الموضوع: سكودا رابيد 2013 أول تقرير حصرى من الواقع بالصور من المصريه للسيارات حصريا

المشاركة الأصلية كتبت بواسطة mr_hide

حضرتك قولت جملة حلوة اوي
بس لما ركبتها عرفت هما ازاي وفروا في التابلوه بس حطولي كل ده في العربية ك عربية

فعلا ال a4 اول ما نزلت في 1996 كانت فيها abs+ebd+ 2 airbags و جنط 16 و اوتو الكماليات دي كانت تعتبر ثورة في الوقت دا و كنا بنقول عليها الماني عشان الكماليات دي + طبعا الموتور و الثبات و الصاج كل دي حاجات كانت تخليني مبصش لتابلوة ولا غيره
لان التوقيت دا كانت معظم العربيات بتنزل مانيوال و طبعا معدومة الامان و جنوط 14 و 15 فكانت وقتها تستاهل الفلوس اللي بتدفع فيها

انما حضرتك لو بصيت للرابيد دلوقت ايه اللي يمزيها عشان ادفع فيها المبلغ ده 160 الف جنيه

عربية مانيوال من غير وسائل امان غير ال abs + تابلوه فقير جدا

عشان كده الناس بدأت تقارنها بالكوري اللي طالع زي الصاروخ و اسعاره وصلت للالماني زي م احضرتك وضحت سعر الفوانيس و قطع الغيار
ما هوا بالعقل كده ادفع 160 الف في عربية مش هتديني اي حاجة غير ماركة فقط

والدي لما كان في السعودية في التمانينات حب يشتري عربية كان قدامو فيات 132 و تويوتا كورولا سأل الناس اجيب ايه قالولوا طبعا ال فيات ايطالي و ماركة و اشترها و كره اليوم اللي اشتراها فيه تكيفها كان بيسخن العربية جدا و وقفت منه كذا مرة نفس قصة البي ام دبليو اللي فشلت في الخليج

اللي عايز اقولو ان الماركة مهمة فعلا بس برضة انا عندي عقل يا فرحتي راكب عربية ماركة و مطلعة عيني عشان مش مناسبة للبية اللي حواليا

أنا معاك بس ١٦٠ ألف بالنسبة لأسعار دل وقتي إيه؟ أما السراتو ب توصل ل ١٩٦ ألف و الالنترا بتوصل ل ١٨٥ ألف طيب إيه؟

خلاص يا شباب حصل خير الراجل قال ملاحظته عن العربية بس مش اكتر ودي في النهاية آراء وكل واحد ليه رأيه وزوقه
هي كعربية ألماني بالسعر دا حلوة وشكلها ملفت على فكرة وفيها الفخامة

http://img2.netcarshow.com/Skoda-Rap...llpaper_03.jpg

هي فعلاً العربية قاعدتها مريحة كقعدة بس إنما انا مجربتهاش كسواقة بس انا شايف ان قاعدتها جميلة
والجماعة اللي متضايقة انها مفيهاش غير abs ... العربية دي لو كانت كاملة في وسائل الأمان كانت بقت براحة كدا بربع مليون
إذا كان الكوري اللي طالعين بيه السما غالي اوي كدا عشان كمالياته إش حال كل دا موجود في العربيات الالماني كانت حتبقى بكام إذا كانت البي ام دبليو الفئة التالتة سعرها اعلى من 300 الف وفيها كماليات اقل من النيو سيارتو
انا شايف ان العربية سعرها ممتاز كعربية ألماني وتسلم يا برنس على التقرير الممتاز

المشاركة الأصلية كتبت بواسطة engherc

أنا معاك بس ١٦٠ ألف بالنسبة لأسعار دل وقتي إيه؟ أما السراتو ب توصل ل ١٩٦ ألف و الالنترا بتوصل ل ١٨٥ ألف طيب إيه؟

السيراتو تنتمي لفئة غير فئة الرابيد

الرابيد المفروض فئة اقتصادية زي الريو و الار بي كده و بعدين العربية مفيهاش اي جديد موتور فانتازيا 2007 معدل 2 كامة و فتيس مانيوال

ال 160 الف دول خت بيهم ايه بقى ؟!!

المشاركة الأصلية كتبت بواسطة برنس الليالي

خلاص يا شباب حصل خير الراجل قال ملاحظته عن العربية بس مش اكتر ودي في النهاية آراء وكل واحد ليه رأيه وزوقه
هي كعربية ألماني بالسعر دا حلوة وشكلها ملفت على فكرة وفيها الفخامة

http://img2.netcarshow.com/Skoda-Rap...llpaper_03.jpg

هي فعلاً العربية قاعدتها مريحة كقعدة بس إنما انا مجربتهاش كسواقة بس انا شايف ان قاعدتها جميلة
والجماعة اللي متضايقة انها مفيهاش غير abs ... العربية دي لو كانت كاملة في وسائل الأمان كانت بقت براحة كدا بربع مليون
إذا كان الكوري اللي طالعين بيه السما غالي اوي كدا عشان كمالياته إش حال كل دا موجود في العربيات الالماني كانت حتبقى بكام إذا كانت البي ام دبليو الفئة التالتة سعرها اعلى من 300 الف وفيها كماليات اقل من النيو سيارتو
انا شايف ان العربية سعرها ممتاز كعربية ألماني وتسلم يا برنس على التقرير الممتاز

يا باشا البي ام دبليو مش كماليات بس دول عدو المرحلة دي خلاص

راجع الموضوع ده : http://www.nilemotors.net/Nile/303132-a.html

المشاركة الأصلية كتبت بواسطة mr_hide

يا باشا البي ام دبليو مش كماليات بس دول عدو المرحلة دي خلاص

راجع الموضوع ده : http://www.nilemotors.net/Nile/303132-a.html

فهمك يا برنس انا بس حبيت اقول اني لو عايز عربية الماني تحسسك بمتعة القيادة وفيها كل المميزات دي يبقى نشخلل جيوبنا شوية مش اكتر ... لأ مش شوية دا نشخلل جيوبنا ع الآخر

تقرير رائع