الموضوع: تقييم كامل بيجو 301

المشاركة الأصلية كتبت بواسطة uoko000

انا عامل بالعربية 180 كيلو فقط ( اتوماتيك الفئة المش هاى لاين ) وملاحظتى على العربية ( انا مش خبير لكن سائق عادى جداا )
* العيوب:
- الكبوت مش قوى من عند مساحات العربية ضعيف جداً
- لما بشيل ريجلى من على البنزين والسيارة مازالت تتحرك بسمع صوت بس مش عالى زى الزنة وكذلك لما بدوس على الفرامل والعربية لما بتكون ماشية في طريق زحمة جدا بسمع صوت لما بدوس فرامل
- صوت العربية عالى بس مش عالى جدا
- عزل العربية مش كويس
- النتشة من الاول الى الثانى مش عاجيبنى خالص واضح جدااااااااااا لو حابيت ازود بنزين بحس انى بحرق على السيارة زى المانيوال
- صوت العربية بيزيد وبيعلا لما بعدى سرعة 100

* المميزات
- العربية خاماتها من الداخل كويسة اوى
- واسعة جداااااااا من الداخل الكنبة والكراسى مريحة ، وشنطة العربية واسعة جداا
- العربية عالية جداااااااااااااااا من على الارض
- اول مرة في حياتى اجيب 140 والعربة ثابتة جدااااااااااا وماكنتش خايف خالص على طريق n.a وحاسس انى متحكم في السيارة عكس الاكسنت حبيبتى
- العربية سريعة مجرد ان احط رجلى على دواسة البنزين العدد بيقرب من سرعة 100 علاطول :) ولوسرحت العداد شغال
- الفرامل تحفة ( الله أكبر )

في مجمل السيارة كويسة جداا

سؤال هل يمكن اركب فيها سينسور ركن وسعرة كام في التوكل ولو ركبته خارج التوكيل هل بيلعب في ضفيرة العربية وبتخرج برة التوكيل ؟

ربنا يباركلك فيها
بص ياباشا ان شاء الله الصوت العالى ده بيقل تدريجيا لحد ماتوصل ل 3000 كم
بالنسبه للاصوات ال حضرتك بتسمعها اسأل عليها وقولهم عليها فى صيانة ال 2500 كم
و بالنسبه للنتشه اعتقد حضرتك اكيد شاريها من بره التوكيل يعنى هي نازله من كذا شهر
لان التوكيل فيه سوفت وير جديد بيصلح النتشه دى برضو هيتسطب فى صيانة ال 2500 كم

ولو حضرتك متعرفش صيانة 2500 دى بتبقا تشييك على السوائل و تربيط العفشه تنزيل السوفت ويير فقط مش بيتغير حاجه ولا حتلا الزيت

اول صيانه فعليه فى صيانة ال 1000 كم

المشاركة الأصلية كتبت بواسطة s.hasan

اول مرة اعرف ان مووضع النتشة دي بتروح بسوفت وير مع اني قريت قبل كده هنا في المنتدي انها موجودة في كل الاوربي وناس قالت انها علي حسب الضغط علي الدواسة !!!!

لو انت متعود عليها و عودت رجلك على انك تفاديها او بمعنى اصح تعالجها برجلك هتنساها او مش هتاخد بالك منها اصلا
ده لو انت منزلتش السوفت ويير
اما لو نزلت السوفت ويير هتلاحظ انها خفت شويه لكن مازالت موجوده شبه منها

يعنى المسأله اصلا مش عيب