تقييم كامل بيجو 301

**MuhamedNabil** · 02-06-2013 01:02 PM

http://nileup.com/up/uploads/nilemotors_13701132732.jpg

الف مبروك العربية حلوة جدا و على فكرة الماتور هو بتاع 307 موتور كويس و ملوش اعطال الحمد لله. الكود بتاعه TU5JP و ده معناه ان قطع الغياره موجود فى السوق من اول يوم للعربية. و غالبا الفتيس برده بس مش متأكد. على العموم الفتيس الكود بتاعه AL4 ممكن تشوف فى المانيول بتاع العربية.
ممكن يبقى فى اختلافات فى القواعد او بعض لحجات .

حاجة تانية المفروض ان مسامير العجل بتاع الجنط السبور فيهم واحد ليه سبيشيل كى, اتأكد من الموضوع ده بنفسك.
استعمل الكلبس الاصفر الفى العدة بتاعت تغيير الكوتش و شيل الغظاء الكروم من على مسامير الجنط.
و شوف لو لقيت واحد شكله مختلف يعى الرأس بتاعو مدور مش مسدس يبقى لازم تتأكد انك استلمت اتنين سبيشيل كى بتع المسامير دى و تخلى بالك عليهم زى عنيك عشان منغيرهم مش حتعرف تفك الجنط و تقول للبيغيرلك كاوتش ميربطش عليهم جامج زى التنيين عشان ميفوتوش.

**hossam_elwani** · 02-06-2013 01:23 PM

المشاركة الأصلية كتبت بواسطة formulator

مبروك عـ العربية وربنا يديك خيرها ويكفيك شرها..

:zb_sor1[1]:
بس الكلام ده مش مضبوط؟!
لو الضغط فـ الكاوتش 32psi: يبقى المقياس (لو مضبوط/calibrated).. هيقرأ الـ32

النيتروجين بيتملى والكاوتش راكب عـ الجنط ياحسام! (من غير مايفك ويركب -ويحتاج يرصص)؟!!
- بيفك البلف ويفرغ ضغط الهواء كله.. ويركب البلف تانى::
- بينفخ الكاوتش نيتروجين مرة أو أكثر، ويفرغه (لضمان خروج كل الهواء).. ويملأ مرة أخيرة نيتروجين.

Rgds،

شكرا على التوضيح

انا كنت ملاحظ فى موضوع تانى هنا فى المنتدى انه بيتم سحب الهواء بماكينة سحب الهوا قبل مايعبى النيتروجين

وبيخلى الكاوتش مكرمش زى اكنك طبقت ورقه وده نتيجة تفريغ الهوا ... هو مش الطريقه دى غلط على السلك الى جوا الكاوتش ؟؟

وهل هى متبع فى كل محطات ومحلات تعبئة النيتروجين ؟؟

المشاركة الأصلية كتبت بواسطة mohjarr

العامل يقوم برفع جانب السيارة ثم يفك البالف ليقوم بإخراج جزء من الهواء ثم يقوم بتركيب البالف مرة أخرى و يوصل خرطوم جهاز النيتروجين و يقوم بظبطة على 2.2 بار و عندما يبداً الجهاز يقوم بسحب المتبقى من الهواء ثم يبدأ فى ضخ النيتروجين .

كلفك كام؟؟

وشكرا

**Ahmed Amin** · 02-06-2013 01:47 PM

لا مش غلط. وجهاز النتيروجين نفسه هوا اللي بيعمل العملية دي مش جهاز تاني. عشان يبقي سحب كل الهواء من داخل الاطار. قبل ملئها بالنيتروجين مباشرة وهيا فارغة كلياً.
وعشان لو جهاز تاني سحب الهوا بعدين شيلت الفردة واخدتها علي جهاز النيتروجين هيدخلها هوا. حتي لو شوية. .!
لانك او فكيت البلف بس وسيبت كل الهواء يخرج من الاطار هيخرج كل الهواء المضغوط اه. بس هيفضل جوا هواء بمساحة الفردة الطبيعية.

والكرمشة دي مع اني مبحبهاش برضه بس هيا عادية. لانك لما بيكون عندك كاوتشة فاضية ونايمة عال ارض Flat Tire والعربية واقفة عليها لما بتفكها بتلاقيها ممكن تلاقيها لسه متبططة شوية كدالو وقفت عليها كذا يوم ولما بتتصلح بترجع لطبيعتها عادي.
الكاوتش متقلقش منه.
وانفخة نيتروجين بالجهاز بعد ما يتفرغ كله دا أفضل حاجة.

**Formulator** · 02-06-2013 01:48 PM

طبعا غلط ياباشا؟!! كده ممكن يبوظ الـstructural-integrity بتاع الكاوتش!!
وغلط انه يفضى الكاوتش والعربية عـ الأرض بردو (عشان سن الجنط مايعملش)!

الصح (واللى بيتعمل فـ Fit&Fix وأى مركز محترم).. انه بيرفع العربية عن الأرض -ويشتغل كأنه هيفك العجل بالضبط..

المفروض دى procedure بتتعمل لكل العربيات: لأن فيه فرد low-profile لو عمل الكلام اللى فوق ده:: هيدمر الـside-wall enforcement

فـ هو بيعمله لكل العربيات واحد!

بالنسبة للبيجو301:

حاجتين للى معاهم العربية بخصوص الفرامل والكاوتش:

1- لو الفرامل bosch زى الـ508 والـ207GT (اللى شوفتهم) بتاخد وقت على ماتطبع والتيل يبدأ يوصل للـfriction بتاعه؟!!! take-care !
بس بعد وقت بتبقى تمام
لكن لو Delphi فرنساوى it's OK بتشتغل على طول!

2- الكاوتش الميشو الـEnergy-saver ده: ناعم ومحترم وكويس وكل حاجة...
بس دى أقل فردة فـ الميشلان كلـــــــــه فـ الفرامل؟!! بردو خدوا بالكو!

الكلام ده عن تجارب فـ مقاسات أكبر 205/55R16 و 22545R17 والكاوتش كمان كان ألمانى made-in-germany ميشلان ألمانى::
وكان سىء جدا فـ الفرامل؟؟!!! ناعم لدرجة الزحلقة!!
- مش زى ماتعودنا عـ الميشو اللى بينزل فـ فـ العربيات الثقيلة oem أو الحاجات الأعلى زى الـPrimacy HP و الـPilot Sport/ Super؟!!

الإنيرجى ده كاوتش Eco مش بتاع أداء و traction وفرامل وسرعات!

Rgds،

**Ahmed Amin** · 02-06-2013 01:52 PM

المشاركة الأصلية كتبت بواسطة formulator

[color=royalblue]طبعا غلط ياباشا؟!! كده ممكن يبوظ الـstructural-integrity بتاع الكاوتش!!
وغلط انه يفضى الكاوتش والعربية عـ الأرض بردو (عشان سن الجنط مايعملش)!

الصح (واللى بيتعمل فـ fit&fix وأى مركز محترم).. انه بيرفع العربية عن الأرض -ويشتغل كأنه هيفك العجل بالضبط..

+1
يا يفك الجنط قبل ما يسحب الهوا ويملاها نيتروچين. يا يرفع العربية.
دول أصح طريقتين.

وفعلاًالكاوتش الميشلان Energy Saver نتايجه سيئة علي طرق المبتلة. Wet Roads
بس موفر في استهلاك البنزين بشكل ملحوظ جدا عن باقي انواع الكاوتش اللي في السوق وكويسعال طرق الجافة Dry Roads.
فمتهيألي محدش هيبقي عنده مشاكل معاه الصيف دا لحد الشتاء اللي جاي ودا لو الدنيا شتت كتير لأننا مش زي أوروبا.
والصيف دا شكله هيبقي ولعة جدا.

**Ahmed Amin** · 02-06-2013 03:31 PM

عديت أنت يا مهاجر باشا.
السرفيس بوكس بوظ أخلاقك.

-

-

الموضوع: تقييم كامل بيجو 301

LinkBack

أدوات الموضوع

عرض

-

المواضيع المتشابهه

تقييم i30 cw كامل

مطلوب تقييم كامل للبولو 98

مطلوب تقييم كامل شامل للماتريكس الجديدة

إذا سمحتو اريد تقييم كامل للكيا سايبا؟

بعد عام كامل و 10 الاف كم مع الجين 2 و تقييم كامل

الكلمات الدلالية لهذا الموضوع

المفضلات

المفضلات

ضوابط المشاركة