الحرارة بقت تعدي 90 بعد ما غيرت شجرة المياة

**mahmoudysf** · 28-06-2013 06:55 PM

السلام عليكم
قمت بتتغيير شجرة المياة في اوكتافيا a4
عشان كانت بتجيب مياه وعشان كانت اللمبه منورة والعطل خاص بالثرموثتات ومع ذلك كانت الحراة لا تتعدى 90
وبعد التغيير بواحدة اصلي ب 770 جنية من ابو الحسن
الحرارة بتعدي التسعيتن بشرططين وده بيحص بس عند سرعات 80 فيما فوق وعند الضغط على دواسة البنزين وعند ترك الدواسة بيرجع المؤشر ل 90 عادي في ثانية
يا ترى تكون ايه المشكلة

**windofchange** · 28-06-2013 06:57 PM

اعتقد والله اعلم الثرموستات بتاع الشجرة الجديدة مش مظبوط صح وبايظ وده لان المفروض تكون 90 وهو المسئول عن كده طيب وثرموستات الشجرة القديمة لو سليم ركبه فالجديدة

**mahmoudysf** · 28-06-2013 07:04 PM

طيب ولو مش مظبوط ليه الحرارة ما بتعلاش وتعدي ال 90 والعربية على السلانسية او لو ماشية بسرعة بطيئة

**YHYAKOTB** · 28-06-2013 07:41 PM

المشاركة الأصلية كتبت بواسطة mahmoudysf

طيب ولو مش مظبوط ليه الحرارة ما بتعلاش وتعدي ال 90 والعربية على السلانسية او لو ماشية بسرعة بطيئة

عشان وحضرتك دايس على البنزين ضخ المياة بيزيد بس الترموستات خانق عليها انما على السلانسية مبيبقاش فى ضغط مياة

**Recaro** · 28-06-2013 09:20 PM

لو شجرة الميه عند حضرتك بلاستيك سوداء وفيها فيشة كهرباء وبعد التغيير ظهر عندك مشكله فانا اتعرضت للعيب ده قبل كده وطلع من القطعه الجديده، كان نوع مكتوب عليه ألمانى فى علبه ازرق فى احمر مش فاكر الماركه بالظبط كان اوتو ران ولا تو ران المهم فكيتها وركبت قطعه أصليه والحمد لله العيب اختفى.

**mahmoudysf** · 29-06-2013 08:38 AM

المشاركة الأصلية كتبت بواسطة recaro

لو شجرة الميه عند حضرتك بلاستيك سوداء وفيها فيشة كهرباء وبعد التغيير ظهر عندك مشكله فانا اتعرضت للعيب ده قبل كده وطلع من القطعه الجديده، كان نوع مكتوب عليه ألمانى فى علبه ازرق فى احمر مش فاكر الماركه بالظبط كان اوتو ران ولا تو ران المهم فكيتها وركبت قطعه أصليه والحمد لله العيب اختفى.

الشجرة دي اللي فيها حساس الحرارة (لونة اخضر)وفيها الثرموثتات والفيشة بتاعتة سودة يعني بيركب فيها فيشتين واحدة حساس حرارة وواحدة للثرموثتات وانا جايبه اصلي من ابو الحسن ب 770 جنية
حضرتك تقصد ما ركة اسمها توبران
طيب كدة انا هروح لابو الحسن فهل هيرضى يغيرها بعد ما ركبت