بيجو 301 ما بين الاختيار وال 100كم الاولي

**Mohab555** · 01-07-2013 05:59 AM

الف مبررروك ياباشا ربنا يديك خيرها و يكفيك شرها
اللون تحفه تحفه تحفه ... لو كان في منه فى الريو كنت جبته مكان الفضى ...
العربيه ماشاء الله جميلة انا سوقتها

**3arbi4ever** · 02-07-2013 03:39 AM

انا الحمد لله عملت النهارده اول صيانة للعربية وهي صيانة ال ٢٥٠٠ كم وهي مش اكتر من فحص لمستوي الزيت والمياه والمساحات والابواب والشنطة وتربيط العفشة . ده بالاضافة لتفعيل كتيب الضمان . وهي صيانة مجانية مدفعتش فيها حاجة .دفعت بس اكرامية للراجل اللي طلع جرب معايا العربية . قولت اكيد هينفع في مرات جايه و اخدت رقم تلفونه . استقبلني مهندس الاستقبال وكنت العربية الوحيدة الموجودة في المركز اللي هوا مركز بيجو صلاح سالم . وكان ليا ملحوظة وحيدة علي العربية اللي هيا النتشة اللي بين الاول للتاني وفعلاً لما طلعنا نجرب وساقها الفني المختص فهمني انها مجرد طريقة سواقه للشعور بالنتشه من عدمه . وهو اني اريح الغيار بس شوية . وفعلا نفذت تعليماته النهارده طول اليوم و ماحستش بالمشكلة . وكنت برده سألتهم لو عاوز اركب سماعتين للكاسيت زيادة بس افادوني انها مش متوفرة لسه ووعدوني بتوفرها بعد فترة بسيطة خلال شهر ونص تقريباً او انهم يعملولي التوصيلات واركب انا السماعات بره. بس انا فضلت اني لما اروح لصيانة العشر الاف اركبهم اصلي بتوع بيجو. حبيت اقولكم تجربتي دي مع مركز الصيانة للافادة وشكرااااااا

**Mohab555** · 02-07-2013 04:06 AM

المشاركة الأصلية كتبت بواسطة 3arbi4ever

الله يبارك فيه يا باشا ... ياتري الريو عامله معاك ايه ماشيه كويس . اللون الفضي في الريو جميل اوي واللي اجمل منه البني حلو اوي انا لما كنت هشتري الريو كنت هجيب اللون ده ، يا تري اللي معاك السيدان ولا الهاتش باك .

انا معايا فولى لودد هاتشباك خليجى و الحمد لله الحمد لله تحفه و لو رجع بيا الزمن هجبها تانى .... و كيا عملت شغل عالى بيها فى الاسواق العالميه و كفايه ان الى مصممها هو العبقرى بيتر شرير المصمم الاول فى شركه اودى الالمانية .. تسلم ايده الصراحة
اللون البنى حلو فعلا هو و الازرق .... وانا فعلا فكرت فى البنى او الازرق بس بيبنى و بينك عربيتى القديمة كانت فيرانى فكان اقل خربوش بيشوه شكل العربيه خالص وكان بيبان فيها التراب بسرعه جدا فقررت الفضى و الحمد لله ممتاز معايا
خلى بالك مع العربيه بتاعتك بقه

**Moh.El Saady** · 02-07-2013 10:01 AM

المشاركة الأصلية كتبت بواسطة 3arbi4ever

والله انا متفق مع حضرتك جداااً في الكلام اللي بتقوله . فعلا كيا صارفة علي العربية جامد عشان تطلع بالمستوي ده وفيها اوبشن تحفه وده اللي ناقصني في البيجو . بس في نفس الوقت انا الكيا بالنسبالي كان فيه كام عيب يخليني اتغاضي عن مميزاتها الكتير ، اولا وسع الصالون الداخلي تعتبر ضيقة جدا وخصوصا الهاتشباك رغم اني قاعدة العربية كبيرة . وثانياً عوامل الامان الموجودة بشكل اختياري في الهاي لاين بس . وصدقني لغاية النهاردة لما بتعدي جنبي ريو عينيا بتروح عليها اوي بس لما بركب مع واحد صاحبي عربيته الريو واحس بضيق الصالون وافكر في نقطة عوامل الامان بقول لنفسي الحلو ميكملش . بس هي فعلا عربية جميلة . اهم حاجة الراحة النفسية برضه في الاول وفي الاخر .

يا ريت حضرتك تقولنا هل فعلا فيه مشكلة في سحب العربية مع التشغيل التكييف

**zoueil** · 02-07-2013 03:38 PM

ألف مبروك علي العربية ربنا يباركلك فيها
ياريت تكلمنا عن تسارع السيارة من 0 ل 100 لأنه مختلف في كذا موقع العربية المانيوال أغلب المواقع بتقول 9.4 ثانية أما بالنسبة للأتوماتيك ساعات ألاقي 10.8 ثانية و ساعات 11.8 ثانية و شفت في فيديو علي اليوتيوب مقارنة بين ال301 ال1600 الأوتوماتيك و بين البولو سيدان 1600 مانيوال ال301 جابت ال100 في 12.5 ثانية و البولو في 11.7 ثانية
يا تري أخبار التسارع إيه معاك و يا تري جربت تشد مع عربيات تانية؟؟؟

**kar!m** · 02-07-2013 03:52 PM

ما شاء الله .. ربنا يبارك لك فيها و يحفظهالك

من أمتع ما قرأت بصراحه :-)

**Mohab555** · 02-07-2013 11:41 PM

المشاركة الأصلية كتبت بواسطة 3arbi4ever

والله انا متفق مع حضرتك جداااً في الكلام اللي بتقوله . فعلا كيا صارفة علي العربية جامد عشان تطلع بالمستوي ده وفيها اوبشن تحفه وده اللي ناقصني في البيجو . بس في نفس الوقت انا الكيا بالنسبالي كان فيه كام عيب يخليني اتغاضي عن مميزاتها الكتير ، اولا وسع الصالون الداخلي تعتبر ضيقة جدا وخصوصا الهاتشباك رغم اني قاعدة العربية كبيرة . وثانياً عوامل الامان الموجودة بشكل اختياري في الهاي لاين بس . وصدقني لغاية النهاردة لما بتعدي جنبي ريو عينيا بتروح عليها اوي بس لما بركب مع واحد صاحبي عربيته الريو واحس بضيق الصالون وافكر في نقطة عوامل الامان بقول لنفسي الحلو ميكملش . بس هي فعلا عربية جميلة . اهم حاجة الراحة النفسية برضه في الاول وفي الاخر .

بص اهم حاجة الراحه النفسيه للعربيه ... انا لما نزلت اشترى الريو ولا كان فى دماغى اصلا هى
انا كنت نازل انى اجيب يا جولف 6 ... يا النترا الجديده يا لانسر شارك ..... ولما نزلت مكانش فى جولف زيرو خلاص و الناس حذرتنى من ال DSG و الالنترا الصراحة امكانياتها قليل و الامان فيها زيرو .... و الانسر شارك تحسها عربيه ميته !! و معدى كده لمحت الريو واقفه ... خطفت قلبى الحقيقه ... وانا معاك فعلا ان مشكله الريو ان الامان قليل فى الفئات الاولى لاكن الفئات العاليه ممتازة انا عندى ABS -EBD - 2 Airbag و الحمد لله ممتازة .... و بعدين لما الريو توحشك قولى و خد عربيتى .... واحد يعنى

الموضوع: بيجو 301 ما بين الاختيار وال 100كم الاولي

LinkBack

أدوات الموضوع

عرض

-

-

-

-

المواضيع المتشابهه

مطب على سرعة 100كم

هل الدركسيون بيخف بعد 100كم

رجاء من اهل الخبرة مساعدتى علي الاختيار ما بين استرا - سيفيك-بيجو - قشقاي

مساعدة فى الاختيار Mazda 3 -2006 ام lancer 2007 ام بيجو 307 موديل 2007

صوت الهواء بعد 100كم -صواريخ

الكلمات الدلالية لهذا الموضوع

المفضلات

المفضلات

ضوابط المشاركة