ارجوكم الحقونى انا احترت وناقص اغير لموتور

**ahmedsaiad** · 31-05-2013 07:52 PM

السلام عليكم ورحمة الله وبركاته انا عندى مكله محيرانى عربيتى لانسر 1600cc موديل 2007 لما بشغل التكييف العربيه مش بتسحب وبتتقل جدا العربي مانوال لدرجه الفصل بين الغيار والغيار حس ان فيه حاجه بتسحب العربيه من ورا لو بسحب جب عربيه سيات تطلع منى وانا مشغل التكيف ملحوظه العربيه ن غير تكييف كويسه ان غيرت كل حاجه خلار على بال اى حد
لدرجه انى غيرت طقم الدبرياج وكل حاجه تكون متعلقه بالسحب انا اسف جدا على الاطاله وارجوا الفاده

**lada2010** · 31-05-2013 08:55 PM

معنى كلامك ان العربية بتتقل لما تشغل التكييف يباق عزم الموتور ما ينفعش يقوم التكييف يباق وانت بتعمل صيانة لها تقاس كبس الموتور

**salah_86** · 31-05-2013 10:44 PM

ازاى يعنى فاضية ومفيهاش تكييف هو جايب لادا دى ميتسوبيشى
وبعدين انا عربيتى لانسر 1300 خليجى ونازلة بالتكييف صعبة قوى قوى حتة انهم بيركبو التكييف وبعدين ياباشا فيه ورق افراج جمركى وحاجات تانية كتير تعرف بيها ان كانت العربية خليجى ولا لاء
انما بالنسبة للمشكلة ممكن يكون الكنترول بتاع العربية عاوز يتغير والله اعلى واعلم

**beshomilan** · 31-05-2013 11:15 PM

كهربائى كويس هيظبطلك الدنيا دى كلها

**amro0000** · 01-06-2013 12:37 AM

المشاركة الأصلية كتبت بواسطة mr_green

لو عربيتك خليجى - يبقى راكب عليها تكييف مش بتاعها و فى الحالة دى التكييف فيه حاجة غلط أو كهربته مش سليمة
العربيات إللى بيقولوا عليها خليجى هى ولا خليجى و لا نيله و بتيجى فاضية و بيركبوا عليها إكسسوارات و التكييف

الموضوع ده بقاله قد إيه و ظهر من متى و هل العربية معاك و هى زيرو ولا لأ

لو عربيتك توكيل مصرى يبقى مش عارف بس راجع التكييف برده و بالتوفيق إن شاء الله

يعني اية فاضية ومفيهاش تكيف مش فاهم بصراحة حضرتك جبت الكلام دا منين معلش يعني عندك دليل علي كلامك دا من اصله؟؟؟؟ اصلك مش بتتكلم علي شاهين ولا سيات ياباشا علي فكرة بقا انا اما اشتريت العربية بتعتي صاحب العربية ادالي ورق الافراج الجمركي بتاعها والعربية بتعتي خليجي سعودي وورق الافراج الجمركي معايا يعني مش زي ماحضرتك بتقول بتيجي فاضية والكلام دا بصراحة معلومة غريبة مسمعتش عنها قبل كدة

**amrelsaqqa** · 01-06-2013 12:43 AM

انا حاسس ان الكمبريسور عندك قافش !

**ahmedsaiad** · 01-06-2013 01:24 AM

متشكر جدا ياجماعه على الردود السريعه دى بس العربيه مصرى وكيل انا شريها استعمال 8 شهور المشكله دى مكنتش موجوده وظهرت فجأه

**salah_86** · 01-06-2013 02:11 AM

باشا لو انت من سكان القاهرة خد عربيتك واطلع على ورشة المتخصصون وهما هيشخصولك العيب بالضبط

**mr_green** · 02-06-2013 01:36 PM

معلش هاوضح عشان فى ناس معتقده إن موضوع العربية فاضية من غير تكييف دى فتى من دماغى
لكن ده حقيقى بالذات فى اللانسر بومة و بتكون مواصفات أردنى و ليست خليجى و التجار بيدعوا إنها خليجى أنا أعرف حد إتركب قدامه تكييف لكذا عربية زيرو و الفنى فى المركز حكاله القصه كده و العهده على الراوى

مثال تانى لهرتلة التوكيلات و دى شوفتها بعينى و بشوفها كل يوم - نيسان قشقاى + نيسان جوك التوكيل بيعرضهم مانيوال ثم أوتوماتيك هاف أوبشنز ثم أوتوماتيك فول أوبشنز

لو سألت على الأوتوماتك الهاف أوبشنز مش هاتلاقى و الفئة الأعلى أغلى حوالى 25 ألف ليه ؟

الوكيل بيجيب الفئة الأولى و يبعتها والله فى محل إسمه Carbook فى شيراتون يركب فيها سينسور + شاشات و حاجة كمان مش فاكر إيه و يرفع سعرها و كله كفته و أعتقد بيلعب فى حاجة كمان لأنى بشوفهم بيخلعوا كاوتشات الأبواب كلها و حاجات فى الفرش و زيرو بردوا :)

و إللى عايز يتأكد يروح و هايشوف يوميا مالا يقل عن 2-4 عربيات زيرو يتركب فيها الحاجات دى

إبتسم أنت فى مصـــــــر