مشكلة حدثة بعد تغير البوجيهات

**ahmedsrs** · 24-08-2008 10:06 PM

ارجع للقديمة لو المشكلة اتحلت يبقى البوجيهات مضروبة لو متحلتش يبقى راجع على السلوك

**moby** · 25-08-2008 12:16 PM

ده غالبا سلك البوجيهات قطع أثناء تغير البوجيهات..
وده بيحصل كثير لأن السلك بيكون لاصق فى البوجيه ومع الشد بينقطع أو بيهرب كهرباء..

**wagbr** · 25-08-2008 07:27 PM

انا حصلتلي نفس المشكله والعربيه كلها اتبرجلت هي كيا برايد 1998 وانا ماشي نزلت بسيط كده لقيت سلك بوجيه الاول من ناحيه مكان السواق لقيته ملخلخ خالص جمدت قلبي وقمت مطلع بنسه من العده وقمت قارص علي السلك سنه وركبته في البوجيه تاني مسك وبقي زي الفل واختفي العيب علي فكره انا مهندس الكترونيات تحت التدريب والسلك ده عباره عن سلك عادي بس ليه مقاومه معينه تتناسب مع خامته وطوله وسمكه وفي نهايته بيكون السلك في ترمله عباره عن كلبسه بس هي اسمها ترامل ودي مبتبانش عشان البلاستيك اللي عليها الكفر يعني وعادي جدا انها توسع او تتضيق انا ضيقتها وركبتها في البوجيه وزي الفل مش عارف ده بقي خطر ولا لا ؟

**waleed_home** · 29-08-2008 12:05 AM

فعلا يا جماعة المشكلة طلعت من سلك البوجيهات لأن الميكانيكى وهو بيغير البوجيهات القديمة واثناء الشد السلك انقطع والباشا ركبه من غير ما اعرف .
وانا عاوز اشترى طاقم جديد بس مش عارف منين وبكام ؟

**ahmed1981** · 29-08-2008 11:06 AM

المشاركة الأصلية كتبت بواسطة waleed_home

فعلا يا جماعة المشكلة طلعت من سلك البوجيهات لأن الميكانيكى وهو بيغير البوجيهات القديمة واثناء الشد السلك انقطع والباشا ركبه من غير ما اعرف .
وانا عاوز اشترى طاقم جديد بس مش عارف منين وبكام ؟

إشتري طقم سلك بوجيهات كربون إنجليزي
سعره حوالي خمسين جنيه
لكن ممتاز

**waleed_home** · 12-09-2008 04:57 AM

ياجماعة انا غيرت سلك البوجيهات وفعلا مشكلة التقطيع راحت بس ظهرة مشكلة جديدة ان لما بدور العربية بلاقى عداد Rpm بيعلى ويوطى لوحدة بشكل غير طبيعى وطبعا بيصاحب كدة تغير فى صوت الموتور وبعد كدة بيستقر .
وكمان لما بشغل التكييف بحس ان العربية اتبرجلت شوية وصوتها عالى ولما اجى اتحرك من الثبات فى بعض الأحيان وخاصة مع التانى بحس بارده ان العربية متبرجلة وكأن فيه صوت تخبيط بسيط فى اسفل الموتور