اقتباس المشاركة الأصلية كتبت بواسطة amagroup مشاهدة المشاركة
شوف يافندم اولا النتشه دي ملهاش علاقه خالص بالتسخين لانها بتحصل يمكن بعد ما اتحرك بساعه ولا حاجه
ثانيا: العربيه عامله 10000 كم بس يعني مش معقول زيت ولا فلتر ومن اول لما كانت 1000 وهي كده
ثالثا:النتشه دي بتحصل امتي
هحاول اوصف لك بالظبط

طبعا الفتيس اتوماتيك: بين النقله الاولي والثانيه لكن مش علي طول
طبعا لو الواحد قارص علي العربيه في النقله الاولي بتنقل علي التاني في rpm اعلي من لما تكون واخدها علي الهادي ولما بكون قارص كده العربيه مش بيحصل فيها النتشه دي

لما بضغط علي دواسه البنزين وبعد لما اعدي المطب وانا علي الاول المفروض يحصل تسارع وتبدأ العربيه تزيد سرعتها وبعد كده تجيب التاني
اللي بيحصل ان بعد المطب لما بدوس بنزين بتحصل خنقه للعربيه لمده ثانيتين وفجأه بتفوق تقوم تحصل النتشه دي ولما بتوفق بحس انها جت علي التاني

يارب اكون عرفت اوصلها ليكو

(( اسمع اللي ها اقولك عليه ))
الموضوع ده كان عندي وعملت التالي
1-كشف كمبيوتر ولكن (( ما بينش حاجه خالص في الفتيس ))
2-غيرت حساس السرعات اللي في الفتيس ولكن (( برده ما غيرش حاجه وكانت بتنتش ))
3-غيرت زيت وبرده كانت بتنتش (( عشوائي ))

عملت تشيك علي (( سلوك البوجيهات )) لاقيت واحد مش داخل عدل في مكانه ( بعد اخر تغيير لطقم البوجيهات وعمليه تنضيف الحواقن بالكمبيوتر ) ..(( العربية كانت بتتلت معايا وانا ماشي ))
يعني طلعت مشكله سوء توصيل فقط
طيب في حالتك ممكن نعمل ايه ..
والله (( انا شاكك في نوع زيت الفتيس )) رغم انك بتقول انه فبريكه وماكملش ال 10.000 كيلو
يبقي انا لو مكانك ..اول شيء ها اعمله (( ها اغير زيت فورا للفتيس ))
وبعد كده ابتدي احكم
وبرده نصيحه .. ما تخليش حد يدعبس في الفتيس ...

وبرده معلش يمكن اللي ها اقوله صعب شويه ..
(( كشف سريع علي البطاريه )) ونشوفها مع التحميل اخبارها ايه ..
(( كل حاجه في العربية )) ماشية بالكهربا والبنزين ..

الخلاصه
1-تغيير زيت ( برده )
2-كشف علي البطاريه وتحميلها ( مش مكلف والله )
3-كشف علي ال 4 حواقن injections
4-كشف كمبيوتر علي الفتيس
((( بس ))) ده اخري