الميجان عربيه ممتازه جدا و ركوبه تحفة
بس لو هتشتريها يبقى جيب موديل 2008- 2009 عشان حالتها تكون كويسه
و لو الفلوس مش هتكفى يبقى الاوبترا اختيار ممتاز خصوصا لو عربيه عامله كيلو متر قليل
تكييف ووسع وراحه فى الاوبترا عن اى عربيه بنفس السعر
رقم العضوية : 144669
تاريخ التسجيل : 31May2013
المشاركات : 107
النوع : ذكر
الاقامة : cairo
السيارة: cruze
السيارة[2]: kia cerato
الحالة :
السلام عليكم ورحمه الله وبركاته
الموضوع باختصار شديد ان كان معايا عربيه كروز وبعتها نظرا لظروف خاصه وبقرر اشتري عربيه تانيه اقل فى السعر فقدامي اختيارين: 1- الاوبترا 2- الميجان 2 موديل 2005 او 2006 وطبعا كل واحده منهم ليها مميزات وعيوب الاوبترا مثلا تكييف موتور عفشه وقطع غيار رخيصه وموجوده وثبات على الطريق بس شكل ضااااااااايع امكانيات مفيييييييييش.... والميجان عربيه فيها امكانيات حلوه جدا زي البانوراما الدلع اللى فى العربيه (الصراحه مش هحس بفرق اني نزلت من كروز لعربيه ااقل منها) وليها مميزات تانيه زي الثبات والامان.. او اريح راسي بقي واجيب فيرنا بس طبعا صباح الاكتئاب....
ماعلينا معلش طولت شويه لان لازم المقدمه دي علشان تحطو نفسكو مكاني وبالخبره تفيدوني فى قرار زي ده... اللى جاي بقي الاهم:
أنا مقتنع جدا بالميجان وعجباني جدا من حيث شكل وصالون وامكانيات فكنت عايز اسأل شويه اسأله كده:
1- ايه اخبار العفشه هل هي ناعمه زي الياباني ولا ناشفه وبدب فى المطبات والنقر اللى فى البلد؟
2- ايه اخبار التكييف (يعني لو شغلته فى الحر كاني مش مشغل حاجه واحسنلى افتح الشبابيك زي ال 128 كده ولا هبقي قاعد مش حران ولا هبقي قاعد بردان جوه العربيه (للعلم تكييف الكروز مكنش اوي
بس الصراحه جربت تكييف الفيرنا وكنت فعلا بردان الساعه 3 العصر وصدعت من كتر سقوعيه التكييف))؟
3- نيجي للسؤال وهو البعبع: ايه اخبار الفتيييس..يعني بيبوظ بسرعه ولا لاء ولو باظ بيتعمله صيانه او بيتغير استيراد (فتييس الكروز فى التوكيل مع الكمبيوتر والضرايب بيدخل فى 70 الف جنيه )؟
4- سؤال بعبع بردو تاني: بما اننا فى بلد متطوره ومتحضره وماشاء الله كل الميكانيكه معاهم سكانرات وبيحلو المشكله قبل مابيبتدوا الشغل... ايه اخبار بقي الكهربا بتاعه العربيه والسينسورز اللى فيها لاني اسمع ان عيب العربيه دي السينسورز والكهربا اللى فيها لان اسمع الناس اللى التوكيل نفسهم بيسيحوا فيها ومبيعرفوش يصلحوا فيها حاجه فهل المعلومه دي صح ولا لاء؟؟
5- سؤال عن موتور العربيه هل هو كويس ولا بيبوظ بسرعه وايه اخبار الترس ديفرز ده (مش فاكر اسمه ايه بالظبط) والكويلات الغاليه اوي دي اللى على البوجيهات اللى على طول بيبوظوا هما او الترس؟؟
6- الجسم بتاع العربيه من بره زي الرفارف الفبر هل الصاج بتاع العربيه العادي قوي يستحمل الخبطات والرفارف لقدر الله لان بالاخص لما فتحت الكبوت لقيت ماشاء الله الموتور لازق فى الاكصدام زائد ان الكبوت كله نص متر فلو لقدر الله عملت حدثه كده العربيه هتجيب نص صح؟ ولا كلامي ده غلط؟؟
7- الازاز البانوراما بتاع السقف لو لقدر الله و حد من ولاد الجيران بيهزر مع اخوه فرمي عليه طوبه من البلكونه وملبستش فى وش اخوه ولبست فى ازاز عربيتي انا اغيره منين وبكام؟
معلش سؤال اخير قبل ما اضرب منكو
8- قطع الغيار بقي موجوده بره التوكيل ولا فى التوكيل بس وفين اضمن ناس اروح اصلح عندهم (الفاهمين بس) علما باني فى مصر الجديده وممكن اروح صقر قريش على حسب ماقعدت ادور لمده اسبوع والاسعار هتبقي فى حدود كام؟
معلش انا طماع حبتين لو عربيه بقي بانوراما موديل 2006 تبقي بكام ؟؟ علشان مش عايز حد يضحك عليا... وألف شكر للى جاله صبر وقري الموضوع للاخر وهيرد عليا ان شاء الله :$ وبجد فعلا والله انا بقالى كام يوم هنا على المنتدي وشكلكم ناس فاهمه (الكلام ده بجد فعلا مش علشان حد يرد وخلاص)
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
الميجان عربيه ممتازه جدا و ركوبه تحفة
بس لو هتشتريها يبقى جيب موديل 2008- 2009 عشان حالتها تكون كويسه
و لو الفلوس مش هتكفى يبقى الاوبترا اختيار ممتاز خصوصا لو عربيه عامله كيلو متر قليل
تكييف ووسع وراحه فى الاوبترا عن اى عربيه بنفس السعر
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 132829
تاريخ التسجيل : 29Dec2012
المشاركات : 33
النوع : ذكر
الاقامة : bnei suef
السيارة: لا يوجد
السيارة[2]: megan 2005
الحالة :
اهلا بيك معانا فى قسم الرينو يا باشا انا هحاول اساعدك بالى اعرفة
1- ايه اخبار العفشه هل هي ناعمه زي الياباني ولا ناشفه وبدب فى المطبات والنقر اللى فى البلد؟
بص يا باشا عامتا عفشة الميجان ناعمة جدا وانا فعلا مش بحس بالمطبات خالص لاكن عفشة الكرولا احسن شوية قليلين لاكن الميجان هايلة بالنسبة للنيسان صنى الشكل القديم 2012 دة بصراحة الى ركبتة فى اليابانى وانا اديها 8/10
2- ايه اخبار التكييف (يعني لو شغلته فى الحر كاني مش مشغل حاجه واحسنلى افتح الشبابيك زي ال 128 كده ولا هبقي قاعد مش حران ولا هبقي قاعد بردان جوه العربيه (للعلم تكييف الكروز مكنش اوي
انا لسة مغير فلتر من 500 كيلو وشاحن فريون وبسم الله ما شاء الله التكييف روعة ودة مكنتش متوقعوا بالنسبة للكلام الى فى المنتدى عنة بس بينى وبينك مش فى قوة الصنى او النوبيرا مثلا وادية 7/10
3- نيجي للسؤال وهو البعبع: ايه اخبار الفتيييس..يعني بيبوظ بسرعه ولا لاء ولو باظ بيتعمله صيانه او بيتغير استيراد (فتييس الكروز فى التوكيل مع الكمبيوتر والضرايب بيدخل فى 70 الف جنيه )؟
مش هعرف اجاوبك لانى مانيول بس عامتا العيب المنتشر فى فتيس الميجان كان سلونيد الفتيس ودة تقريبا كان ب 400 مش عارف عيوب اخرى
4- سؤال بعبع بردو تاني: بما اننا فى بلد متطوره ومتحضره وماشاء الله كل الميكانيكه معاهم سكانرات وبيحلو المشكله قبل مابيبتدوا الشغل... ايه اخبار بقي الكهربا بتاعه العربيه والسينسورز اللى فيها لاني اسمع ان عيب العربيه دي السينسورز والكهربا اللى فيها لان اسمع الناس اللى التوكيل نفسهم بيسيحوا فيها ومبيعرفوش يصلحوا فيها حاجه فهل المعلومه دي صح ولا لاء؟؟
عامتا لو خليت حد مش فاهم يلعب فى كهربة العربية هتكره حياتك والعربية واليوم الى دخلت فية المنتدى بس انا مش شايف من مشاركات الاعضاء ان فية مشاكل كتير فى كهربة العربية
انا الحاجات الى غيرتها وليها علاقة بالكهربة هى (حساس شكمان-حساس كامة-كويل واحد) والكويل تقريبا اكتر عيب منتشر فى الميجان
5- سؤال عن موتور العربيه هل هو كويس ولا بيبوظ بسرعه وايه اخبار الترس ديفرز ده (مش فاكر اسمه ايه بالظبط) والكويلات الغاليه اوي دي اللى على البوجيهات اللى على طول بيبوظوا هما او الترس؟؟
انا الحمد لله داخل على 117 كيلو وانا عملت صيانة 120 على 112 كيلو لانى كنت شاكك ان الفلاتر والسيور متغيريتش من فترة وكشفت على ترس الديفيزر والحمد لله سليم بس الكويلات دية هى الى مشكلة انا المالك القديم غير 6 كويلات وانا حتى الان واحد يعنى 7 بس الكويلات مش غالية اوى بتبتدى من 200 الى 500 فى التوكيل طبعا دية الانواع النضيفة مش صينى
6- الجسم بتاع العربيه من بره زي الرفارف الفبر هل الصاج بتاع العربيه العادي قوي يستحمل الخبطات والرفارف لقدر الله لان بالاخص لما فتحت الكبوت لقيت ماشاء الله الموتور لازق فى الاكصدام زائد ان الكبوت كله نص متر فلو لقدر الله عملت حدثه كده العربيه هتجيب نص صح؟ ولا كلامي ده غلط؟؟
هقولك على قصة صغيرة : والدى كان ماشى على الدائرى وكان عايز ياخد يمين المهم فتح الاشارة وداخل ولقى واحد بعربية سوزوكى ماروتى طرااخ فى الرفرف اليمين طبعا المهم نزل لقى الخساير فى الماروتى رفرف مطبق وفانوس مكسور وشبكة وبص على الميجى ولقى بس حتة مكسورة من الرفرف الفيبر الى رد لوحدة والحمد لله اتلحم وادهن ورجع زى الاول وتقريبا كدة الرفرف فى الحرفين فى حدود 250 ج
7- الازاز البانوراما بتاع السقف لو لقدر الله و حد من ولاد الجيران بيهزر مع اخوه فرمي عليه طوبه من البلكونه وملبستش فى وش اخوه ولبست فى ازاز عربيتي انا اغيره منين وبكام؟
معلش انا اول فئة ف مش هقدر اجاوبك بردو
8- قطع الغيار بقي موجوده بره التوكيل ولا فى التوكيل بس وفين اضمن ناس اروح اصلح عندهم (الفاهمين بس) علما باني فى مصر الجديده وممكن اروح صقر قريش على حسب ماقعدت ادور لمده اسبوع والاسعار هتبقي فى حدود كام؟
يوووووة قطع الغيار بقت فى كل حتة فى صقر وعامتا اضمن ناس المهندس - محمد اسماعيل - عادل وفى الهرم فية طارق - معتز - قاظم بس دة انا معرفوش بس سمعت عنة هنا
ولو عايز ممكن ابعتلك ارقامهم على الخاص وانت تتصل وتسمع الاسعار بنفسك وتشوف مناسبة ولا لا
رقم العضوية : 45834
تاريخ التسجيل : 31Aug2009
المشاركات : 990
النوع : ذكر
الاقامة : Alexandria
السيارة: .
السيارة[2]: Octavia A4
دراجة بخارية: No
الحالة :
تكيف الميجان ضعيف ومش هينفعك فى القاهرة
هتها مانيوال علشان الفتيس الاتوماتيك بتعها مش عملى
معظم الى معاهم ميجانات هتلاقى انهم بيعانوا ان علبة الفيوزات الى فى الكبوت فيشة الانوار تسيح او الباور يعلق مثلا
غير كدة الميجان ممتازة
رقم العضوية : 144669
تاريخ التسجيل : 31May2013
المشاركات : 107
النوع : ذكر
الاقامة : cairo
السيارة: cruze
السيارة[2]: kia cerato
الحالة :
شكرا يا mohamed-adel ربنا يخليك وبجد انت نورتلى الدنيا شويه فى الميجان وخلتني مخافش منها اوي زي مكنت خايف..blazer الف شكر يا باشا بس المشكله الاوبترا شكلها صعب جدا وبعدين اخوك كان راكب سيراتو وكروز هيبقي صعب اركب اوبترا طبعا انت فاهم طبعا :(
رقم العضوية : 144669
تاريخ التسجيل : 31May2013
المشاركات : 107
النوع : ذكر
الاقامة : cairo
السيارة: cruze
السيارة[2]: kia cerato
الحالة :
استاذ shawkylotfy انا قريت مواضيع ليك وردود وشكل حضرتك خبره فى مجال الميجان وانا عايز استغل الموضوع ده الصراحه D: بص بقي يا سيدي اولا مينفعنيش مانويال خالص لان بيتي بعيد عن الشغل وانت فاهم زحمه القاهره السؤال بقي علبه الفيوزات دي مبتتصلحش مثلا او بيتركبلها عازل؟ وبعدين التكييف فى ناس شكرت فيه فهل هو التكييف من وجه نظرك ملوش لازمه والواحد يفتح ازاز العربيه وفتحه السقف وخلاص؟؟ ولا ليك وجهه نظر فى الموضوع ده ولو ليك ايه هيا بالظبط
معلش يا جماعه اعذروني بس الميجان داخله دماغي جامد والصراحه شبطان فى الكماليات اللى فيها وبقالى اسبوع مبنامش وبحلم بالعربيه دي :( :( :(
رقم العضوية : 144669
تاريخ التسجيل : 31May2013
المشاركات : 107
النوع : ذكر
الاقامة : cairo
السيارة: cruze
السيارة[2]: kia cerato
الحالة :
ياريت يا استاذ محمد تبعتلى ارقام المهندسين دول على الخاص او هنا فى الموضع علشان الناس تستفيد والف شكر ليك ياباشا
رقم العضوية : 144669
تاريخ التسجيل : 31May2013
المشاركات : 107
النوع : ذكر
الاقامة : cairo
السيارة: cruze
السيارة[2]: kia cerato
الحالة :
رقم العضوية : 132829
تاريخ التسجيل : 29Dec2012
المشاركات : 33
النوع : ذكر
الاقامة : bnei suef
السيارة: لا يوجد
السيارة[2]: megan 2005
الحالة :
انا هاحطها هنا يا جماعة عشان الكل يستفيد
شركة المهندس : 01001010267
محمد اسماعيل : 0166757130
دول قطع غيار بس
عادل : 01001718256
طارق : 01006241474
معتز : 01283333848
ودول ميكانيكية وبيبيعوا قطع غيار عادى
رقم العضوية : 125828
تاريخ التسجيل : 08Jun2012
المشاركات : 574
النوع : ذكر
الاقامة : cairo
السيارة: Megane II 06 M/T
السيارة[2]: Peugeot 301 HL
دراجة بخارية: N/A
الحالة :
طيب استاذ محمد رد عليك زى منا كنت هرد بالضبط حتى فى حتة المانيوال :D انا عايز ازود حاجات بسيطة بس
تجربتى الخاصة لما عملت حادثة جامدة و هى انا جيت افادى موتوسيكل كسر ادامى فجاة فى ملف و فى رمل على الطريق فطبعا مع الفرملة المفاجئة و كسر الدركسيون اكتر و الرمل العربية زحلقت و راحت رزع على السور الاسمنت اللى فى وسط الدائرى، طبعا اير باجز و كله ضرب، تقييم الخسائر بئة، كل حاجة فى صدر العربية عدا الموتور و الفتيس اتغيرت، اشى كمبروسير على دينمو على قنطرات و عفشة، كله بالسلامة، الركبتين بتوع الشاسية اتعوجوا و اتردوا على البارد بزرجينة، الرفرفين اللى قدام اتكسروا و اتغيروا (الواحد ب 250) بس الشاسية تحتيهم محصلوش حاجة، كل دة و الكبوت مفيهوش خربوش :D عشان الصدر الفبر خدوا و طلع بية على فوق فى اول الحاثة، ملخص القصه: الفبر بيتكسر لو حصل حاجة لا قدر اللة و هو معمول عشان كدة كsafety زيادة، شاسية العربية قوى جدا بجد، العربية امان غير عادى عشان بعد دة كلة انا طلعت بكدمة بس الحمد للة
انا برشح العربية دية لأى حد، بس بشرط الحالة و كشف التوكيل، انا بدور بقالى 3 اسابيع و مش لاقى حاجة حالتها كويسة و ماشية كيلومتر قليل، و كل اما اكلم حد من اللى عربيتهم ماشية قليل و اقولة اكشف توكيل اللى يقلى لا وش كدة واللى يعد يحور فى كلام من طراز معنديش وقت، مينفعش اخد اجازة من الشغل و الكلام الحمصى دة، و ياريت متتغرش بحد حاطط سعر قليل عشان اللى معاة ميجان و محافظ عليها كويس مش بيبيعها غير بالغالى عشان عارف هو بيبيع اية كويس
اخر حاجة ياريت بلاش 2005 او 2006 اتوماتيك عشان كان فيهم مشاكل كتير رغم ان مفروض يكون اكترهم اتحل انما انا شايف انك تخليك فى السليم احسن و تدور فى 2007 و 2008
المفضلات