هل ال bmw 316 موديل 87 ام ال 128 موديل الثمانينيات

**A3SAR** · 01-06-2013 12:27 AM

يا جماعه انا علي وشك شراء سياره جديده
وفيه مقارنه بنفس السعر 18 الف جنيه
بين ال bmw 316 موديل 87
او ال 128 موديل 89
ياريت اعرف عيوب ومميزات كل منهم
مع مراعاة انى عايزها اروح بيها الشغل والشكل الجميل
وسفر يوم واحد اسبوعيا
شكرا

**eslamsubaru** · 01-06-2013 12:45 AM

!!!!!!!!! مينفعش تقارن ما بينهم دى حاجة و دى حاجة...
الألمانى طبعا مدام عايز حاجة جامدة:
المهم
البي ام :
مميزاتها : عربية المانى , موتور طبعا افضل بكتييييييير عن 128 , عربية اعتمادية خصوصا فى ظروف الجو اليومين دول بس لو حالتها حلوة , تكيف , كماليات اكتر من 128. ثبات على الطريق
العيوب : قطع الغيار هتدور عليها شوية مش مرطرطة ذى ال 128 و طبعا قطع غيار أغلى من ال 128..

ال 128:
مميزات : عربية لو حالتها نظيفة مش هتتعبك , صغيرة و سهلة الركنة , مش هتخاف عليها قوى زى ال بي ام , قطع غيار بالهبل و رخيصة جدا.
العيوب : ثبات ضايع على الطريق السريع , مفيش تكيف , عربية تتنقل بيها فقط مفيهاش اي متعة فالسواقة

اخيرا انت اللى هتحسم اختيارك طبقا لرغبتك و ميزانيتك للصيانة.

**hamaka** · 01-06-2013 12:48 AM

الحالة اللى هى اللى هتحسم قرارك ، اللى حالتها أحسن اتكل على الله بعد الاستخارة و دوس فيها ، لو الاتنين حالة كويسة هات البى ام طبعاً ، لو الاتنين حالة تعبانة و لسة هتصرف هات ال 128 عشان مصاريفها فى المجمل أقل....

**A3SAR** · 01-06-2013 01:12 AM

طيب معلش اسف علي الاطاله
انا شوفت عربيات لادا سمارا !!
ومستغرب من اسعارها بالنسبه لمميزتها
ايه عيوب العربيه دي .. ؟
الكل بيشكر فيها رغم ان الاسعار بتبدأ من 14 الف جنيه واول موديل منها 1988 ؟
وناعمه وباور ؟؟
ايه رايكم فيها ؟

**alzelafy** · 01-06-2013 02:23 AM

ال 28 عمليه داخل البلد لكن مش عربيه سفر و امان على الطريق ..... الادا حلوة بردو لكن شكلها مش عاطفى و صوت موتورها زى الكراكه .... لو تزود شويه و تجبلك سويفت يبقى تمام

**A3SAR** · 01-06-2013 02:28 AM

alzelafy علي فكره اللادا سمارة شكلها حلو مش زي 2105 او 2107 خالص
والكل بيشكر فيها وبيقولوا صوتها برضه مش زي اللادا العادي

**Terrible_DaRsH** · 01-06-2013 02:32 AM

البى ام هتقرفك فى قطع غيارها وغالية جدا مقارنة بال 28

وفى التصليح كمان ال 28 اسهل بكتير جدا واى حد يصلحها

لو البى ام فيها تكييف وشغال تمام افضلها عن ال 28

**blazer** · 01-06-2013 02:38 AM

دور على لادا 2017 ,, العربيه دى لو حالتها نضيفة هتريحك بإذن الله جدا
كانت معايا وعربيه عمرها ما قالت لا وكل مشاكلها بسيطة جدا ومقدور عليها ولما بتتشد بتبقى زى الاسد بعكس ال 128 الى بحس انها علطول مخلعة مهما علمت فيها

**A3SAR** · 01-06-2013 02:42 AM

2107 مع والدي وسوقتها كتير جدا وسافرت بيها مطروح كمان
مشكلتها بتسخن جدا و كمان خشنه اوى وبتتعب في السواقه بصراحه
هل السمارا كده ولا مريحه في سواقتها ؟

**nesr6060** · 01-06-2013 02:47 AM

طبعا البى ام احسن بكتير بس بى ام بالسعر ده 18 الف اكيد مش موديل 87 مستحيل الا لو كان فيهاا حاجه لان الموديل ده بيبتدى معاك من 30 الف وفى منه بيوصل ل 50 واكتر كمان

والادا سمارا مشاكلها على ما اظن نشفه شويه فى السواقه و قطع غيارها اغلى من 128 وايعاده بيعها اكيد اصعب من ال 128
وعدك فى الرينج ده كمان ال لادا نيفا وبرده ناشفه
وفى ستروين ِax ومكيفه و رخيصه وبنفس كفاءه ال 128 بس مش اى حد بيشتغل فيها وقطع غيارها برده اغلى و اوعى تنسى انها 1400 سىسى يعنى اشد من ال 128
وفى عربيه رينو كليو انا اشجعها طبععا اكتر واحده لو انت مبتبصش لوار قطع الغيار ولو انت من القاهره او الجيزه لان انا شايفها عمليه عنهم لكتير
وفى الماروتى بس فى السفر تعبانه
وفى البيجو 205 زى الرينو ويمكن عمليه عنها شويه وقطع غيارها الصراحه معرفشى بس تقريبا ارخص من الرينو كليو وفى حاجات تانيه بس معلشى انا مش فاكر والله هاحاول افتكر واققولك