انا عارف ان فيها اوبشنز كتير بس دى كده سعرها عدا الفانتازيا و الجيتا و العربيات الالمانى
انا كعميل مصري بشتري سيارة فكري زي فكر باقى المصريين اللى راكب شمال
ومش متعصب لاى ماركة لانى ركبت اوكتافيا وسيراتوا وفيرنا وتيجو وشيروكي ورينو و دايو وحتي 504 وكمان شاهين من حب التجربة بس وانا مش خبرة اوى فى الموصفات الفنية كغالبية المصريين
وطبعا هنا انا هقارن من وجهه نظري بين الريو والرابيد علشان اغلب الناس قالت انهم نفس الفئة
اول حاجه بدور عليها فى العربية ان شكلها يشدني ده تفوز فيها الريو
شياكة الصالون الداخلى للعربية دي برده تفوز بيها الريو مينفعش نقارن بين الصالونين اصلا
طيب علشان بس بتوع وسائل الامان وانت راكب الماني
كل الناس اللى هنا متفقين على حاجه زي ما قريت فى اغلب المواضيع ان فى السرعات العالية 140+ مش فارق صاج العربية ولا الشاصى
اللى فارق فرامل وتوجيه العربية
الريو abs +ebd الرابيد ABS بس
طيب التوفق هنا برده لصالح الريو
الريو 2 ايرباج الرابيد 1 بس
قطع الغيار والصيانه اسهل واوفر للريو
جري على الطريق وكدا اعتقد التفوق للريو بس مدام محدش لسه جرب منقدرش نقارن الجزئيه دي وجزئية الثبات لانى لا ركبت ريو لسه ولا ركبت رابيد " محتاجه توضيح "
طيب يا اخوه يا افاضل ايه يجذبني للعربية دي غير علامة اسكودا ؟! يعني لو شلنا علامة سكودا ايه فيها موصصفات فنيه يخليني اروح ادفع فيها 165 الف جنيه
لو على انى اركب اوروبى اركب ال301 افضل بقى منها واتوماتيك
فيعني ايه مميزات العربية غير انها سكودا واوروبي ؟!
البيجو 301 طبعا سيارة محترمه و جميله و اوروبية و اوبشنز جامده
بس فيه ناس هاوية ماركة سكودا عموما حتى لو مش هيستمتعوا باوبشنز كتير
انا راكب بولو 2001 وعايزاقول ان الطابلو فعلن زي عربيتي و مش فارق كتير بعد 12 سنه تقريبا بس لو انت هتقارن بين الكوري و الالماني لازم تشوف الي هيحصل للعربيه بعد 10 سنين يعني انا هقارن عربيتي بالاكسنت مثلن , فين الاكسنت دلوقتي و فين البولو شتان الفرق انا شفت العربيه الاكسنت و هيا لسه عروسه و شوفتها و هيا بتبوظ فيها كل حاجه سنه سنه
بعد 12 سنه و 200 الف كيلو انا عندي استعداد اركب عربيتي جديده تاني و 100 الف من الي شفته من المتناه بعد العمر ده وانا شايف ان الرابيد عربيه عمليه لابعد الحدود عربيه مفيش فيها اي اوبشن هيبوز منك ولا بعد 10 سنين و دي حاجه ممتعه جداا علي فكره بس محدش هيحس بالكلام ده الا بعد 5 سنبن علي الاقل
لو انت من الناس الي هيغير العربيه بعد اقل من 5 سنوات و هتمشي بالعربيه لمسافه 100 الف يبقي مفيش مقرنه مع الريو و البيجو 301 بس لو انت عايز تركب حاجه تعمر و عمرها ماهتعمل معاك دقه نقص يبقي روح للسكودا
يعني من الاخر الربيد هتبقي عربيه في الجون لو مستعمله وده علي تقديري هيخلها ماسكه نفسها في إعاده البيع
موضوع 10 سنين والحوارات دى over اوى
اللى بيحافظ على عربيته بتقعد اكتر من كدا بكتير
زى ما قولت قبل كدا كان عندنا عربية ليجانزا ودى اكتر عربية قعدت عندنا مش عارف ليه الصراحة
العربية قعدت حوالى 12 سنة وكانت عاملة فوق الـ 260 الف كيلو ومحصلش فيها اى مشكلة خالص ودايما كانت صيانها فى التوكيل ومفيش اهمال فيها.
السيراتو قبل الحادثة كانت عاملة 94 الف كيلو فى 3 سنين معظمهم جرى وحرق والموتور ما شاء الله زى الوحش !! حتى بعد الحادثة لسه زى ما هو
دلوقتى المواتير اللى موجودة غير اللى كانت زمان والتكنولوجيا اللى فى العربيات الكورى غير من 10 سنين
وبصراحة حتى لو الرابيد بسعر الريو او ارخص .. هفضل الريو عنها .. لان الموضوع مش موضوع سعر بس بالنسبة ليا
الرابيد بعد كل ده انا شايف ان سعرها غالي علشان انا منكن اجيب البيجو 301 و فيات لينا بسعر اقل بس في حاحه ممتعه في لعربيات الالماني و الي يركب عربيات كتير هو الي يحس بالموضوع ده
اللى يحس بالفرق هو اللى بيركب الالمانى وبقاله زمن معاه هو ده اللى يقولك الالمانى ومميزاته انما محدش ركب المانى او ركب الماكنى بس سنة ولا اتنين مش هيحس بفرق والله العظيم انا بشوف اوكتافيا a4 فى الشارع بحس انها موديل سنتين تلاتة فاتو مش موديل من 14 سنة
انا كنت عايز اسئل سؤال
انا قرات فى مقاله(اهرام السيارات) ان فيها اوبشنات كتير غير الى موجوده فى الموضوع
ذى فى الفرامل فى msr
, esc
وانظمه التحكم asr, eds
انا مش فاهم بالضبط ايه اللى يضيفه انظمه التحكم دى ؟؟؟؟
وفى الاضاءه ان الكشافات تعمل بنظام
afs انا مش شايف ده فى الموضوع هل ده مش موجود فيها اساسا ولا ايه
وشكرااااا على الموضوع
وفى سؤال تانى هل تثبيت السرعه ده فعال ولا لا
عشان انا اول مره اشوف تثبيت سرعه فى مانيوال
من حيث مثبت السرعه فهو بالفعل فيها فى الهاى لاين بالنسبة لنظام الكشافات و الفرامل هتاكد لحضرتك من الوكيل و هرد عليك فى اقرب وقت باذن الله
انا جربت الربيد امبارج و عجبتني جداا هيا متفرقش عن الاوكتافيا من حيث المشي وكمان الفتيس المنيوال نقلاتو سلسه بطريقه غير عاديه , في في الشاشه بيديك تنبيه لما تجيب اخر النقله , اما للاسف العربيه فعلن تحس انك راكب عربيه الماني موديل 2000 , الفئه الاولي مفيش فيها اي حاجه لدرجه انهم شايلين المرايا الي في الشماسه و المريات الكهربا فعلن حاجه مستفزه , الفئه التانيه و التلته احسن من حيث الشكل الداخلي
الاسعار بعد الفصال من الرواد
الفئه الاولي 143
الفئه التانيه 155
الفئه التالته 159
والون الابيض و الاحمر منكن تنزل في السعر تلات الاف بس مش موجودين
العربيه فعلن غاليه علي امكانيتها بس هيا ارخص عربيه الماني زيرو علي الاظلاق
انا فعلن محتار فيها و البيجو بس فعلن في فرق في خامات العربيه يعني البيجو من جوه تحس ان الخامات كده شبه الوجان بس شكل احسن من الاسكودا
الاوسكودا بسيطه جداا عامل زي ما تكون قاعد بشورت علي البحر ,
كل الناس بتقول حرام الواحد يدفع كل الفلوس دي في عربيه مانوال منزوعه الامكانيات
أحسن حاجة في العربية إنها نازلة مانيوال.... لو نزلت أتوماتيك ده معناه إنه حينزل فيها الفتيس المشؤم ال dsg اللي مشاكله موقعة سوق فولكس فاجن الشركة الأم نفسها في مصر علي الأقل.... سوق الجيتا و الباسات إتضرب يا أفندم علشان الفتيس ده..... و ستلحق بهم الفانتازيا....!!!!
اولا : تسلم ايدك ياباشا على التقرير الجميل دة والممتاز واللى فعلا من افضل التقارير الموجودة
ثانيا : انا قريت تقريبا كل التعليقات , وعرفت ملاك الكورى بيفكروا ازاى وملاك الاوروبى بيفكروا ازاى
من الاخر , ملاك الكورى تفكيرهم كلة او مناقشتهم كلها كانت بتدور حول شكل الصالون والاوبشن وسابوا بقى ( الاعتمادية - الثبات - الخامات - التقفيل - الراحة )
وملاك الاوروبى نظرتهم للسيارة فى ما لا يفكر فية ملاك الكورى
طيب تقييمى على السيارة سكودا رابيد من خلال الصور ومقارنتها بالكورى
1 - من حيث المحرك 1600 سى سى بقوة 105 حصان صافى دة شىء ممتاز جدااا , مش زى اللى بيقولوا انا ماتورى 125 حصان او 130 حصان وفى الاخر الماتور يصفى على 90 حصان وان جابهم
2- عربية زى دية بالعفشة دية وبالابعاد دية طبيعى هتبقى انعم بكتيير من عفشة الكورى اللى مكسر ظهر ناس كتير زى السيراتو والريو اللى الشركات بتفرح العميل وتنزل العربية بجنط 17 عشان يحسنوا شكل العربية على حسب راحة العميل فى ارض بلد بالمنظر اللى احنا شايفينة دة , يبقى كدة الرابيد بردة تفوقت فى الراحة
3- الثبات : طبعا مش هنتكلم عن ثبات الاسكودا ومدى قوة هذة السيارة وثباتها فى المنحنيات , بعكس الكورى اللى تجيب بية 130-140 ولازم تمسك الطارة بأيدك وسنانك
4- الخامات والتقفيل : معلش يعنى كل الناس عارفة تقفيل الاسكودا بيكون عامل ازاى وتقفيل الكورى بيكون عامل ازاى
انتوا بقى مش عاجبكوا شكل ال interior لل rabid طيب ماتتفرجوا كدة على الفيديو دة
Škoda Rapid 2013 - INTERIOR - YouTube
وعلى فكرة هو هو التابلوة بس ال cd هو اللى متغير , وطبعا التكييف تاتش
لان الصورة بتاعة الكيا ريو اللى موجودة فى التعليقات بتاعة الخارج من اللى عندنا هنا , وعلى فكرة انا مش عاجبنى تماما تصميم تابلوة الريو اصلا
ولنا تكملة ان شاء الله عشان بس ماطولش عليكما
بصراحه الرابيد عربيه محترمه جدا
وانا يهمنى قبل الاوبشنز انها تكون سيارة عملية و اعتماديه و امان
ولانى ركبت الاتنين ( الرابيد و الريو )
وادى تقرير الريو بتاعى
http://www.nilemotors.net/Nile/364678-2013.html
فانا اقدر اقول الريو للى غاوى كورى
ولكن الرابيد للناس الركيبه للسيارات الالمانيه
وهى تعتبر امتداد للسكودا a4
طبعا انا لا اعيب على الريو فهى عربيه جميله و هى بتعجبنى ولكن لا اقارنها بالرابيد
يا جماعة هو في حد عملها test drive ؟ و لو عمل عمل فين ؟
مع احترامى ليك يا باشا بس عندك شوية حاجات مغلوطة فى كلامك مش عارف ازاى عدت عليك !!!
اولا ايه 105 حصان صافى دا ؟!! من امتى الكلام دا ان شاء الله
على كدا الفانتازيا كانت 102 حصان صافى باردوا !!
وبعدين يا سيدى متزعلش نفسك ادى السيراتو 124 حصان .. الصافى على الدينو 100 حصان لعربية عاملة فوق الـ 90 الف كيلو
وبعدين موتور الريو اه 1400 بس ممتاز ومتحسش ابدا انه سعته صغيرة غير على السرعات العالية غير كدا لو اللى سايق مش بيمشى بيحرق على العالى او اخره 140 مثلا مش هيحس بفرق
وبعدين ايه موضوع ملاك الكورى والاوربى والكلام دا !!
هو لازم دلوقتى نصنف الناس
على كلامك كدا ملاك الكورى يا سيدى حمير وجهلة مش بيعرفوا يركبوا يعنى وملاك الاوربى دول بقى الطبقة المثقفة اللى على راسهم ريشة ولا ايه
نيجى لتانى نقطة
اولا التوكيل مش بينزل الريو بجنوط 17 .. هما 15 .. الـ 17 دا بتاع الخليجى وبينشف اى عربية مش الريو ولا الكورى بس يعنى المفروض انت راجل ركيب وعارف الكلام دا مش محتاج انا اللى اقولك عليه .. ولو انت كان كلامك ان الريو ناشفة بالجنط الـ 15 يبقى معلش اسمحلى بس يبقى انت مركبتش العربية اصلا
هتقولى الثبات .. ايه ممكن الرابيد اثبت بس مش لدرجة انى بمسك فى الريو ولا السيراتو بأيدى وسنانى فى 130 او 140 .. بلاش مبالغة
وفى رأى المتواضع ان العربية الرابيد دى مش هتكون افضل من الريو فى اى حاجة غير جزئية الثيات بس ومش بالفرق الخرافى يعنى هيكون الموضوع عادى
خامات تقفيل .. مشفتش الرابيد دى فى اى حتة بصراحة عشان اشوف خامتها ولو على التقفيل يا سيدى تقفيل الريو ممتاز .. اركب كدا الريو او السيراتو الجديدة مقلا من جوا وطلعلى غلطة واحدة او عيب فى تقفيل مثلا
وبعدبن اللى عاجبه العربية يا سيدى يشتريها بس بلاش اسلوب الكيل بمكيالين دا .. يعنى متجبليش عربية على قدها بـ 160 الف جنيه وتقعد تمدح فيها تقولى دى جميلة ومش مهم الاوبشنز والكلام دا .. كل دا عشان تحمل علامة سكودا .. وزعلانين اوى عشان السيراتو بقت بـ 190 الف
ولو الكماليات مش مهمة ماكنوش عملوا فئات ويا فرحتى بعربية اثبت شوية بس فاضية ومانيوال ومع واحد 90% من وقته فى العربية واقف فى الزحمة ... يا راجل دا انا بسوق اتوماتيك وبقيت اكره نفسى من كتر ما بقف فى الزحمة وبقيت اشيل هم المشوار اللى هعمله فى نص اليوم
وياريت محدش يجيب سيرة السيراتو الجديدة مع الرابيد لان لو مثلا انا لو اتحطيت فى موقف اختار بينهم استحالة افكر فى الرابيد اصلا
انا شايف ان اللى هيمدح فى العربية يخليه فيها هى بس .. امدح فى كمالياتها وتجهيزاتها .. امدح فى موتورها المتطور مثلا .. او الفتيس الجديد .. او تقييمها وتجربة فعلية ... لكن محدش ليه دعوة بعربيات تانية إلا لو هيعمل مقارنة عقلانيه لكن كلام دا وخلاص مينفعش
باشا بدون تعصب إحنا هنا مش أهلي و زمالك انت ممكن ييجيلك وقت و تركب سكودا و الباشا ممكن ييجي عليه وقت و يركب كيا اصل إحنا مش كمان هيبقى عندنا انتماءات كمان في العربيات :)
عامة أنا واحد من الناس اللي مش عاشقي الكوري بس شايف أنها عربية عملية و جبت لزوجتي الريو الجديدة ، هي شكلها فعلا ظريف و تابلوه ظريف و الألوان و حركات بس للأسف كله بلاستيك حتي لما تفتح الكبوت من جوه الدنيا كلها فيبر و بعدين الناس اصلها مش حاسة بحاجة مهمة أن فائدة الكوري الكبرى في سعر الصيانة و قطع الغيار و هقولك حاجة هتستغربلها لما المدام دشملت العربية الريو لما عامت منها عشان شوية ميه على الأرض لقيت فانوس الريو الأمامي =٤٢٠٠ جنيه في التوكيل طيب قولي بقا ده كلام ...يا عم روق بكره إنشاء الله تركب اللي أحسن منها وتقول إيه اللي أنا كنت ركبه ده :)
ياسر باشا , اخبارك اية يارب تكون بخير
شوف ياباشا موضوع انها 105 صافى , دة انا شوفت الداينو بتاع ال skoda rabid المحرك ال tsi أل 1400 سى سى والمفروض انها 122 حصان ودة المعلن , وطلعت على الداينو 130 ps يعنى تقريبا 128 hp
وعموما مش موضوعنا دلوقتى موضوع هية بتخرج كام حصان ومهدرة كام حصان
- ماتور الريو ضعيف مش قوى وبيموت على السرعات العالية فعلا زى مانت قولت بس مش قوى فى ال low ابدا واللى كنت بجربها كانت الريو high line hatchback
- لأ ياباشا انت فهمتنى غلط انا ولا بصنف ولا اى حاجة كلهم ناس على راسى من فوق , هو بس انا قولت كدة لانى حسيت ان الاجماع كلة فى اراء الاعضاء اللى لديهم سيارات كورية , مهتمين اوى بموضوع شكل الانتيريور ومحدش اتكلم على اى نقطة تانية بس مش اكتر من كدة
وياعم لاسمح الله هو انا قولت كدة , انت لية خدتها بالمنطق دة بس , والله مااقصد اى حاجة من دية
- انا الريو مجربها وسايقها هية مع صاحبى اصلا , ومش عايز اقولك اول مشكلة واجهتة فيها فى اول 1000 كيلو من شراءة للسيارة
معلش ياباشا اركب الريو بجنط 15 بلاش 17 واركب اى عربية تانية بجنط 15 , واكيد بردة انت عارف وفاهم الدنيا ماشية , هتلاقى ان الريو عفشتها ناشفة عن اى عربية تانية ( اعتقد انك لاحظت دة )
- لأ معلش هنا بقى لازم لينا وقفة انا لما عديت بالريو 130 كم حسيت ان الثبات اختلف تماما , وسواء هية ولا والrb ولا الالنترا ولا السيراتو بس الشكل القديم انا مجربتش الجديدة بصراحة بس اللى اعرفة ان مافيش فرق لان نفس العفشة , مع انى معتقد ان الاداء هيبقى اقل من الموديل القديم
- شوف موضوع الرابيد مش هيتحدد بصورة كاملة دلوقتى لازم الناس تركب وتشوف
- انا ركبت الريو كل اللى اقدر اقول علية بأحساسى داخل السيارة ( السيارة اوسع من الريو القديم بشكل كبير جدااا - عزلها جيد يعنى بنسبة 80% مثلا ودة شىء كويس , طبعا الخامات بلاستيك بس شكل التابلوة كويس نوعا ما , لانة مش بيعجبنى الصراحة وخصوصا الفئة الاقل من ال high line لكن فى الهاى لاين شكلة مقبول جدا
السيراتو الجديدة انا ركبتها فى المعرض , والصراحة شكل التابلوة جميل جدااا وكلامى على الهاى لاين خلى بالك , الصراحة السيراتو حسنت كتير من شكل الانتيريو والخامات كمان هية اة مش كلها متغطية بالجلد هية اجزاء فى التابلوة بس كويس , موضوع بقى التزييق والكلام دة لسة ماشوفتوش , بس شوفتة فى الالنترا 2012 والصراحة كرهت العربية اكتر مانا كارهها , لانى عملتلها Test drive كدة شامل كل حاجة , والصراحة جاءت على غير التوقعات
- ياباشا اولا السيراتو بقت ب200 الف جنية مش 190 الف جنية
ثانيا : انا عن نفسى بركب كتيير ال a5 اقدر اقولك اللى مش بيعجبنى فيها حاجة واحدة بس ماتورها وعفشتها ناشفة قليلا لكن غير كدة عربية محترمة جداااااا ماشاء الله عليها
- اجى بقى اركب السيراتو 2010 احس بالفرق الرهيب فى حاجات كتير جداا , مش لازم نذكرها
طيب لو قولنا ان الفرق مابين السيراتو 2010 - 2012 هيكون فى الشكل سواء الخارجى او الداخلى والتجهيزات والمحرك الجديد 128 بدلا من 124 حصان , لكن عفشة زى ماهية مافيش فيها تغير , يبقى اذن بردة هتبقى السيراتو نفس الركوبة ونفس اسلوب القيادة ولكن بشكل مختلف
- مقارنة حاليا صعبة لازم الاسكودا rabid تنزل وتتجرب , وساعاتها هنقدر نعمل مقارنة صح
كل الاعضاء المحترمين زمايلى فى قسم كيا او هيونداى لكم منى كل الاحترام
سؤال للمتعصبين جدا للكورى لو توافر لديهم مبلغ مثلا -300-350 الف اول حاجه هيفكرو فيها يركبو اوروبى وهيستخسرو المبلغ ده فى الكورى اللى بيدافعو عنه اكتر من الكوريين نفسهم و لو فى حد منهم يقدر يقول لأ ويدفعه فى كورى يتفضل يكتب اسمه ويقول اه انا معايا المبلغ ده ومش هاجيب بيه اوروبى انا غاوى كورى وهادفعه فى كورى !!!!طالما وصلت لنقطة انك تستخسر تدفع فيه مبلغ زى ده وتفضل عليه صناعه اخرى يبقى اكيد دفاعك عنه الان مبنى على اساس غير صحيح زى بالظبط لو واحد فضل يقول لزوجته انا بس لو معايا انا اشتريلك جزيره واول ما ربنا يديله يروح يطلقها ويتجوز غيرها والسبب واحد فى الحالتين وهو عدم الاقتناع من الاساس
شكراا على الموضوع وجميله اوى علامة اسكودا الجديده
لا بس الرابيد مكسرة الدنيا ياجماعة ...شفت في مجمل الشهور الي فاتت ... 3 عربيات رابيد ... كلهم في معارض lol
الرابيد دى محتاجة أم بى ثرى بال جى بى أس
حيغير شكل التابلوة بالكامل
ومش حيتكلف أكتر من 2000 جنية.
مشكووووور على مجهودك
بس الطابلوه ماعجبنيش
اول مرة اشوف رابيد فالشارع من كام يوم وافتكرتها a7 الجديدة
السادة الافاضل اللى اشترواسكودا رابيد 2013 مؤخرا
برجاء إفادتنا بمحتويات شنطة عدة السيارة الموجودة بشنطة السيارة
+1+1+1