مشكله ا لتنتيش و بلف ال egr

**rabso88** · 01-06-2013 03:23 PM

السلام عليكم
عندى مشكله فى العربيه من حوالى سنه و نصف تقريبا و ما كنتش عارف حلها ايه فى عربيتى النوبيرا و كانت ان العربيه مع دوسه البنزين تنتش و العربيه تروح لادام و ورا
بالصدفه البحته من اسبوع كدا كنت بغسل المكنه فى البنزينه و بتكلم مع عامل التنظيف اوصيه على غسيل المكنه و بقولو خلى بالك انا مش عايز مشاكل بعد التنظيف كفايه اللى عندى العربيه بتنتش و انا ماشى بيها اول ما ازود بنزين قالى بسيطه قام شايل الخرطوم اللى واصل ب بلف ال egr و قالى ابقى جرب و ادعيلى المفاجه ان المشكله اتحلت ازاى مش عارف حد عنده فكره عن ايه اللى حصل

**islamnasser10** · 01-06-2013 03:54 PM

متابع

**MITSUKERO** · 01-06-2013 04:00 PM

متابع

**besso** · 01-06-2013 04:49 PM

لو زى ما انا فاهم يبقى الصمام ده وظيفته انه يقلل من التلوث
عن طريق انه بيدخل كميه من العادم للماتور علشات تتحرق من جديد
وده بيقلل درجه حراره العادم علشان ما يديش فرصه لتكون اكاسيد النيتروجين (لانها ضاره جدا)

تقريبا كده الصمام ده بايظ عندك ومابيقفلش كويس فابيدخل كميه كبيره من العادم

**a_arazik** · 01-06-2013 05:18 PM

بلف erg كان قافل ومبرجل العربيى وحلة انك تفكة وتلغية ودة موضوع بيتكلم عنة
http://www.nilemotors.net/Nile/176742-egr.html

**rabso88** · 01-06-2013 06:28 PM

بس اللى عامل البنزينه عمله انو شال الخرطوم الرفيع الى واصل بيه بس
يعنى البلف مش واصله حاجه غير انو راكب فى الموتور و لما برفع البلف ون تحت العربيه بتبرجل و تحس انها هتبطل
السؤال لو لغيت البلف ده ما ياثرش على الموتور فى حاجه؟

**besso** · 02-06-2013 04:14 PM

لا مش هايأثر على الموتور

هو اصلا الصمام ده بيشتغل بالخلخله لما بتاع البنزينه شال الخرطوم هو كده وقفه عن العمل مالوش لازمه يعنى

بس كده هايزود الضرر على البيئه وهى مش ناقصه ضرر اكتر من كده
فلو فيه امكانيه لتغييير يبقى غيره احسن

**a_arazik** · 02-06-2013 05:25 PM

المشاركة الأصلية كتبت بواسطة rabso88

بس اللى عامل البنزينه عمله انو شال الخرطوم الرفيع الى واصل بيه بس
يعنى البلف مش واصله حاجه غير انو راكب فى الموتور و لما برفع البلف ون تحت العربيه بتبرجل و تحس انها هتبطل
السؤال لو لغيت البلف ده ما ياثرش على الموتور فى حاجه؟

مش هيأثر عللي حاجة لاتقلق اعمل زي الموضوع فوق بيقولك

**mero100** · 03-06-2013 11:08 AM

نفس النتشه دي عندي في اللانوس من أول ما جبتها .. بس بتحصل في الجو الحر مع تشغيل التكييف و بعد حوالي نص ساعه سواقه . بالليل و الصبح بتبقي العربيه زي الفل .

سنتين مش عارف السبب و لا التوكيل عارف السبب .
تم تغيير الأتي بلا جدوي:
‏1- بوبينه .
‏2- طلمبه بنزين .
‏3- سلوك بوجيهات .
‏4- بوابه .
‏5- ‏tps ‎‏ .
كل ده بلا جدوي .
و الكمبيوتر ما بيسجلش أي ‏error‏ ولا لمبه ال ‏check ‎‏ بتنور .

الشك الأن في حساس الشكمان .

و إنهارده أنا حجرب أفصل خرطوم ال ‏egr ‎‏ و أمشي بيها و أجرب .