الموضوع: استفسار هام جدا بخصوص الميجان 2 لوحوش الميجان

المشاركة الأصلية كتبت بواسطة shawkylotfy

انت بتقول ان طريقك كلة زحمة فى القاهرة بغض النظر عن موضوع الفتيس الاتوماتيك لان ليها تصريفة انما صدقنى للامانة تكيف الميجان فى القاهرة فى الزحمة هيبقى ضايع معاك الحرارة النهاردة فى القاهرة وصلت 45 فى الزحمة الراديتر والسربنتينة على مروحة واحدة فقط والسربنتينة مش كبيرة انها تبرد الفريون فى الزحمة كويس دا غير ان الكباس نفسة صغير وبيبوظ بسرعة الان بيبقى علية ضغط جااامد فى الزحمة................ من الاخر كدة العيب مش فى العربية ........ العيب فى الزحمة الى بقت غير عادية وبيقت عايز عربية خارقة علشان تتحمل الزحمة دية ..... وبالنسبة للعلبة طبعا بتتظبط...

طيب معلش عايز اعرف التكييف ده ملوش صرفه زي مثلا اجيب كباس ياباني او اركب مروحه تانيه او اعزل مواسير التكييف.. الصراحه عايز اعرف هل عيوبها معضله ولا لاء لان انا مش عايز اركب فيرنا مثلا او اوبترا حرام من الكروز انزل لفيرنا او اوبترا

المشاركة الأصلية كتبت بواسطة a_samir2011

طيب معلش عايز اعرف التكييف ده ملوش صرفه زي مثلا اجيب كباس ياباني او اركب مروحه تانيه او اعزل مواسير التكييف.. الصراحه عايز اعرف هل عيوبها معضله ولا لاء لان انا مش عايز اركب فيرنا مثلا او اوبترا حرام من الكروز انزل لفيرنا او اوبترا

والله موضوع التعديل دة هيصرف جااامد والله انا مش عارف اقولك اية انا كان معايا كيا سيفيا كان تكيفها ثلج الثلج حتى لو وقفت فى اشارة ساعة بسبب ان السربنتينة والراديتر جمب بعض مش فى وش بعض وكمان السربنتينة ليها مروحة والراديتير لية مروحة لوحدة دة غير ان كباسها كبير لما ركبت الميجان اتصدمت فى تكيفها لما بخش فى زحمة مفيش 10 دقايق التكييف يبقى ملوش لازمة وافتح الشباك ارحم مع العلم انى انا فى اسكندرية مبالك القاهرة بقى

المشاركة الأصلية كتبت بواسطة shawkylotfy

والله موضوع التعديل دة هيصرف جااامد والله انا مش عارف اقولك اية انا كان معايا كيا سيفيا كان تكيفها ثلج الثلج حتى لو وقفت فى اشارة ساعة بسبب ان السربنتينة والراديتر جمب بعض مش فى وش بعض وكمان السربنتينة ليها مروحة والراديتير لية مروحة لوحدة دة غير ان كباسها كبير لما ركبت الميجان اتصدمت فى تكيفها لما بخش فى زحمة مفيش 10 دقايق التكييف يبقى ملوش لازمة وافتح الشباك ارحم مع العلم انى انا فى اسكندرية مبالك القاهرة بقى

لا كده يبقي تكييفها تعبان فحت.... بس انا جربت تكييف الميجان الهاي لاين البانوراما والصراحه كان تلج الكلام ده كان الساعه 7 بليل هيا الدنيا كانت طبعا مش شمس بس فى حراره بس انت بردو مجرب وادري مني واكيد كشفت على تكييفك ليكون فيه تسريب او حاجه....

طيب بالنسبه للناس التانيه اللى معاهم ميجان مفيش اي مشاكل او تعليقات كده.. مفيش الا استاذ شوقي بس هو اللى رد عليا :(

انا معايا ميجان 2007، بالنسبة للتكييف،ما تقلقش انت اكيد سمعت انه مش قوي، لكن الكلمة دي مش معناها 28، التكييف مقارنة بالكوري والياباني اقل منهم، لكن مش معنى كدة ان مافيش تكييف وتفتح الشباك والكلام دا، أنا من اسكندرية وكنت في مصر النهاردة ودرجة الحرارة كانت 50والدنيا زحمة جدا، ولما شغلت التكييف، طبعا عمل فرق كبير جدا، وكان بيسقع مش بقوة الياباني لكن اكيد عامل فرق، ولما تبتدي تجري بالعربية شوية بيسقع جامد حتى في حرارة 50، اهم حاجة فلتر التكييف نظيف ويجدد بإستمرار، فريون مشحون والصيانة الطبيعية للتكييف ودورة المياة ونظافة سربنتينة التكييف، انا كان عندي التكييف ضعيف شوية، لكن بعد ما غيرت فلتر التكييف ورحت لبتاع ريداتيرات نظف دورة المياة وسربنتينة التكييف، التكييف فرق معايا جدا وبقى بيسقع كويس حتى في عز الحر والزحمة

المشاركة الأصلية كتبت بواسطة a_samir2011

السلام عليكم ورحمه الله وبركاته

الموضوع باختصار شديد ان كان معايا عربيه كروز وبعتها نظرا لظروف خاصه وبقرر اشتري عربيه تانيه اقل فى السعر فقدامي اختيارين: 1- الاوبترا 2- الميجان 2 موديل 2005 او 2006 وطبعا كل واحده منهم ليها مميزات وعيوب الاوبترا مثلا تكييف موتور عفشه وقطع غيار رخيصه وموجوده وثبات على الطريق بس شكل ضااااااااايع امكانيات مفيييييييييش.... والميجان عربيه فيها امكانيات حلوه جدا زي البانوراما الدلع اللى فى العربيه (الصراحه مش هحس بفرق اني نزلت من كروز لعربيه ااقل منها) وليها مميزات تانيه زي الثبات والامان.. او اريح راسي بقي واجيب فيرنا بس طبعا صباح الاكتئاب....

مافيش مقارنة بين الميجان والاوبترا خالص، الميجان تكسب باكتساح بس اهم حاجة تكشف عليها كويس جدا في التوكيل قبل الشراء، لو جبت عربية نظيفة حتلاقيها احسن من الكروز والسيراتو كمان

ماعلينا معلش طولت شويه لان لازم المقدمه دي علشان تحطو نفسكو مكاني وبالخبره تفيدوني فى قرار زي ده... اللى جاي بقي الاهم:
أنا مقتنع جدا بالميجان وعجباني جدا من حيث شكل وصالون وامكانيات فكنت عايز اسأل شويه اسأله كده:
1- ايه اخبار العفشه هل هي ناعمه زي الياباني ولا ناشفه وبدب فى المطبات والنقر اللى فى البلد؟

2- ايه اخبار التكييف (يعني لو شغلته فى الحر كاني مش مشغل حاجه واحسنلى افتح الشبابيك زي ال 128 كده ولا هبقي قاعد مش حران ولا هبقي قاعد بردان جوه العربيه (للعلم تكييف الكروز مكنش اوي
بس الصراحه جربت تكييف الفيرنا وكنت فعلا بردان الساعه 3 العصر وصدعت من كتر سقوعيه التكييف))؟

3- نيجي للسؤال وهو البعبع: ايه اخبار الفتيييس..يعني بيبوظ بسرعه ولا لاء ولو باظ بيتعمله صيانه او بيتغير استيراد (فتييس الكروز فى التوكيل مع الكمبيوتر والضرايب بيدخل فى 70 الف جنيه )؟

4- سؤال بعبع بردو تاني: بما اننا فى بلد متطوره ومتحضره وماشاء الله كل الميكانيكه معاهم سكانرات وبيحلو المشكله قبل مابيبتدوا الشغل... ايه اخبار بقي الكهربا بتاعه العربيه والسينسورز اللى فيها لاني اسمع ان عيب العربيه دي السينسورز والكهربا اللى فيها لان اسمع الناس اللى التوكيل نفسهم بيسيحوا فيها ومبيعرفوش يصلحوا فيها حاجه فهل المعلومه دي صح ولا لاء؟؟

5- سؤال عن موتور العربيه هل هو كويس ولا بيبوظ بسرعه وايه اخبار الترس ديفرز ده (مش فاكر اسمه ايه بالظبط) والكويلات الغاليه اوي دي اللى على البوجيهات اللى على طول بيبوظوا هما او الترس؟؟

6- الجسم بتاع العربيه من بره زي الرفارف الفبر هل الصاج بتاع العربيه العادي قوي يستحمل الخبطات والرفارف لقدر الله لان بالاخص لما فتحت الكبوت لقيت ماشاء الله الموتور لازق فى الاكصدام زائد ان الكبوت كله نص متر فلو لقدر الله عملت حدثه كده العربيه هتجيب نص صح؟ ولا كلامي ده غلط؟؟

7- الازاز البانوراما بتاع السقف لو لقدر الله و حد من ولاد الجيران بيهزر مع اخوه فرمي عليه طوبه من البلكونه وملبستش فى وش اخوه ولبست فى ازاز عربيتي انا اغيره منين وبكام؟

معلش سؤال اخير قبل ما اضرب منكو
8- قطع الغيار بقي موجوده بره التوكيل ولا فى التوكيل بس وفين اضمن ناس اروح اصلح عندهم (الفاهمين بس) علما باني فى مصر الجديده وممكن اروح صقر قريش على حسب ماقعدت ادور لمده اسبوع والاسعار هتبقي فى حدود كام؟

معلش انا طماع حبتين لو عربيه بقي بانوراما موديل 2006 تبقي بكام ؟؟ علشان مش عايز حد يضحك عليا... وألف شكر للى جاله صبر وقري الموضوع للاخر وهيرد عليا ان شاء الله :$ وبجد فعلا والله انا بقالى كام يوم هنا على المنتدي وشكلكم ناس فاهمه (الكلام ده بجد فعلا مش علشان حد يرد وخلاص)

1- العفشة ناعمة وكويسة جدا ومش بتحس بالطريق نهائيا
2- التكييف انا رديت عليه في رد لوحدة قبل كدة
3- انا عربيتي اتوماتيك، الفتيس كويس جدا، ومافيش مشاكل فيه في موديلات 2007 وانت طالع، اقصى مشاكلة (سلونيد وتغيير زيت ) تتكلف 1000جنية
4- علشان كدة بقولك اكشف عليها كويس، لو العربية سليمة ومافيش ميكانيكي مش تخصص رينو لعب فيها، بتبقى تمام والحساسات والكهرباء لا تمثل اي مشاكل، لكن لو حد لعب فيهم ممكن تلغبط الدنيا، لكن طبعا دا حيبان معاك بوضوح في كشف التوكيل، لكن لو العربي سليمة مافيش مشاكل من الحساسات والحاجات دي خالص
5- الموتور كويس والحاجات دي مش غالية قوي ومش بتبوظ بسرعة قوي زي ما انت متخيل
6- الرفارف وجسم العربية والشاسية في عضو محترم رد عليك عن تجربة، وانا اؤيد كلامة جدا
7- مش عارف قوي، لكن واحد صاحبي غيرة من ثلاث سنسن ب 2000 جنية وتلاقية دلوقتي رخص كتير بس مش عارف كام بالضبط
8- قطع الغيار متوفرة في اماكن كتير، وفي عضو محترم نشر تليفونات محلات قطع الغيار مشكوراااااا