نظرة للسوق رقم 2 - سكودا رابيد 2013 مانيوال بـ160 الف جنية سلم لي على الاوروبي

يعني اكيد شوفنا موضوع ده
http://www.nilemotors.net/Nile/360460-a.html

وكلنا دخلنا وردينا والكل قال اوروبي اوروبي طيب

سبحان الله انا كنت منتظر برضه الاوروبي اشوفه ايه اسعاره يعني اكيد كيا هترفع الاسعار هتلاقي الاوروبي واقف يضحك لأ طبعاً

شوفنا سكودا رابيد 2013 الجديدة عبر هذا الرابط
http://www.nilemotors.net/Nile/360660-2013.html

وكانت الصدمة الكبرى

عربية مانيوال مفيهاش الا ABS وبـ160 الف جنية هاي لاين اعلى فئة ايه ده ؟؟؟

ده جنان ؟ حقيقة ولا احنا بنحلم ؟؟؟؟؟؟

امال فين كلامكم يا اساتذه ان وسائل الامان في الاوروبي Standard ؟؟؟؟؟

العربية اعلى فئة نازله بـABS بس ؟؟؟؟؟؟؟؟؟

فين الـStandard بقى في وسائل الامان ؟؟؟؟؟؟؟

دى عربية Sub-Compact Car
يعني في فئة ايه ؟
Kia RIO
انجح سيارات كيا حالياً لو عملنا مقارنة بسيطة بتوقف طبعاً المقارنة عند وسائل الامان والفتيس

كيا ريو هاي لاين

اوتوماتيك
ABS
EBD
2 AIRBAGS

السعر 147 الف جنية

سكودا رابيد اعلى فئة

مانيوال
ABS

السعر 160 الف جنية

هسيبكم مع رد ليا جوه موضوع سكودا رابيد الجديدة

اقتباس:

---

المشاركة الأصلية كتبت بواسطة 2CODE

انا دلوقتي مثلاً بعمل مقارنة بين عربيتين في نفس التصنيف والفئة (رابيد + ريو)

هنطلع الاكسنت طبعاً لان الريو متفوقه عليها في المواصفات بالكامل

وطبعاً مش عارف انت بتجيب سيره الصيني ليه في مقارنة مع السكودا او الكيا

انا بجد عايزك تشوف الخامات بتاعة الشكل الجديد للريو او السيراتو الشكل الجديد انزل المعرض بكرا توكيل كيا وشوف التصميم والخامات


وقارن بقى عربية "مانيوال" مفيهاش الا ABS بعربية اوتوماتيك فيها ABS - EBD - 2 AIRBAGS

يا فندم متقوليش صاج دلوقتي ما كنا زمان بتقول لنا ان الاوروبي عوامل الامان فيه Standard ايه اللي حصل دلوقتي ؟

احنا مش عايزين نوصل لمرحلة نشوف فيها قوة الصاج انا عايز وسائل تمنع عني الحوادث بعد يد وعون الله سبحانه وتعالى

هسيبكم بس مع صوره لتابلوه الريو هاي لاين 2013 وتابلوه السكودا رابيد هاي لاين 2013

سكودا رابيد 2013 الشكل الجديد
http://imageshack.us/a/img153/5120/dscf6635p.jpg

كيا ريو 2013 الشكل الجديد

http://image.automotive.com/f/featur...o-Interior.jpg


باين جوده الخامات من الصور مش عايزه كلام

كفاية بس زراير التكييف :Zb_sor1[1]:

http://imageshack.us/a/img854/5333/dscf6626x.jpg

ايه ده عربية من سنة 2000 ؟؟؟

كيا ريو 2013 زراير التحكم في التكييف

http://image.motortrend.com/f/2013_k...er_console.jpg

يعني مش عايزه كلام يا فندم بجد الخامات والجودة والتصميم باينه جداً

احنا بنتكلم برضه عن بيتر شراير في كيا مش اي حد ومش عايز تعريف هو معروف جداً :plusone1:

ده غير لو دخلت في المواصفات الدقيقة هنلاقي فروقات كبيره في الكماليات - للاسف المقارنة لا تجوز فقط لمجرد وجود فتيس مانيوال 5 سرعات في فئة "الهاي لاين" مقابل فتيس اوتوماتيك في الهاي لاين

طبعاً سيارة فقيره ولا ترتقي لمستوي سكودا والمنافسة نهائياً

---

للعلم سكودا رابيد هتتصنع في مصنع سكودا في الهند وقلنا ارحمونا من تصنيع السيارات في الهند مش عايزين نكرر مشكلة النيسان صني وهي بتتصنع في الهند دي

المقارنات اللي عملتها بسرعة كده للعربية

دي اول مشاركة ليا في موضوع سكودا رابيد
http://www.nilemotors.net/Nile/3875020637-post9.html
ده ردي وباقي ردودي اللي عايز يتابعها في الموضوع
http://www.nilemotors.net/Nile/3875020975-post42.html
وده اخر رد ليا هناك
http://www.nilemotors.net/Nile/3875020988-post44.html


:Zb_sor1[1]:
ايه رأيكم دلوقتي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

فعلا انتا بتتكلم صح
على الرغم من انى من كارهى الكورى بوجه عام
لكن فى عربيات اثبتت فيه وجودها
ازاى انا ادفع 160 الف فى العربية دى
انا شوفتها على الطبيعة
التصميم الداخلى هى الفابيا يس بشكل جديد
لا انا كمل 5000
واركب كروز عربية محترمة
وواسعة شكلها الى حد ما كويس
انما فى بعض العربيات فى الاوروبى بقت مستفزة
فى اسعارها !

حضرتك هات ، اوبل استرا ، اوكتافيا ، بيجو ، سيتروين ، جيتا ، باسات ، جولف ، فلوانس ، لوجان ، سيات ليون ...الخ

، هات ، سيراتو ، النترا ، ريو ، كارينز ، اكسنت ، سبورتاج ...الخ

قارنهم في السعر دلوقت هتلاقي الاوروبي اغلى حاجة بسيطه او نفس السعر
هتقولي شكل التابلوه و شكل العربيه فالكوري افضل و لكن المفروض متعتبرش من العيوب لانها اذواق

لكن عايزك بقا تهلك العربيات دول استخدام مستمر لمدة ٤ سنوات مثلا و تعال قارن بعدها ، هتلاقي الكوري الاعطال كترت جدا جدا و العربيه شخللت ،، لكن تعال شوف الاوروبي هتلاقيه محافظ على مستواه

و هات العربيات دي و دخلها حوادث ع سرعة ١٠٠ مثلا و وريني الفرق بين اللي هيطلع من الكوري و الاوروبي


من الاخر لما كان الكوري اسعاره من ١١٠ ل ١٦٠ الف كان حلو جدا و رائع و كان افضل الاختيارات ، لكن لما سعره بقا من ١٦٠ ل ٢٤٠ ف ده يبقا تهريج الصراحة ، انا بالسعر ده ٢٤٠ ، اركب مرسيدس ، بي ام ، جي ام سي ، دودج...الخ في اي دوله من دول الخليج

عادى جدا ولا كأنها نزلت السوق , 160 الف ومانيوال فى عربيه فى الفئه دى , عشان حد يشتريها عايزلها واحد غاويها

دا حتى البولو اختها تبقى أولى ب 160 الف اوتوماتيك تبترونيك مش dsg وتقفيل هندى زى الفل :)

اقتباس:

---

المشاركة الأصلية كتبت بواسطة youssef_u

حضرتك هات ، اوبل استرا ، اوكتافيا ، بيجو ، سيتروين ، جيتا ، باسات ، جولف ، فلوانس ، لوجان ، سيات ليون ...الخ

، هات ، سيراتو ، النترا ، ريو ، كارينز ، اكسنت ، سبورتاج ...الخ

قارنهم في السعر دلوقت هتلاقي الاوروبي اغلى حاجة بسيطه او نفس السعر
هتقولي شكل التابلوه و شكل العربيه فالكوري افضل و لكن المفروض متعتبرش من العيوب لانها اذواق

لكن عايزك بقا تهلك العربيات دول استخدام مستمر لمدة ٤ سنوات مثلا و تعال قارن بعدها ، هتلاقي الكوري الاعطال كترت جدا جدا و العربيه شخللت ،، لكن تعال شوف الاوروبي هتلاقيه محافظ على مستواه

و هات العربيات دي و دخلها حوادث ع سرعة ١٠٠ مثلا و وريني الفرق بين اللي هيطلع من الكوري و الاوروبي


من الاخر لما كان الكوري اسعاره من ١١٠ ل ١٦٠ الف كان حلو جدا و رائع و كان افضل الاختيارات ، لكن لما سعره بقا من ١٦٠ ل ٢٤٠ ف ده يبقا تهريج الصراحة ، انا بالسعر ده ٢٤٠ ، اركب مرسيدس ، بي ام ، جي ام سي ، دودج...الخ في اي دوله من دول الخليج

---

اديك قولت بنفسك في السعر ده اركب البي ام في دول الخليج هههههههههههههههه
مش عندنا يعني في مصر :eee:

تعالا بقى بتقول لي على الحوادث - متخفش متجربة وعلى سرعة من 120 الي 150 ودي تفاصيل الحادثة

http://www.nilemotors.net/Nile/333433-a.html

شوف السرعة كام وشوف العربية ايه اللي حصل لها والسواق طلع سليم من غير خدش

ايه رأيك بقى ؟؟؟؟؟؟؟؟؟؟؟؟؟؟؟؟؟؟؟

ولو عايز ياسر الصياد اللي عمل الحادثة دي بنفسه في الموضوع هنا بسيطة جداً اجيبه لك يتكلم معاك زي ما انت عايز

ولعلمك انا مش هتكلم عن الكوري دلوقتي طبعاً لان لو هتكلم عن الكوري دلوقتي فطبعاً اقل شئ تعيشه العربيات وهي بمستواها دلوقتي بعد التطور اللي وصلت ليه تعيش اقل شئ 6 سنين بدون اي مشاكل لكن هقول لك كوري زمان اللي انا زمان مكنتش ببص له اساساً - هيونداي اكسيل بشوفها لغاية دلوقتي في الشارع وهي من سنة 2005 تقريباً يعني ليها حوالي 8 سنين يا فندم وشغاله وماشيه

ما كفايانا يا جماعة كلام بدون ادلة ؟؟؟؟؟؟

ياريت اي حد يرد يجيب حجته ودليله وانا موجود في كل ردودي بأدلة وبصور

بتتكلم عن الاسعار طيب ما انا قارنت لك الريو بالرابيد اهو فوق ؟؟؟؟؟

عربيتين في نفس الفئة والاتنين هاي لاين

السكودا هاي لاين 160 الف جنية ومانيوال !!!!!!!!!!!!!!!!!!!!!!!!!
والاغرب فيها ABS بس !!!!!!!!!!!!!!!!!!!

تعالا الريو هاي لاين 147 الف جنية واوتوماتيك ووسائل الامان عالية
ABS
EBD
2 AIRBAGS

يبقى عايز تقارن اهو قارنا في السعر هو انت شايف ان فرق السعر 147 الف من 160 في عربية اولا مانيوا من اوتوماتيك وعربية مفيهاش وسائل امان من عربية فيها وسائل امان ده فرق قليل ؟؟؟؟؟؟؟؟؟؟
:eee::eee::eee::eee::eee::eee::eee::eee::eee::eee::eee::eee::eee::eee::eee:

لو حضرتك شايف كده يبقى مبرووووووووك عليك العربية وروح اشتريها

ومتخفش كل اسعار الاوروبي في الزيادة وبدأت السكودا مانيوال 160 الف جنية في سكودا رابيد طيب الفانتازيا الجديدة هتبقى بكام ؟؟؟؟؟؟؟؟؟؟؟؟؟؟؟؟؟

ولا على ايه يا ترى الرابيد الاوتوماتيك هتبقى بكام ؟؟؟؟؟؟ :aloha::aloha::aloha:

يعني متستعجلش كلها ايام وهتشوف كل شئ - للاسف الاوروبي فقد اهم ميزه فيه يا فندم وهي وسائل الامان Standard في كل الفئات زي ما بتقولوا واشوف ان ABS في الهاي لاين بصراحة :Zb_sor1[1]: واكررها مليون مره

انا شايف ان شكلها الخارجي بس اللي حلو غير كدا لا ايه الهجص اللي في العربيه دا

اقتباس:

---

المشاركة الأصلية كتبت بواسطة hosam_optrawy

عادى جدا ولا كأنها نزلت السوق , 160 الف ومانيوال فى عربيه فى الفئه دى , عشان حد يشتريها عايزلها واحد غاويها

دا حتى البولو اختها تبقى أولى ب 160 الف اوتوماتيك تبترونيك مش dsg وتقفيل هندى زى الفل :)

---

هههههههههههههههههه
عسل والله يا حسام وفي انتظار الفانتازيا يارب منتصدمش تاني بجد حرام الشركة دي هتموت كده

يعني الرابيد ونزلت بالشكل ده خلاص راحت مفيش حد حتى هيجيب سيرتها

والفانتازيا نازلة بفتيس dsg وما ادراك ومشاكل الفتيس ده ييبقى حرااااااااام اشتريها والناس كلها خايفة منه ومن مشاكل الا نهائيه

والبقية تأتي - خسارة والله

غريبة كنا سامعين اسعار تانية اقل

هونداي اكسيل من 94 مش 2005...

العربيات الكوري اثبتت اعتماديتها من زمان...

في الخليج الاوروبي مش بيبيع حاجة جنب الكوري والأمريكي والياباني...
مش معناه ان الأوروبي وحش لكن حساب السعر مقابل القيمه بالإضافة للصيانه اللي لابد من حد متخصص جدا غير قطع الغيار هتلاقي الأوروبي يخسر وبشده...
تحياتي

Sent from my LT18i using Forum Runner

اقتباس:

---

المشاركة الأصلية كتبت بواسطة dr.hazem

هونداي اكسيل من 94 مش 2005...

العربيات الكوري اثبتت اعتماديتها من زمان...

في الخليج الاوروبي مش بيبيع حاجة جنب الكوري والأمريكي والياباني...
مش معناه ان الأوروبي وحش لكن حساب السعر مقابل القيمه بالإضافة للصيانه اللي لابد من حد متخصص جدا غير قطع الغيار هتلاقي الأوروبي يخسر وبشده...
تحياتي

sent from my lt18i using forum runner

---

كلامك صح هنا الاوروبي في السعودية ملهوش سوق خالص وطبعا ده بيترتب عليه صيانة + قطع غيار + إعادة بيع ......... مش عاوز اقولك هنا الكوري رقم واحد لأني فعلا معظم العربيات اللي بشوفها في الشارع كوري دلوقتي ولكن على الاقل رقم 2 بعد التويوتا .......... وسعر الكوري هنا قرب جدا من الياباني يعني مثلا الاكسنت والياريس الفرق بينهم 2000 ريال بس والناس بتشتري الاكسنت برضه .......... ده غير محلات قطع غيار الهيونداي اللي بقت عامله زي محلات البقالة بالظبط ........... يعني كله في صالح الكوري والعربيات بتعيش الحمد لله وثابته نفسها جدا وشكرا