علي السرعه ٢ و ١ . انا شايف انه كويس جدااا ومش بيأثر علي تلسحب خالص موتور العربيه اقوي من اني التكييف يأثر علي العربيه . وسيبكو من الكلام بصراحه اللي بيتقال علي اني العربيه مع التكييف بتبقي بطه والكلام ده وانا علي فكره من الناس اللي بتحب القياده السريعه بعض الشئ ومع ذلك لم احتاج اني اشغل الوضع الرياضي للفتيس حتي الان غير مره واحده بقصد التجربه وشايفف اني اداء العربيه عالييي جداً ما شاء الله وانا عامل الحمد لله لغاية دلوقتي ٣٥٠ كم . بالنسبه بقي لمؤشر الحرارة فهي للاسف مفهاش مؤشر للحراره بس فيها لمبة بيان بتنور في حالة العربيه سخنت لا قدر الله .

الاستاذ العضو mostafa99 ربنا يبارك فيك يا باشا وعقبالك ان شاء الله . بالنسبه للمرايات فهي في الهاي لاين فقط اوتوماتيك والتكييف ايضا اوتوماتيك اما بالنسبه للفئه الاولي الاوتوماتيك اللي معايا فالمرايات مانيوال والتكييف مانيوال . والفرق بين التكييف المانيوال والاوتوماتيك ان كنت لا تعلم هو اني المانيوال بيبقي المفاتيح بتاعتو بكره اما الاوتوماتيك بيبقي شاشه ديجتال توضح الاوضاع المختلفه للتكييف وبيكون التحكم بيه عن طريق الازرار والشاشه . راجع الصور في موضوعي وفي احد المواضيع الاخري لاحد الاعضاء مصور فيها عربيته وهي هاي لاين وشوف الفرق . وللعلم ايضا الفرق بين الفئتين حوالي ١٠ الاف جنيه حيث تزيد الهاي لاين عن اللي معايا انها جنوط ١٦ وفيها سنسور بارك وكاسيت بلت ان وتكييف اوتماتيك ومرايات كهرباء وبلوتوث ودراع المالتي .

المشاركة الأصلية كتبت بواسطة 3arbi4ever

سلام عليكم . بخصوص الاخوه اللي سألو عن التكييف انا شايفو اني ممتاز بصراحه انا النهارده عملت مشاوير كتيير بالعربيه في عز الضهر لحد الساعه ٣ عصراً تقريبا وكنت بشغله علي ٣ اول ما اركب العربيه بعد ركنها في الشمس لمدة خمس دقايق مثلا بعد كده بنزل علي اتنين مع العلم اني درجة الحرارة كانت مسجله علي شاشة البيانات من ٣٦ ل ٣٨ .وبليل دايماً علي السرعه ٢ و ١ . انا شايف انه كويس جدااا ومش بيأثر علي تلسحب خالص موتور العربيه اقوي من اني التكييف يأثر علي العربيه . وسيبكو من الكلام بصراحه اللي بيتقال علي اني العربيه مع التكييف بتبقي بطه والكلام ده وانا علي فكره من الناس اللي بتحب القياده السريعه بعض الشئ ومع ذلك لم احتاج اني اشغل الوضع الرياضي للفتيس حتي الان غير مره واحده بقصد التجربه وشايفف اني اداء العربيه عالييي جداً ما شاء الله وانا عامل الحمد لله لغاية دلوقتي ٣٥٠ كم . بالنسبه بقي لمؤشر الحرارة فهي للاسف مفهاش مؤشر للحراره بس فيها لمبة بيان بتنور في حالة العربيه سخنت لا قدر الله .

استاذنا الفاضل كلامك مظبوط والتكييف مش بيأثر الحمد لله على السحب.

انا معايا اليزيه مش بيجو :)

المشاركة الأصلية كتبت بواسطة el prince

طيب ما تحكيلنا شوية على الاليزيه و تقولنا ملاحظاتك عليها سواء ايجابية او سلبية

طبعاً ده بعد اذن صاحب الموضوع - لأنى شايف ان العربيتين اخوات شقايق و ربنا يجعله عامر

تحياتى

يا باشا تحت امرك بس انا لسة في اول 100 كيلو :)

لغاية دلوقتي العربية الحمد لله كويسة في كل حاجة وموضوع تاثير التكييف على السحب انا محستهوش خالص

ملاحظة وحيدة ان الفتيس وهو بينقل من الاول للتاني بيكون فيه نتشة محسوسة وده لو الطريق زحمة انما لو الطريق فاضي وهتطلع بالعربية بسرعة كبيرة نسبيا مش بتحس بيها يا ريت لو اخواتنا اللي استلموا البيجو يقولونا اذا كان عندهم كده برده ولا لا

غير كده الحمد لله نعمة وفضل من عند ربنا

فعلا النقله بين الاول للتاني علي السرعه البطيئه بتكون محسوسع بتحس بيها وانا كنت فعلا اشرت في موضوعي للنقطه ديه وكمان بتبقي ملحوظه عند الفرمله فجأه والنزول من التالت للتاني بيكون محسوس شويه بس في حاله التوقف الطبيعي مش بحس بالنقلات . وهي في كل الاحوال مش نتشه قويه يعني . ودع ورأيي . وعلي فكره انا كان معايا الجراند بونتو كانت نفس النظام .

يا ريت بقي تقولنا علي الاليزيه واخبارها معاك اول بأول . ويا سلام لو تصورهاا . وألف مبرووووك وعقبال اللي مقدم علي الشراء

المشاركة الأصلية كتبت بواسطة asuity

استاذنا الفاضل كلامك مظبوط والتكييف مش بيأثر الحمد لله على السحب.

انا معايا اليزيه مش بيجو :)

الف مبرووك يا باشا .... انت استلمت .... ربنا يباركلك فيها ... مستنين تقريرم الجامد بقي ان شاء الله