الموضوع: بيجو 301 ما بين الاختيار وال 100كم الاولي

المشاركة الأصلية كتبت بواسطة zoueil

ألف مبروك علي العربية ربنا يباركلك فيها
ياريت تكلمنا عن تسارع السيارة من 0 ل 100 لأنه مختلف في كذا موقع العربية المانيوال أغلب المواقع بتقول 9.4 ثانية أما بالنسبة للأتوماتيك ساعات ألاقي 10.8 ثانية و ساعات 11.8 ثانية و شفت في فيديو علي اليوتيوب مقارنة بين ال301 ال1600 الأوتوماتيك و بين البولو سيدان 1600 مانيوال ال301 جابت ال100 في 12.5 ثانية و البولو في 11.7 ثانية
يا تري أخبار التسارع إيه معاك و يا تري جربت تشد مع عربيات تانية؟؟؟

باشا بص بصراحة انا ما حسبتهاش بس فعلا العربية جراية جداااااا ... العربية الوحيدة بصراحة اللي تفوقت عليا بالنسبة للتسارع علي الطريق كانت فيات برافو تربو . غير كده محصلش معايا اني معرفتش اجيب حد بيها . وثبات العربية ماشاء الله عليها بجد انا جبت بيها الحمد لله ١٦٠- ١٨٠ وكانت العربية في منتهي الثبات وباخد غرز علي ١٢٠ ولا بحس بأي قلق وانتظر مني هارفع صورة عداد السرعة وانا جايب الرقم ده تأكيد علي كلامي . وفراملها بجد ما شاء الله انا اكتشفت قد اييه هي جميلة وثابتة علي السرعات العالية .. انا والله حبيت العربية جدااا لما طلع منها الاداء ده .

http://nileup.com/up/watermark.php?s...203272.jpg&p=c
http://nileup.com/up/watermark.php?s...203261.jpg&p=c


معلش اعذروني علي رداءة الصور نوع ما كنت سايق وكنت لوحدي والدنيا كانت ليل .

المشاركة الأصلية كتبت بواسطة 3arbi4ever

حالياً الحمد لله مبقتش بحس بتأثير التكييف علي السحب زي ما كنت بحس بيه في اول ٢٥٠٠ كم السحب اتحسن جداً والحمد لله مش شايف اي مشاكل في العربية دلوقتي

الف مبروك يا باشا وربنا يبارلك فيها ويكفيك شرها

المشاركة الأصلية كتبت بواسطة 3arbi4ever

باشا بص بصراحة انا ما حسبتهاش بس فعلا العربية جراية جداااااا ... العربية الوحيدة بصراحة اللي تفوقت عليا بالنسبة للتسارع علي الطريق كانت فيات برافو تربو . غير كده محصلش معايا اني معرفتش اجيب حد بيها . وثبات العربية ماشاء الله عليها بجد انا جبت بيها الحمد لله ١٦٠- ١٨٠ وكانت العربية في منتهي الثبات وباخد غرز علي ١٢٠ ولا بحس بأي قلق وانتظر مني هارفع صورة عداد السرعة وانا جايب الرقم ده تأكيد علي كلامي . وفراملها بجد ما شاء الله انا اكتشفت قد اييه هي جميلة وثابتة علي السرعات العالية .. انا والله حبيت العربية جدااا لما طلع منها الاداء ده .

طب يا باشا مش تعملنا تقرير حلو كده عن ثبات العربية؟؟

موضوع جميل جداا .. عايز اعرف ايه نظام ارتقسيييييط

المشاركة الأصلية كتبت بواسطة 3arbi4ever

فعلا النقله بين الاول للتاني علي السرعه البطيئه بتكون محسوسع بتحس بيها وانا كنت فعلا اشرت في موضوعي للنقطه ديه وكمان بتبقي ملحوظه عند الفرمله فجأه والنزول من التالت للتاني بيكون محسوس شويه بس في حاله التوقف الطبيعي مش بحس بالنقلات . وهي في كل الاحوال مش نتشه قويه يعني . ودع ورأيي . وعلي فكره انا كان معايا الجراند بونتو كانت نفس النظام .

حضرتك انا معايا الاليزيه و بحس بان العربية بتنط لما تنقل من التاني للاول خصوصا و انا هقف عند مطب
و بحس برضه ان التكييف بيفصل و يرجع قوي تاني
مش عارف ده طبيعي ولا انا اخدت مقلب فيها :(

ربنا يبارك يا باشا

المشاركة الأصلية كتبت بواسطة islam4ever

حضرتك انا معايا الاليزيه و بحس بان العربية بتنط لما تنقل من التاني للاول خصوصا و انا هقف عند مطب
و بحس برضه ان التكييف بيفصل و يرجع قوي تاني
مش عارف ده طبيعي ولا انا اخدت مقلب فيها :(

باشا انا عن نفسي محستش اني عربيتي فيها كده خالص ارجع للتوكيل ... اظن موضوع النطة دي يمكن يكون سببها عدم فهمك لاسلوب التعامل مع الجير الستبترونيك فقط خاصة لو كنت متعود علي قيادة المنيوال من قبل . اما موضوع التكييف فهو معايا تمام جداااااً وفي معظم الاحوال مش بشغله غير علي ٢ شغلته علي ٣ لما كان فيه يومين حر اوي وكانت درجة الحرارة الخارجية ٤٢ عامة ماتحكمش علي كل حاجة في العربية دلوقتي الابعد ما تعمل اول صيانة علي الاقل وتعدي ال ٥٠٠٠ كم الاول عامةً هي ممتازة جداً