الموضوع: مقارنة بين سكودا رابيد - كيا ريو

المشاركة الأصلية كتبت بواسطة inspiron

باشا،،كل الاحترام والتقدير لشخصك المحترم

لو حضرتك راجعت مواضيعي اللي بكتبها،،عمري ما عملت موضوع مقارنة عشان اقول فيها العربية دي احسن من دي،،لكن لو حضرتك بصيت علي الموضوع اللي اتثبت عن الرابيد هتلاقي من اول رد هجوم علي العربية ومقارنتها مع عربية اقل منها في المجمل العام. ولما الواحد يتكلم في الصح في موضوع تاني يتقال عليه انه مش منطقي و مش موضوعي وبيضلل الناس و بيضحك علي نفسه وعليهم،ومنحاز،،ويدعي علي نفسه الحيادية،ولو كلمته في نقط علمية زي net و gross كده يقولك سيبك من الكلام ده،،طب ايه صباح الفل يعني اومال انت عاوز تسمع انهي كلام؟؟ اللي يمجد في حاجتك بس؟

بالنسبة للتقليل من شأن الطرف الآخر فأعتقد اني مقللتش من شخص حد ولا لسِنت عليه بأي لفظ أو صفة !! لو حضرتك شايف غير كده واعيني وأنا أعتذر،،بخصوص القوالب والانصاص فأنا ممسكتش حد وقولتله انت قالب او انت نص!! جملة عابرة وقولتها في حديث،،زي لما واحد يقولك ده زمن أخبر أو الدنيا ماشية بضهرها،،ده يبقي قليل الأدب مثلاً ومش محترم وقهوجي عشان قال كده ؟؟؟؟؟؟ شر البلية ما يضحك

أحيط علم سيادتك إن العضو الفاضل ممثل فريق كيا في أحد المواضيع في قسمه قال في رد علي واحد (ده قصر ديل ) حاجة من هذا القبيل ،، تقدر تراجع مشاركاته،،فاذا كان هو متعود انه يكلم الناس بالاسلوب الساخر ده في قسمه،،فهو دخل القسم الغلط لأن محدش هيسمح بتجاوز هنا

وأخيراً ،، أنا جايز أكون اختلفت كتير في الرأي مع ناس،،ومنهم أستاذ أحمد عبد الهادي ،، الله يمسيه بالخير،، ممكن حضرتك تسأله إختلفنا كام مرة،،لكن ان لم تخونني الذاكرة عمرنا ما تجاوزنا في حق بعض في النقاش ،، حتي لو كان في سخرية في النقاش،،عمرها ما لمست شخص حد.. آسف علي الإطالة بس حبيت أوضح موقفي لحضرتك

تقبل تحياتي

تحيه موصوله
انا متابع لقسم سكودا وحقيقي سعيد انه صحصح جدا بفضل التيم بتاعه

المهاترات والسفسطه والرعونه والتطاول والجحود ديه حاجات كلنا بنعاني منها لدرجات من اعضاء جداد او قدام حتي مش بيعنيهم غير حاجه واحده فقط التقليل من الاخر واثبات صحه وجهه نظرهم حتي بالباطل .

تعليقي علي الموضوع ده انا مش في دور القاضي

كل ما هنالك ان كان نفسي ان مثلا حضرتك مادام لقيت الحوار مش مجدي وان فيه طرف من وجهه نظرك متجاوز كنت استخدمت القواعد بتاعت المنتدي ورفعت تقرير مشاركه
او علي الاقل مكنتش استدرجت للرد

نصيحتي لحضرتك اللي انا عارف ان همك الوحيد افاده الاعضاء وتقديم صحيح المعلومات لهم

انك تعرض اللي عندك واللي يتقبلها فمرحبا ومن يرفضها فاذا كان له وجهه نظر تعتبر يناقش فيها اثراءا للحوار واستكمال للفائده

اما اذا كان بغرض التقليل من الراي فيترك والاعضاء كفيله بتمييز الغث من السمين

وشكرا